politics
-
‘ചാം ചച്ച ചോം ചച്ച’ എന്ന ഗാനത്തെപ്പോലെയാണ് ഗോവിന്ദന്റെ പത്രസമ്മേളനം; ആർക്കും ഒന്നും മനസിലാകില്ല‘ – സിപിഎം അടൂർ ഏരിയ കമ്മിറ്റി യോഗത്തിൽ വിമർശനം
പത്തനംതിട്ട: സിപിഎം അടൂർ ഏരിയ കമ്മിറ്റി യോഗത്തിൽ സംസ്ഥാന സെക്രട്ടറി എം.വി. ഗോവിന്ദനെതിരെ രൂക്ഷ വിമർശനം. ഗോവിന്ദന്റെ പത്രസമ്മേളനങ്ങളെ പരിഹസിച്ചുകൊണ്ട് ചില അംഗങ്ങൾ കടുത്ത ഭാഷയിലാണ് പ്രതികരിച്ചത്. “ജയന്റെ സിനിമയിലെ ‘ചാം ചച്ച ചോം ചച്ച’ എന്ന ഗാനത്തെപ്പോലെയാണ് ഗോവിന്ദന്റെ പത്രസമ്മേളനം. പാട്ട് എഴുതിയവനും സംഗീതം നൽകിയവനും പാടിയവനും കേട്ടവനും അതിന്റെ അർഥം മനസിലാകാത്തതുപോലെ ഗോവിന്ദന്റെ വിശദീകരണങ്ങളും അവ്യക്തമാണ്” എന്ന രീതിയിലായിരുന്നു വിമർശനം. തിരഞ്ഞെടുപ്പ് പരാജയത്തിന്റെ പശ്ചാത്തലത്തിൽ മുഖ്യമന്ത്രി പിണറായി വിജയൻ പ്രതിപക്ഷ നേതൃസ്ഥാനത്ത് നിന്ന് ഒഴിഞ്ഞ് മാതൃക കാട്ടണമെന്നും യോഗത്തിൽ ചിലർ ആവശ്യപ്പെട്ടു. അടൂരിൽ ചില സമുദായ നേതാക്കൾ എൽഡിഎഫിന് വോട്ട് ഉറപ്പുനൽകുമെന്ന് പറഞ്ഞ് പണം വാങ്ങിയെന്ന ആരോപണവും യോഗത്തിൽ ഉയർന്നു. ഇക്കാര്യം അന്വേഷിക്കണമെന്ന് അംഗങ്ങൾ ആവശ്യപ്പെട്ടു. “എല്ലാ വോട്ടും എൽഡിഎഫിന് ലഭിക്കുമെന്ന് പറഞ്ഞാണ് പണം വാങ്ങിയത്” എന്ന വിമർശനവും ഉയർന്നു. അടൂർ മണ്ഡലത്തിലെ തോൽവിയെക്കുറിച്ചും കടുത്ത വിമർശനമുണ്ടായി. “സിപിഐ ഒന്നും ചെയ്തില്ല. ചിറ്റയം ഗോപകുമാറിനെതിരായ നെഗറ്റീവ് വോട്ടാണ് തോൽവിക്ക്…
Read More » -
പാറ്റാ പാര്ട്ടി രാജ്യത്തിന് ഭീഷണിയെന്ന്! കോക്രോച്ച് ജനതാ പാട്ടി (സിജെപി)യുടെ അക്കൗണ്ട് തടഞ്ഞത് ഐബി റിപ്പോര്ട്ടിനെ തുടര്ന്ന്; ഇന്സ്റ്റഗ്രാം അക്കൗണ്ടും ബ്ലോക്ക് ചെയ്യും; ആശങ്കയ്ക്കു കാരണം യുവാക്കള്ക്കിടയിലെ വന് പ്രചാരണമെന്നും വെളിപ്പെടുത്തല്
ന്യൂഡല്ഹി: ചീഫ് ജസ്റ്റിസ് സൂര്യകാന്ത് ‘വ്യവസ്ഥിതിയെ ആക്രമിക്കുന്നവരെ’ കുറിച്ച് നടത്തിയ പരാമര്ശങ്ങള്ക്ക് പിന്നാലെ ആരംഭിച്ച ‘കോക്രോച്ച് ജനതാ പാര്ട്ടി’ (Cockroach Janta Party) എന്ന പരിഹാസ രൂപേണയുള്ള (satirical) എക്സ് (X) ഹാന്ഡില് തടഞ്ഞത് ഇന്റലിജന്സ് റിപ്പോര്ട്ടിനെ തുടര്ന്നെന്ന് റിപ്പോര്ട്ട്. ദേശീയ സുരക്ഷയ്ക്ക് ആശങ്ക ഉയര്ത്തുന്നെന്നു ചൂണ്ടിക്കാട്ടിയാണ് നടപടിയെന്ന് മുതിര്ന്ന സര്ക്കാര് ഉദ്യോഗസ്ഥന് പറഞ്ഞതായി ഇന്ത്യന് എക്സ്പ്രസ് റിപ്പോര്ട്ട് ചെയ്തു. ഇന്ഫര്മേഷന് ടെക്നോളജി ആക്ട്, 2000-ലെ സെക്ഷന് 69 (എ) പ്രകാരം അക്കൗണ്ട് തടയാന് മിനിസ്ട്രി ഓഫ് ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജി (MeitY) എക്സിനോട് ആവശ്യപ്പെടുകയായിരുന്നു. ഇതിനാവശ്യമായ വിവരങ്ങള് ഐബിയില് നിന്നാണ് ലഭിച്ചതെന്നും ഉദ്യോഗസ്ഥന് കൂട്ടിച്ചേര്ത്തു. ‘കോക്രോച്ച് ജനതാ പാര്ട്ടിയുടെ എക്സ് അക്കൗണ്ട് ഇന്ത്യയുടെ പരമാധികാരത്തിന് ഭീഷണിയാണെന്ന് ചൂണ്ടിക്കാട്ടി അത് ബ്ലോക്ക് ചെയ്യാന് ഐബിയില് നിന്ന് MeitY-ക്ക് വിവരം ലഭിച്ചു. ഈ അക്കൗണ്ടിലൂടെ പ്രകോപനപരമായ ഉള്ളടക്കങ്ങള് പോസ്റ്റ് ചെയ്യുന്നതായും അത് രാജ്യത്തിന്റെ ദേശീയ സുരക്ഷയെ അപകടത്തിലാക്കുമെന്നും ഐബി ചൂണ്ടിക്കാട്ടി’ പേര്…
Read More » -
സൗജന്യ യാത്ര; കെ.എസ്.ആര്.ടി.സി. കുത്തുപാള എടുക്കുമെന്ന് മുന്നറിയിപ്പ്; മാനേജ്മെന്റ് തയാറാക്കിയ റിപ്പോര്ട്ട് സര്ക്കാരിനു കൈമാറി; പ്രതിമാസം 112 കോടി നഷ്ടമുണ്ടാക്കും
കെ.എസ്.ആര്.ടി.സി ബസുകളില് അടുത്തമാസം 15 മുതല് സ്ത്രീകള്ക്ക് സൗജന്യയാത്ര പ്രഖ്യാപിച്ച നടപടിക്കെതിരേ കെ.എസ്ആര്ടിസി. പ്രകടനപത്രികയിലെ ഏറ്റവും ആകര്ഷകമായ പ്രഖ്യാപനമായതിനാല് ആദ്യമന്ത്രിസഭായോഗത്തില്ത്തന്നെ തീരുമാനവുമെടുത്തു. എന്നാല് ഈ പ്രഖ്യാപനം അതേപടി നടപ്പാക്കിയാല് കെ.എസ്.ആര്.ടി.സി കുത്തുപാളയെടുക്കുമെന്ന് റിപ്പോര്ട്ട്. കെ.എസ്.ആര്.ടി.സി മാനേജ്മെന്റ് തയാറാക്കിയ റിപ്പോര്ട്ട് ഗതാഗത സെക്രട്ടറിക്ക് കൈമാറി. മുഴുവന് ബസുകളിലും സ്ത്രീകള്ക്ക് യാത്ര സൗജന്യമാക്കിയാല് കെ.എസ്.ആര്.ടി.സിക്ക് പ്രതിമാസം 112 കോടി രൂപ നഷ്ടമുണ്ടാകുമെന്നാണ് റിപ്പോര്ട്ട്. ഇതോടെ പ്രഖ്യാപനം നടപ്പാക്കാന് സര്ക്കാര് വന്തുക കണ്ടെത്തേണ്ടിവരുമെന്ന് ഉറപ്പായി. ഒരുദിവസം ശരാശരി 10 ലക്ഷം മുതല് 12 ലക്ഷം വരെ സ്ത്രീകളാണ് കെ.എസ്.ആര്.ടി.സി ബസുകളില് യാത്ര ചെയ്യുന്നത്. ഓര്ഡിനറി ബസില് മാത്രം യാത്ര സൗജന്യമാക്കിയാല് ടിക്കറ്റ് വരുമാനത്തില് ഒരുമാസം 57 കോടി രൂപ കുറയും. ഓര്ഡിനറിക്ക് പുറമെ സിറ്റി ഫാസ്റ്റുകളില്ക്കൂടി യാത്രാസൗജന്യം വ്യാപിപ്പിച്ചാല് വരുമാനനഷ്ടം 65 കോടിയായി ഉയരും. ദീര്ഘദൂരയാത്ര കൂടി സൗജന്യമാക്കാനായി ഫാസ്റ്റ് പാസഞ്ചര്, സൂപ്പര്ഫാസ്റ്റ് ബസുകളിലും ഫ്രീ ടിക്കറ്റ് നല്കിയാല് നഷ്ടം 90 കോടിയായി കുതിക്കും. ഇനി…
Read More » -
‘മലയാളിയുടെ ഇംഗ്ലീഷ് ഞങ്ങള്ക്ക് അറിയാം’; അവര്ക്കു സംസാരിക്കാന് താത്പര്യമല്ല, ഇംഗ്ലീഷില് വാദം നടത്തുക എളുപ്പമല്ലെന്നും ജസ്റ്റിസ് സന്ദീപ് മേത്ത; വിവാഹ മോചനക്കേസ് ഇന്ത്യയിലെ ചര്ച്ചാവിഷയം
മലയാളികളുടെ ഇംഗ്ലിഷ് പരിജ്ഞാനത്തെ ചോദ്യംചെയ്ത് സുപ്രിംകോടതി. കേരളത്തില് ഇംഗ്ലിഷ് വലിയ ബുദ്ധിമുട്ടാണെന്ന സുപ്രിംകോടതി ജസ്റ്റിസ് സന്ദീപ് മേത്തയുടെ പരാമര്ശം ചര്ച്ചയാകുന്നു. കേരളത്തിൽ നിന്നുള്ള വിവാഹമോചനക്കേസ് പഞ്ചാബിലേക്ക് മാറ്റണമെന്ന ഹർജി പരിഗണിക്കുന്നതിനിടയിലാണ് മേത്തയുടെ പരാമര്ശം. മലയാളികള്ക്ക് ഇംഗ്ലിഷ് അറിയാമെങ്കില്പ്പോലും അവര്ക്ക് സംസാരിക്കാന് താല്പര്യമില്ലെന്നും അവിടെ ഇംഗ്ലിഷില് വാദം നടത്തുക എളുപ്പമല്ലെന്നുമാണ് ജസ്റ്റിസ് പറഞ്ഞത്. കോട്ടയം സ്വദേശിയുമായുള്ള വിവാഹമോചനക്കേസിലെ തുടർനടപടികൾ ലുധിയാനയിലേക്കു മാറ്റണമെന്ന പഞ്ചാബ് സ്വദേശിനിയുടെ ഹർജി പരിഗണിക്കവേയാണു മലയാളിയുടെ ഇംഗ്ലിഷ് പരിജ്ഞാനം ചര്ച്ചയായത്. കുട്ടിയുടെ കസ്റ്റഡിയും വിവാഹമോചനവുമായി ബന്ധപ്പെട്ട കേസാണ് പഞ്ചാബിലേക്ക് മാറ്റണമെന്ന് യുവതി ആവശ്യപ്പെട്ടത്. ജസ്റ്റിസുമാരായ വിക്രം നാഥ്, സന്ദീപ് മേത്ത എന്നിവരടങ്ങിയ ബെഞ്ചാണ് വാദം കേട്ടത്. കേസ് കേരളത്തില് നിന്നും പഞ്ചാബിലേക്ക് മാറ്റുന്നതിനെ ഭര്ത്താവിനു വേണ്ടി ഹാജരായ അഡ്വക്കേറ്റ് അൽജോ ജോസഫ് എതിര്ത്തു. കേരളത്തില് കേസ് നടത്തുന്നതിന് യാതൊരു ബുദ്ധിമുട്ടുമില്ലെന്നും എല്ലാവര്ക്കും ഇംഗ്ലിഷ് അറിയാമെന്നുമാണ് അല്ജോ വാദിച്ചത്. എന്നാല് ജസ്റ്റിസ് മേത്ത ഇതിനെ ശക്തമായി എതിർത്തു. ‘അവിടെ കാര്യങ്ങൾ വളരെ…
Read More » -
ഇന്ത്യയില് ബിജെപിയുടെ ഭരണം ഇനി എത്രകാലം? വിജയുടെ ടിവികെയ്ക്കു ഭരണം ലഭിക്കുമെന്നു പ്രവചിച്ച എക്സിറ്റ് പോള് മേധാവി പറയുന്നത്; ഭരണം മോശമായില്ലെങ്കില് രാഹുല് ഗാന്ധിഅടുത്ത കാലത്തൊന്നും പ്രധാനമന്ത്രി ആകില്ല!
തമിഴ്നാട് നിയമസഭാ തിരഞ്ഞെടുപ്പില് എല്ലാ എക്സിറ്റ് പോളുകളും ഡിഎംകെയ്ക്ക് തുടര്ഭരണം പ്രവചിച്ചപ്പോള് വേറിട്ട് നിന്ന ഒരു എക്സിറ്റ് പോളുണ്ടായിരുന്നു. വിജയ്യുടെ ടിവികെയ്ക്ക് വിജയം പ്രവചിച്ച ആക്സിസ് മൈ ഇന്ത്യ എക്സിറ്റ് പോള്. ആ പ്രവചനം പോലെ തന്നെ കന്നിയംഗത്തില് തമിഴ്നാട്ടില് ടിവികെ തരംഗം ആഞ്ഞടിച്ചു. ഇതോടെ ആക്സിസ് മൈ ഇന്ത്യ എക്സിറ്റ് പോളും ശ്രദ്ധേയമായി. ഇപ്പോളിതാ രാജ്യത്ത് ബിജെപി ഭരണം എത്രകാലം കൂടി തുടരും എന്ന് പ്രവചിച്ച് രംഗത്തെത്തിയിരിക്കുകയാണ് അതേ എക്സിറ്റ്പോള്. ആക്സിസ് മൈ ഇന്ത്യ മേധാവിയും തിരഞ്ഞെടുപ്പ് വിശകലന വിദഗ്ധനുമായ പ്രദീപ് ഗുപ്തയാണ് തന്റെ നിരീക്ഷണവുമായി രംഗത്തെത്തിയിരിക്കുന്നത്. രാജ്യത്ത് ബിജെപിയുടെ ആധിപത്യം 20 വർഷം കൂടി തുടരുമെന്നും പ്രകടനം മോശമാകാത്തിടത്തോളം കാലം അവർ വിജയിച്ചുകൊണ്ടിരിക്കുകയും ചെയ്യുമെന്നാണ് പ്രദീപ് ഗുപ്തയുടെ വിലയിരുത്തല്. ഒപ്പം പ്രതിപക്ഷം ദുർബലമായിക്കൊണ്ടിരിക്കുകയും ചെയ്യുമെന്നും അദ്ദേഹം പറയുന്നു. രാജ്യത്ത് ഒരു കാലത്ത് കോണ്ഗ്രസ് തുടര്ച്ചയായി ഭരിച്ച കാലത്തിന് സമാനമായി ഇന്ത്യൻ രാഷ്ട്രീയം മറ്റൊരു ഏകകക്ഷി ആധിപത്യത്തിന് സാക്ഷ്യം വഹിക്കുകയാണെന്നാണ് അദ്ദേഹത്തിന്റെ…
Read More » -
സ്പീക്കറായി തിരുവഞ്ചൂർ രാധാകൃഷ്ണൻ; തിരഞ്ഞെടുക്കപ്പെട്ടത് 101 വോട്ടുകൾക്ക്
തിരുവനന്തപുരം: കോട്ടയം എംഎൽഎയും മുതിർന്ന കോൺഗ്രസ് നേതാവുമായ തിരുവഞ്ചൂർ രാധാകൃഷ്ണൻ പതിനാറാം കേരള നിയമസഭയുടെ സ്പീക്കറായി തിരഞ്ഞെടുക്കപ്പെട്ടു. 101 വോട്ടുകളുടെ പിന്തുണയോടെയാണ് അദ്ദേഹം വിജയിച്ചത്. സിപിഎമ്മിന്റെ സ്ഥാനാർഥിയായ എ.സി മൊയ്തീൻ 35 വോട്ടുകളും ബിജെപി സ്ഥാനാർഥിയായ ബി. ബി. ഗോപകുമാർ മൂന്ന് വോട്ടുകളും നേടി. ആകെ 139 അംഗങ്ങളാണ് വോട്ടെടുപ്പിൽ പങ്കെടുത്തത്. പ്രോ ടേം സ്പീക്കറായതിനാൽ ജി.സുധാകരൻ വോട്ട് രേഖപ്പെടുത്തിയില്ല. മുഖ്യമന്ത്രി വി.ി സതീശനും പ്രതിപക്ഷ നേതാവ് പിണറായി വിജയനും ചേർന്നാണ് തിരുവഞ്ചൂരിനെ സ്പീക്കർ കസേരയിലേക്ക് ആനയിച്ചത്. സംസ്ഥാന നിയമസഭയുടെ ചരിത്രത്തിൽ ആദ്യമായാണ് മൂന്ന് രാഷ്ട്രീയ പാർട്ടികളുടെ സ്ഥാനാർഥികൾ സ്പീക്കർ തിരഞ്ഞെടുപ്പിൽ മത്സരിച്ചത്. എൽഡിഎഫിനുവേണ്ടി എ.സി. മൊയ്തീനും എൻഡിഎയ്ക്കുവേണ്ടി ബി.ബി. ഗോപകുമാറുമായിരുന്നു മത്സരരംഗത്തുണ്ടായത്. സഭയിലെ മുതിർന്ന അംഗവും അമ്പലപ്പുഴ എംഎൽഎയുമായ ജി. സുധാകരനായിരുന്നു പ്രോ ടേം സ്പീക്കർ. അദ്ദേഹത്തിന്റെ നിയന്ത്രണത്തിലായിരുന്നു തിരഞ്ഞെടുപ്പ് നടപടികൾ. തിരുവഞ്ചൂർ രാധാകൃഷ്ണനെ സ്പീക്കർ സ്ഥാനത്തേക്ക് നാമനിർദേശം ചെയ്ത് നാല് പത്രികകളാണ് സമർപ്പിച്ചത്. ആദ്യ പത്രികയിൽ വി.ഡി. സതീശൻ…
Read More » -
യുറോനിയം പുറത്തേക്ക് മാറ്റാന് അനുവദിക്കരുത്; യുദ്ധത്തിന് ആക്കംകൂട്ടി ഇറാന് പരമോന്നത നേതാവിന്റെ നിര്ദേശം; ആണവായുധം നിര്മിക്കാനില്ലെന്ന വാദം പൊളിഞ്ഞു? കൈവശം വയ്ക്കാന് അനുവദിക്കില്ലെന്ന് ട്രംപ്; കരാറില് വിട്ടുവീഴ്ച ഉണ്ടായേക്കില്ല
ദുബായ്: ഇറാന്റെ ആയുധ നിലവാരത്തോട് അടുത്ത യുറേനിയം ശേഖരം വിദേശത്തേക്ക് അയക്കരുതെന്ന് രാജ്യത്തിന്റെ പരമോന്നത നേതാവ് നിര്ദ്ദേശം നല്കിയെന്നു റിപ്പോര്ട്ട്. രണ്ടു മുതിര്ന്ന ഇറാനിയന് വൃത്തങ്ങളെ ഉദ്ധരിച്ചു റോയിട്ടേഴ്സ് ആണ് ഇക്കാര്യം റിപ്പോര്ട്ട് ചെയ്തത്. സമാധാന ചര്ച്ചകളില് യു.എസിന്റെ പ്രധാന ആവശ്യങ്ങളിലൊന്നില് ടെഹ്രാന് തങ്ങളുടെ നിലപാട് കടുപ്പിക്കുന്നതാണ് ഈ നടപടി. അയത്തൊള്ള മുജ്തബ ഖമേനിയുടെ ഈ ഉത്തരവ് യു.എസ് പ്രസിഡന്റ് ഡൊണാള്ഡ് ട്രംപിനെ കൂടുതല് നിരാശനാക്കുന്നതിനൊപ്പം യുദ്ധം കടുപ്പിക്കാനുള്ള സാധ്യതയും വര്ധിപ്പിക്കുന്നു. ഇറാന്റെ പക്കല് ഉയര്ന്ന തോതില് സമ്പുഷ്ടീകരിച്ച യുറേനിയം ശേഖരം കൈവശം വെക്കാന് യുണൈറ്റഡ് സ്റ്റേറ്റ്സ് അനുവദിക്കില്ലെന്ന് ട്രംപ് വ്യാഴാഴ്ച വ്യക്തമാക്കിയിരുന്നു. ‘ഞങ്ങള് അത് കൈക്കലാക്കും. ഞങ്ങള്ക്ക് അത് ആവശ്യമില്ല, ഞങ്ങള് അത് ആഗ്രഹിക്കുന്നതുമില്ല. ഞങ്ങള്ക്ക് അത് കിട്ടിക്കഴിഞ്ഞാല് ഒരുപക്ഷേ ഞങ്ങള് അത് നശിപ്പിച്ചേക്കാം, പക്ഷേ അത് കൈവശം വെക്കാന് ഞങ്ങള് അവരെ അനുവദിക്കില്ല’ ട്രംപ് വൈറ്റ് ഹൗസില് മാധ്യമപ്രവര്ത്തകരോട് പറഞ്ഞു. ആറ്റോമിക് ആയുധം നിര്മ്മിക്കാന് ആവശ്യമായ ഇറാന്റെ ഉയര്ന്ന…
Read More » -
‘പപ്പാ, അങ്ങ് സ്വപ്നം കണ്ട ഇന്ത്യ യാഥാർഥ്യമാക്കുന്നതിനുള്ള ഉത്തരവാദിത്വം പൂർണ്ണമായി നിറവേറ്റും; അങ്ങ് തന്ന ഉപദേശങ്ങൾ, മൂല്യങ്ങൾ, ഓർമ്മകൾ എപ്പോഴും എന്നോടൊപ്പം ഉണ്ടാകും‘- പിതാവിനെ അനുസ്മരിച്ച് രാഹുൽഗാന്ധി; മുൻപ്രധാനമന്ത്രിയെ അനുസ്മരിച്ച് നരേന്ദ്ര മോദിയും
ന്യൂഡൽഹി: ലോക്സഭാ പ്രതിപക്ഷ നേതാവ് രാഹുൽ ഗാന്ധി തന്റെ പിതാവും മുൻ പ്രധാനമന്ത്രിയുമായ രാജീവ് ഗാന്ധിക്ക് 35-ാം ചരമവാർഷികത്തിൽ വികാരനിർഭരമായ ആദരാഞ്ജലികൾ അർപ്പിച്ചു. സാമൂഹിക മാധ്യമത്തിൽ ഹൃദയസ്പർശിയായ കുറിപ്പും കുട്ടിക്കാലത്തെ ചിത്രവും രാഹുൽ പങ്കുവെച്ചു. “പപ്പാ, അങ്ങ് സ്വപ്നം കണ്ട നൈപുണ്യവും സമൃദ്ധിയും ശക്തവുമായ ഇന്ത്യ യാഥാർഥ്യമാക്കുന്നതിനുള്ള ഉത്തരവാദിത്വം പൂർണ്ണമായി നിറവേറ്റും. അങ്ങയുടെ ഉപദേശങ്ങൾ, മൂല്യങ്ങൾ, ഓർമ്മകൾ എന്നിവ എപ്പോഴും എന്നോടൊപ്പം ഉണ്ടാകും.”, രാഹുൽ കുറിച്ചു. കുട്ടിക്കാലത്തെ ചിത്രമുൾപ്പെടെ രണ്ട് ചിത്രങ്ങളാണ് രാഹുൽ പോസ്റ്റിൽ പങ്കുവെച്ചിട്ടുള്ളത്. രാവിലെ, കോൺഗ്രസ് പാർലമെൻ്ററി പാർട്ടി ചെയർപേഴ്സൺ സോണിയ ഗാന്ധി, കോൺഗ്രസ് അധ്യക്ഷൻ മല്ലികാർജുൻ ഖാർഗെ, രാഹുൽ ഗാന്ധി, കോൺഗ്രസ് എംപി പ്രിയങ്ക ഗാന്ധി വദ്ര എന്നിവർ രാജീവ് ഗാന്ധിക്ക് പുഷ്പാഞ്ജലികൾ അർപ്പിക്കാൻ വീർ ഭൂമിയിലെത്തി. പ്രിയങ്ക ഗാന്ധി വദ്രയുടെ മക്കളായ മിറായ, റൈഹാൻ വദ്ര എന്നിവരും ആദരാഞ്ജലികൾ അർപ്പിക്കാനെത്തിയിരുന്നു. അശോക് ഗെഹ് ലോത്, പി. ചിദംബരം, ഭൂപീന്ദർ സിങ് ഹൂഡ, മുകുൾ വാസ്നിക് തുടങ്ങിയ…
Read More » -
‘പിണറായി മാർഗനിർദേശം തന്ന നേതാവാണ്, ആ ആദരവ് എല്ലാക്കാലവുമുണ്ടാകും; പാർട്ടി സെക്രട്ടറിയുടെയല്ല പാർട്ടിയുടെ നിലപാടിലാണ് എനിക്ക് വിയോജിപ്പുണ്ടായത്‘ – ടി.കെ. ഗോവിന്ദൻ
തിരുവനന്തപുരം: സത്യപ്രതിജ്ഞയ്ക്ക് മുമ്പ് പ്രതിപക്ഷ നേതാവ് പിണറായി വിജയനെ കണ്ട് ഹസ്തദാനം നല്കിയതിൽ പ്രതികരണവുമായി തളിപ്പറമ്പ് എംഎൽഎ ടി.കെ. ഗോവിന്ദൻ. കഴിഞ്ഞ അറുപത് വർഷക്കാലത്തോളം രാഷ്ട്രീയത്തിൽ തനിക്ക് മാർഗ നിർദേശം തന്ന നേതാവാണ് പിണറായിയെന്നും ആ ആദരവ് എല്ലാക്കാലവുമുണ്ടാകുമെന്നും അദ്ദേഹം പറഞ്ഞു. അദ്ദേഹത്തോട് മാത്രമല്ല പല രാഷ്ട്രീയ പാർട്ടിയിലും തനിക്ക് ആദരവ് തോന്നിയിട്ടുള്ള നേതാക്ക്മാർ വേറെയുമുണ്ട്. എൽഡിഎഫുമായി അകലാൻ കാരണം പാർട്ടി സെക്രട്ടറിയുടെ നിലപാട് കാരണമല്ലെന്നും പാർട്ടി നിലപാട് കാരണമാണെന്നും ഗോവിന്ദൻ വ്യക്തമാക്കി. രാഷ്ട്രീയത്തിൽ കളം മാറ്റം സാധാരണമാണ്. മുമ്പ് കോൺഗ്രസിലുണ്ടായിരുന്നവർ പലരും എൽഡിഎഫിൽ എത്തിയിട്ടുണ്ടല്ലോ? അതൊക്കെ സ്വഭാവികമാണ്. ഏത് പക്ഷത്താണോ നില്ക്കുന്നത് അവിടെ ആത്മാർത്ഥതയോടെ ഒപ്പം നില്ക്കുകയെന്നതാണ് പ്രധാനമെന്നും അദ്ദേഹം പറഞ്ഞു. സി.പി.എം ശക്തികേന്ദ്രമായ തളിപ്പറമ്പിൽ സി.പി.എം സംസ്ഥാന സെക്രട്ടറി എം.വി. ഗോവിന്ദന്റെ ഭാര്യയും ജനാധിപത്യ മഹിളാ അസോസിയേഷൻ നേതാവുമായ പി.കെ. ശ്യാമളയെ പരാജയപ്പെടുത്തിയാണ് ടി.കെ. ഗോവിന്ദൻ നിയമസഭയിലെത്തിയത്. തളിപ്പറമ്പ് മണ്ഡലത്തിൽ പി.കെ. ശ്യാമളയുടെ സ്ഥാനാർത്ഥിത്വം പ്രഖ്യാപിച്ചതു മുതൽ പാർട്ടിക്കുള്ളിൽ…
Read More » -
അറിഞ്ഞതിലും ആഴത്തില് വേരൂന്നിയ മസ്കിന്റെ ബിസിനസ് സാമ്രാജ്യം; ഐപിഒ ഫയലിംഗില് പുറത്തു വരുന്നത് ശതകോടികളുടെ പരസ്പര ബന്ധം; സൈബര് ട്രെക്കുകള് മുതല് സ്വകാര്യ ജെറ്റുകള്വരെ; എഐ മുതല് ചിപ്പ് നിര്മാണവും ഉപഗ്രഹ ശൃംഖലയുംവരെ
ന്യൂയോര്ക്ക്: ഓഹരി വിപണിയില് പൊതുജനങ്ങള്ക്കായി ഷെയറുകള് വില്ക്കാനുള്ള നീക്കത്തിന്റെ മുന്നോടിയായി സ്പേസ് എക്സിന്റെ ഐപിഒ ഫയലിംഗില് പുറത്തുവരുന്നത് ആഴത്തില് വേരൂന്നിക്കിടക്കുന്ന ഇലോണ് മസ്കിന്റെ ബിസിനസ് സാമ്രാജ്യം. മസ്കിന്റെതന്നെ കമ്പനികള്ക്കിടയിലെ വിപുലമായ വാണിജ്യ- സാമ്പത്തിക ബന്ധങ്ങളെക്കുറിച്ചുള്ള കണക്കുകളാണ് ഇതിലുള്ളത്. സൈബര്ട്രക്കുകള് വാങ്ങിയതും, സ്വകാര്യ ജെറ്റുകള് പങ്കിട്ടതും മുതല് ഓഹരി നിക്ഷേപങ്ങള് വരെയുള്ള വിവരങ്ങള് ഇതില് ഉള്പ്പെടുന്നു. ചരിത്രത്തിലെ ഏറ്റവും വലിയ ഐപിഒ ആയി മാറിയേക്കാവുന്ന ഒന്നിന് മുന്നോടിയായി അദ്ദേഹത്തിന്റെ ബിസിനസ്സ് സാമ്രാജ്യം എത്രത്തോളം ആഴത്തില് പരസ്പരം ബന്ധപ്പെട്ടിരിക്കുന്നുവെന്നാണ് ഇത് കാണിക്കുന്നത്. ഈ ശതകോടീശ്വരന്റെ പല കമ്പനികളും പണ്ടുമുതലേ സഹകരിച്ചു പ്രവര്ത്തിക്കുന്നുണ്ടെങ്കിലും, എഐ, ഗതാഗതം, വാര്ത്താവിനിമയം, ഇന്ഫ്രാസ്ട്രക്ചര് എന്നിവയിലുടനീളം വ്യാപിച്ചുകിടക്കുന്ന വാണിജ്യ കരാറുകള്, ധനസഹായ ബാധ്യതകള്, പ്രവര്ത്തനപരമായ ആശ്രയത്വങ്ങള് എന്നിവയാല് അവയിപ്പോള് എങ്ങനെ ഒരു ശൃംഖലയായി രൂപപ്പെട്ടിരിക്കുന്നു എന്നതിനെക്കുറിച്ചുള്ള മുമ്പ് വെളിപ്പെടുത്താത്ത വിശദാംശങ്ങള് ഈ ഫയലിംഗിലുണ്ട്. ഏകദേശം 1.75 ട്രില്യണ് ഡോളര് മൂല്യം ലക്ഷ്യമിട്ടുള്ള സ്പേസ് എക്സിന്റെ ആസൂത്രിത ഐപിഒയ്ക്ക് മുന്നോടിയായി, സ്പേസ് എക്സ്,…
Read More »