Newsthen Special
-
വാര്ത്താ സമ്മേളനങ്ങള് ഒഴിവാക്കി സംസ്ഥാന സെക്രട്ടറി; പ്രചാരണത്തില് സജീവമെങ്കിലും മാധ്യമങ്ങള്ക്ക് മുന്നില് അഭിപ്രായ പ്രകടനത്തിനില്ല; നിലപാടുകള് പറയുന്നത് എം. സ്വരാജ്; ചര്ച്ചയായി ‘ചുമതല’ കൈമാറ്റം
തിരുവനന്തപുരം: തിരഞ്ഞെടുപ്പ് കാലത്ത് സിപിഎം സംസ്ഥാന സെക്രട്ടറി എം.വി. ഗോവിന്ദന് വാര്ത്താസമ്മേളനങ്ങള് ഒഴിവാക്കിയത് ചര്ച്ചയാവുന്നു. മുഖ്യമന്ത്രി ദിവസവും വാര്ത്താസമ്മേളനങ്ങള് നടത്തുമ്പോഴാണ് പാര്ട്ടിയെ നയിക്കുന്ന എം.വി. ഗോവിന്ദന് വാര്ത്താസമ്മേളനങ്ങള് ഒഴിവാക്കുന്നത്. രാഷ്ട്രീയ എതിരാളികള്ക്കുള്ള മറുപടി നല്കുന്നതാകട്ടെ സിപിഎം സംസ്ഥാന സെക്രട്ടറിയേറ്റ് അംഗം എം. സ്വരാജാണെന്നതും കൗതുകമുണര്ത്തുന്നു. തിരഞ്ഞെടുപ്പ് പ്രചാരണം കൊഴുക്കുമ്പോള് പാര്ട്ടിയുടെ നിലപാടുകള് പറയേണ്ടതും രാഷ്ട്രീയ എതിരാളികള്ക്ക് മറുപടി പറയേണ്ടതും സിപിഎമ്മില് നിന്നും സംസ്ഥാന സെക്രട്ടറി എം.വി. ഗോവിന്ദനാണ്. എന്നാല് ഭാര്യ പി.കെ. ശ്യാമളയുടെ സ്ഥാനാര്ഥിത്വത്തെ എതിര്ത്ത് ടി.കെ. ഗോവിന്ദന് സൃഷ്ടിച്ച വിസ്ഫോടനത്തിന് ശേഷം എം.വി. ഗോവിന്ദന് വാര്ത്താസമ്മേളനങ്ങള് ഒഴിവാക്കുകയായിരുന്നു. സംസ്ഥാന സെക്രട്ടറിയേറ്റ് യോഗങ്ങള്ക്ക് ശേഷം വാര്ത്താസമ്മേളനങ്ങള് നടത്തുന്നത് പതിവുള്ള എം.വി? ഗോവിന്ദന് സ്ഥാനാര്ഥി പ്രഖ്യാപനം നടത്താനാണ് അവസാനം വാര്ത്താസമ്മേളനം വിളിച്ചത്. തിരഞ്ഞെടുപ്പ് പ്രചാരണത്തിനും കമ്മിറ്റികള്ക്കുമായി എം.വി. ഗോവിന്ദന് എല്ലാ ജില്ലകളിലും സഞ്ചരിക്കുന്നുണ്ടെങ്കിലും എവിടെയും വാര്ത്താസമ്മേളനം വിളിച്ചിട്ടില്ല. തിരഞ്ഞെടുപ്പ് കമ്മിറ്റികള്ക്ക് എത്തുമ്പോള് രണ്ടോ മൂന്നോ വാചകങ്ങളില് മാധ്യമങ്ങള്ക്ക് നല്കുന്ന പ്രതികരണങ്ങള് മാത്രമാണ് എം.വി.…
Read More » -
യുദ്ധത്തില് കൊല്ലപ്പെട്ടത് 4 ലക്ഷം സൈനികര്; ഡ്രോണ് ആക്രമണവും നിരീക്ഷണവും ഭയന്ന് ഇന്റര്നെറ്റ് വിഛേദനം; തകരുന്ന സമ്പദ് വ്യവസ്ഥ, കാര്ഷിക പ്രക്ഷോഭം: മുറുമുറുപ്പുമായി വിശ്വസ്തരും; പുടിനെതിരേ റഷ്യയില് അതൃപ്തി ഉരുണ്ടുകൂടുന്നു; എണ്ണ കയറ്റുമതിയും പ്രതിസന്ധിയില്
മോസ്കോ: റഷ്യന് സമൂഹത്തിലെ വര്ദ്ധിച്ചുവരുന്ന മരണസംഖ്യയും സാമ്പത്തിക ബാധ്യതകളും ക്രെംലിന് അനുകൂലികള്ക്കിടയില്പ്പോലും പ്രകടമാകുന്ന അതൃപ്തിയും ജനങ്ങള്ക്കിടയിലെ വ്ലാഡിമിര് പുടിന്റെ സ്വാധീനത്തില് വലിയ മാറ്റമുണ്ടാക്കുന്നെന്നു ‘ദി ടൈംസ്’ റിപ്പോര്ട്ട്. 2026 മാര്ച്ചില് മോസ്കോയിലെ റെഡ് സ്ക്വയറിന് സമീപം നടന്ന റാലിയില് തന്റെ മൂന്നാം തവണത്തെ തെരഞ്ഞെടുപ്പ് വിജയം ആഘോഷിക്കുമ്പോള് പുടിന്റെ കണ്ണുകളില് നിന്ന് ആനന്ദക്കണ്ണീര് ഒഴുകുന്നുണ്ടായിരുന്നു. ‘റഷ്യയ്ക്ക് മഹത്വം!’ എന്ന് അദ്ദേഹം വിളിച്ചുപറഞ്ഞപ്പോള് അനുകൂലികള് ആവേശത്തോടെ അത് ഏറ്റെടുത്തു. എന്നാല് 14 വര്ഷങ്ങള്ക്കിപ്പുറം, റഷ്യയ്ക്ക് മഹത്വം വാഗ്ദാനം ചെയ്ത പുടിന് ഉക്രെയ്നിലെ വിനാശകരമായ യുദ്ധത്തില് കുടുങ്ങിക്കിടക്കുകയാണ്. ക്രെംലിനില് ഇപ്പോള് കണ്ണുനീര് ഉണ്ടെങ്കില് അത് ആനന്ദത്തിന്റേതല്ല, മറിച്ച് യുദ്ധം വരുത്തിവെച്ച സാമ്പത്തിക-സാമൂഹിക തകര്ച്ചയില് നിന്നുള്ള നിരാശയുടേതും കോപത്തിന്റേതുമാണ്. ‘ജീവിതത്തിന്റെ എല്ലാ മേഖലകളെയും ഇത് ബാധിച്ചിട്ടുണ്ട്’- പ്രമുഖ ക്രെംലിന് വിദഗ്ധയും ആര്.പോളിറ്റിക് (R.Politik) തലവനുമായ ടാറ്റിയാന സ്റ്റാനോവയ പറഞ്ഞു. ‘ഇതൊരു സഞ്ചിത പ്രഭാവമാണ് (cumulative effect), ഇത് എല്ലാം അസ്ഥിരപ്പെടുത്തുന്ന ഒരുതരം അസന്തുലിതാവസ്ഥ സൃഷ്ടിക്കുന്നു’- അദ്ദേഹം…
Read More » -
രാത്രിയില് നാല് ‘അതിഥികളെ’ മുറിയിലെത്തിച്ചു; പുലരും വരെ റൂമില്! ഷഹീന്ഷാ അഫ്രീദിക്ക് ഒരു മില്യണ് പിഴ
പാക്കിസ്ഥാന് ക്രിക്കറ്റ് ലീഗിനിടെ അച്ചടക്കം ലംഘിച്ചതിന് സൂപ്പര് താരം ഷഹീന് ഷാ അഫ്രീദിക്ക് കൂറ്റന് പിഴ. ഒരു മില്യണ് പാക്കിസ്ഥാന് രൂപയാണ് അഫ്രീദിയുടെ ഫ്രാഞ്ചൈസിയായ ലാഹോര് ക്വാലന്ഡര്സ് പിഴയീടാക്കിയത്. ഹോട്ടലിലെ സുരക്ഷാചട്ടം മറികടന്ന് പുറത്ത് നിന്നുള്ളവരെ മുറിയില് കയറ്റുകയും അവരുമായി സമയം ചെലവഴിക്കുകയും ചെയ്തുവെന്നാണ് കണ്ടെത്തല്. വിവരം പിസിബിയെയും ക്വാലന്ഡര്സ് അറിയിച്ചിട്ടുണ്ട്. രാത്രി 11 കഴിഞ്ഞതോടെയാണ് സിംബാബ്വെ താരം സിക്കന്ദര് റാസയ്ക്കൊപ്പം നാലു പേരെ കൂട്ടി ഷഹീന് ഷാ അഫ്രീദി റാസയുടെ മുറിയിലേക്ക് കടന്നത്. അതിഥികളെ ഹോട്ടല്മുറിയില് പ്രവേശിപ്പിക്കാന് പാടില്ലെന്ന് അധികൃതര് വിലക്കിയെങ്കിലും ഇരുവരും ഗൗനിച്ചില്ല. പുലര്ച്ചെ ഒന്നര വരെ ഇവര്ക്കൊപ്പം ഇരുവരും സമയം ചെലവഴിച്ചതായാണ് വിവരം. തുടര്ന്ന് ഹോട്ടല് അധികൃതര് ഫ്രാഞ്ചൈസിയെയും പൊലീസിനെയും വിവരം അറിയിച്ചു. ഇതിന്റെ ഭാഗമായാണ് അച്ചടക്ക നടപടി. ‘അച്ചടക്കവും ഉത്തരവാദിത്തവും കാത്തുസൂക്ഷിക്കുന്നതിന്റെ ഭാഗമായി ഷഹീന്ഷാ അഫ്രീദിയില് നിന്നും പത്തുലക്ഷം പാക് രൂപ പിഴയായി ഈടാക്കാന് ഫ്രാഞ്ചൈസി തീരുമാനിച്ചിട്ടുണ്ട്. ഇക്കാര്യം പിസിബിയെയും ധരിപ്പിച്ചിട്ടുണ്ട്’ എന്നായിരുന്നു ക്വാലന്ഡര്സിന്റെ ഔദ്യോഗിക…
Read More » -
ഹോര്മൂസ് അടഞ്ഞുകിടക്കട്ടെ എന്ന ട്രംപിന്റെ നിലപാടും തന്ത്രം? ഇറാന്റെ സാമ്പത്തിക സ്രോതസും അടയും; റഷ്യ അടക്കമുള്ള ഇറാന്റെ സഖ്യകക്ഷികള്ക്കും അമര്ഷം; ശേഷിക്കുന്നത് ഒപ്പിടാനുള്ള ഉടമ്പടികള് മാത്രമെന്നും പ്രതിരോധ വിദഗ്ധര്
ന്യൂയോര്ക്ക്: പശ്ചിമേഷ്യയില് വെടിയുണ്ടകള് ഇപ്പോഴും പായുന്നുണ്ടെങ്കിലും തന്ത്രപരമായ കണക്കുകൂട്ടലില് അമേരിക്കയും സഖ്യകക്ഷികളും പ്രതീക്ഷിച്ചതിനേക്കാള് വേഗത്തില് ലക്ഷ്യങ്ങള് കൈവരിച്ചെന്നു റിപ്പോര്ട്ട്. ഫെബ്രുവരി 28ന് ആരംഭിച്ച ആക്രമണം ഇറാന്റെ അധികാര ശ്രേണിയുടെ നട്ടെല്ലൊടിച്ചെന്നും ഏറ്റവുമൊടുവില് ഹോര്മൂസ് കടലിടുക്ക് അടഞ്ഞു കിടക്കട്ടെയെന്ന ട്രംപിന്റെ പ്രഖ്യാപനം പോലും ദീര്ഘകാല തന്ത്രത്തിന്റെ ഭാഗമാണെന്നും പ്രതിരോധ വിദഗ്ധര് ചൂണ്ടിക്കാട്ടുന്നു. പ്രതിരോധത്തിന്റെ തകര്ച്ച ഇറാന്റെ പരമോന്നത നേതാവിനെ വധിച്ച സംയുക്ത ആക്രമണം വെറുമൊരു സൈനിക നീക്കമായിരുന്നില്ല; അത് ഇസ്ലാമിക് റിപ്പബ്ലിക്കിന്റെ അധികാരശ്രേണിയുടെ നട്ടെല്ലൊടിക്കുന്നതായിരുന്നു. ടെഹ്റാനില് നിന്നുള്ള പ്രതികരണം ഡ്രോണുകളിലും മിസൈലുകളിലും ഒതുങ്ങിയപ്പോള്, അമേരിക്കന് മിസൈല് പ്രതിരോധ സംവിധാനങ്ങള് അവയെ നിഷ്പ്രഭമാക്കി. ഇറാന്റെ ‘അജയ്യമായ’ പ്രതിരോധം തകര്ന്നുവെന്നത് ലോകത്തിന് മുന്നില് തെളിയിക്കപ്പെട്ടു. ഹോര്മുസ് കടലിടുക്ക്: ഒരു പൊള്ളയായ ഭീഷണി? ലോകത്തെ ഭയപ്പെടുത്തിയിരുന്ന ഹോര്മുസ് കടലിടുക്കിലെ ഉപരോധം ഇപ്പോള് ഇറാന്റെ തന്നെ കെണിയായി മാറുകയാണ്. കടലിടുക്ക് അടച്ചുപൂട്ടിയതിലൂടെ ആഗോള എണ്ണവില വര്ധിച്ചുവെങ്കിലും, അത് ഇറാന്റെ പ്രധാന വരുമാന മാര്ഗ്ഗങ്ങളെയും ബാധിച്ചു. റഷ്യയെപ്പോലെയുള്ള സഖ്യകക്ഷികള് പോലും…
Read More » -
ഇസ്ഫഹാന് അഗ്നിഗോളം: ബങ്കര് ബസ്റ്റര് ബോംബിട്ട് അമേരിക്ക; വീഡിയോ പുറത്തുവിട്ട് ട്രംപ്
ടെഹ്റാന്: ഇറാന്റെ ഇസ്ഫഹാനിലെ ഊര്ജകേന്ദ്രത്തിന് നേരെ അമേരിക്കയുടെ കടുത്ത ആക്രമണം. ബങ്കര് ബസ്റ്റര് ബോംബുകള് അമേരിക്ക പ്രയോഗിച്ചതായാണ് റിപ്പോര്ട്ട്. ഇസ്ഫഹാനില് ഉഗ്ര സ്ഫോടനത്തില് തീയാളിക്കത്തുന്നതിന്റെ ദൃശ്യങ്ങള് യുഎസ് പ്രസിഡന്റ് ഡോണള്ഡ് ട്രംപ് ട്രൂത്ത് സോഷ്യലിലൂടെ പങ്കിട്ടു. അടിക്കുറിപ്പുകളൊന്നുമില്ലാതെയാണ് ട്രംപ് വിഡിയോ പങ്കുവച്ചിരിക്കുന്നത്. 2.3 മില്യണ് ജനങ്ങളാണ് ഇസ്ഫഹാനിലുള്ളത്. ഇതിന് ആണവകേന്ദ്രത്തിന് പുറമെ ബദ്?ര് സൈനികത്താവളവും ഇവിടെയാണ് സ്ഥിതി ചെയ്യുന്നത്. ഒരു ബങ്കര് ബസ്റ്റര് ബോംബിന് ഏകദേശം 2000 പൗണ്ട് ഭാരം വരും. ഇതിന് പുറമെ ഭൂമി തുളച്ച് കയറുന്ന വിവിധയിനം ബോംബുകളും അമേരിക്ക പ്രയോഗിച്ചതായി റിപ്പോര്ട്ടുകളുണ്ട്. ഇറാന്റെ സമ്പുഷ്ടീകരിച്ച യുറേനിയം ഇസ്ഫഹാനിലെ കേന്ദ്രത്തില് സൂക്ഷിച്ചിരിക്കുന്നുവെന്നാണ് കരുതുന്നത്. കഴിഞ്ഞ ജൂണില് അമേരിക്ക ആക്രമണം നടത്തിയപ്പോഴും ഇസ്ഫഹാനില് ബോംബിട്ടിരുന്നു. BREAKING: President Trump just posted a video of MASSIVE explosions in Isfahan, Iran following what’s believed to be U.S.-Israeli airstrikes We clearly hit something pretty…
Read More » -
‘യുദ്ധം അവസാനിപ്പിക്കാം, ഹോര്മൂസ് തുറക്കണമെന്നില്ല!’; യുദ്ധം തുടരുന്നതില് ട്രംപിന് നിരാശ; അടച്ചിട്ട മുറിയിലെ ചര്ച്ചകള് പുറത്തുവിട്ട് വാള്സ്ട്രീറ്റ് ജേര്ണല്; ‘ഇന്ത്യയുടെ കടുത്ത സമ്മര്ദം; സഖ്യകക്ഷികളും പ്രതിസന്ധിയില്’; ഇസ്ലാമിക് റിപ്പബ്ലിക്കിന്റെ വിജയമെന്ന് ഇറാന്
ന്യൂയോര്ക്ക്: ഇറാനെതിരെ നടത്തുന്ന യുദ്ധം അവസാനിപ്പിക്കാന് യുഎസ് പ്രസിഡന്റ് ഡോണള്ഡ് ട്രംപ് ഒരുങ്ങുന്നുവെന്ന് വാള്സ്ട്രീറ്റ് ജേണലിന്റെ റിപ്പോര്ട്ട്. ഹോര്മുസ് കടലിടുക്ക് തുറക്കണമെന്നില്ലെന്നും യുദ്ധം മതിയാക്കാമെന്നും ട്രംപ് അടുത്ത സുഹൃത്തുക്കളോട് പറഞ്ഞതായാണ് റിപ്പോര്ട്ട്. ഹോര്മുസ് സാവധാനത്തില് തുറന്നാല് മതിയെന്നും ട്രംപ് നിലപാടെടുത്തായാണ് സൂചന. ഏപ്രില് ആറിനകം ഇറാനുമായി യുദ്ധം അവസാനിപ്പിക്കുന്നതില് ധാരണയിലെത്താന് പ്രസിഡന്റ്് ശ്രമിക്കുന്നുവെന്ന വൈറ്റ്ഹൗസ് വെളിപ്പെടുത്തലിന് പിന്നാലെയാണ് റിപ്പോര്ട്ടും പുറത്തുവന്നിരിക്കുന്നത്. അതേസമയം, യുദ്ധം അവസാനിപ്പിക്കാന് താന് തീയതി കുറിച്ചിട്ടില്ലെന്നും ലക്ഷ്യങ്ങളില് പകുതിയിലേറെ നേടിക്കഴിഞ്ഞുവെന്നുമായിരുന്നു ഇസ്രയേല് പ്രധാനമന്ത്രി ബെന്യാമിന് നെതന്യാഹുവിന്റെ പ്രതികരണം. ലോകത്തിലെ ഏറ്റവും പ്രധാനപ്പെട്ട ഊര്ജ്ജ പാതയിലെ ‘സഞ്ചാര സ്വാതന്ത്ര്യം’ പൂര്ണമായും പുനസ്ഥാപിച്ചെങ്കില് മാത്രമേ വെടിനിര്ത്തലുണ്ടാകൂ എന്ന അമേരിക്കയുടെ മുന് നിലപാടിനു വിരുദ്ധമാണിണെന്ന് ചര്ച്ചകളെക്കുറിച്ച് അറിവുള്ള മൂന്ന് ഉദ്യോഗസ്ഥര് പറഞ്ഞെന്നും റിപ്പോര്ട്ടില് ചൂണ്ടിക്കാട്ടുന്നു. സമാധാനത്തിനായുള്ള ‘ഘട്ടം ഘട്ടമായുള്ള’ സമീപനം തിങ്കളാഴ്ച നടന്ന അടച്ചിട്ട മുറിയിലെ ബ്രീഫിംഗിനിടെ, ഒരു മാസമായി തുടരുന്ന സമുദ്ര ഉപരോധം മൂലമുണ്ടാകുന്ന സാമ്പത്തിക മാന്ദ്യത്തെക്കുറിച്ച് ട്രംപ് നിരാശ പ്രകടിപ്പിച്ചതായി…
Read More » -
ഹോര്മൂസില് ഇന്ധനവുമായി കുടുങ്ങിക്കിടക്കുന്നത് ഇന്ത്യയിലേക്കുള്ള 19 കപ്പലുകള്; ഇന്ത്യന് പതാകയുള്ള കപ്പലുകളെ കടത്തിവിടാന് ശ്രമം തുടങ്ങി; യുദ്ധം തുടങ്ങിയശേഷം കടന്നത് എട്ടെണ്ണം മാത്രം
ടെഹ്റാന്: ഇറാനുമായുള്ള യുദ്ധം രൂക്ഷമായതിനെത്തുടര്ന്ന് ഇന്ത്യയിലേക്കുള്ള എല്പിജി , അസംസ്കൃത എണ്ണ, എല്എന്ജി എന്നിവയുമായി ഹോര്മൂസ് കടലിടുക്കില് കുടുങ്ങിക്കിടക്കുന്നത് 19 കപ്പലുകള്. ഇന്ത്യന് പതാക പാറുന്ന കപ്പലുകളെ ഒഴിപ്പിക്കാന് ശ്രമം തുടങ്ങിയെന്നും തുറമുഖ, കപ്പല് ഗതാഗത, ജലപാത മന്ത്രാലയത്തിലെ സ്പെഷ്യല് സെക്രട്ടറി രാജേഷ് കുമാര് സിന്ഹ. ഹോര്മുസ് കടലിടുക്ക് അമേരിക്കയ്ക്കും അതിന്റെ സഖ്യകക്ഷികള്ക്കും മാത്രമായി അടച്ചിട്ടിരിക്കുകയാണെന്നും ‘സൗഹൃദ’ രാജ്യങ്ങളെ ഇടുങ്ങിയ ഈ ജലപാതയിലൂടെ സഞ്ചരിക്കാന് അനുവദിക്കുമെന്നും ഇറാന് പ്രഖ്യാപിച്ചതിനെത്തുടര്ന്ന് ഇതുവരെ ഇന്ത്യന് പതാകയുള്ള എട്ട് കപ്പലുകള് സുരക്ഷിതമായി പുറത്തുകടന്നു. ഇന്ത്യയിലേക്ക് ഇന്ധന ശേഖരവുമായി എത്തുന്ന വിദേശ പതാകയുള്ള 10 കപ്പലുകളുണ്ടെന്ന് അന്തര് മന്ത്രാലയ ബ്രീഫിംഗില് സ്പെഷ്യല് സെക്രട്ടറി രാജേഷ് കുമാര് സിന്ഹ പറഞ്ഞു. ഇതില് എല്പിജിയുമായി 3 കപ്പലുകളും, നാല് അസംസ്കൃത എണ്ണ ടാങ്കറുകളും, മൂന്ന് ദ്രവീകൃത പ്രകൃതിവാതക (എല്എന്ജി) കാരിയറുകളും ഉള്പ്പെടുന്നു. ഇവ കൂടാതെ, ഇന്ത്യന് പതാകയുള്ള കപ്പലുകളുമുണ്ട്. ഇതില് മൂന്ന് എല്പിജി ടാങ്കറുകളും, ഒരു എല്എന്ജി കാരിയറും, നാല്…
Read More » -
തടസമില്ലാത്ത കപ്പലോട്ടങ്ങള്; 20 മിനുട്ടില് എണ്ണിയത് 90 കപ്പലുകള്; ഹോര്മൂസ് പൂട്ടിയില്ല, നിയന്ത്രണം മാത്രമെന്ന് കനേഡിയന് വ്ളോഗര്; പാശ്ചാത്യ സൈന്യത്തിന് ഭൂപ്രകൃതി അതിജീവിക്കാന് കഴിയില്ലെന്നും മുന്നറിയിപ്പ്
ടെഹ്റാന്: ഹോര്മൂസ് കടലിടുക്ക് അടച്ചെന്ന വാദം തള്ളി കനേഡജിയന് ആക്ടിവിസ്റ്റും യൂട്യൂബറുമായ ദിമിത്രി ലസ്കാരിസിന്റെ വീഡിയോ പുറത്ത്. ഇറാന്റെ തീരപ്രദേശത്തിന് സമീപം നടത്തിയ ഹ്രസ്വ സന്ദര്ശനത്തിനിടെ ഹോര്മുസ് കടലിടുക്കിലെ കനത്ത സമുദ്ര ഗതാഗതം കാണിക്കുന്ന ദൃശ്യങ്ങള് പങ്കുവെച്ചു. അമേരിക്ക, ഇസ്രായേല്, ഇറാന് എന്നിവര് ഉള്പ്പെട്ട നിലവിലുള്ള സംഘര്ഷത്തിനിടയില് നിര്ണ്ണായകമായ ഈ കപ്പല് പാത അടച്ചുപൂട്ടിയെന്ന റിപ്പോര്ട്ടുകള്ക്ക് പിന്നാലെയാണ് വീഡിയോ പുറത്തുവന്നത്. ഡ്രോണുകളുടെ സാന്നിധ്യവും അസ്ഥിരമായ സാഹചര്യവുമായി ബന്ധപ്പെട്ട അപകടസാധ്യതകളും ഉള്പ്പെടെയുള്ള സുരക്ഷാ ആശങ്കകള് കാരണം തന്റെ കപ്പലിന് കുറഞ്ഞ സമയം മാത്രമേ ആ പ്രദേശത്ത് തുടരാന് അനുവാദം ലഭിച്ചുള്ളൂവെന്ന് ലസ്കാരിസ് പറഞ്ഞു. ‘ന്യൂസ്ദെൻ’ വാട്സ്ആപ് ഗ്രൂപ്പിൽ അംഗമാകു. ഫെയ്സ്ബുക്ക് പേജ് യൂട്യൂബ് ചാനല് കടലിടുക്കിലെ കനത്ത ഗതാഗതം ലോകത്തിലെ ഏറ്റവും നിര്ണ്ണായകമായ എണ്ണ ഗതാഗത പാതകളിലൊന്നായ ഹോര്മുസ് കടലിടുക്കിലൂടെ ഗണ്യമായ എണ്ണം കപ്പലുകള് സഞ്ചരിക്കുന്നത് ദൃശ്യങ്ങളില് ലസ്കാരിസ് ചൂണ്ടിക്കാട്ടി. ഇറാന് തീരത്തിനടുത്ത് ഇരുദിശകളിലേക്കുമായി സഞ്ചരിക്കുന്ന ഓയില് ടാങ്കറുകളും ചരക്ക് കപ്പലുകളും…
Read More » -
ബംഗ്ലാദേശിലെ ഐപിഎല് സംപ്രേഷണ കരാറുകള് റദ്ദാക്കി ജിയോ സ്റ്റാര്; മുസ്തഫിസുര് റഹ്മാനെ ഒഴിവാക്കിയതിന്റെ മാറ്റൊലികള് ഒഴിയുന്നില്ല; നിരാശയില് ബംഗ്ലാദേശ് ഐപിഎല് പ്രേമികള്; കുടിശികയെന്ന് വിശദീകരണം
ചെന്നൈ/ധാക്ക: ഇന്ത്യന് ശതകോടീശ്വരന് മുകേഷ് അംബാനിയുടെ വിനോദ സംരംഭമായ ജിയോസ്റ്റാര് (JioStar), ഇന്ത്യന് പ്രീമിയര് ലീഗ് (ഐപിഎല്) ക്രിക്കറ്റ് ടൂര്ണമെന്റിന്റെ ബംഗ്ലാദേശിലെ സംപ്രേക്ഷണ കരാറുകള് റദ്ദാക്കി. പ്രാദേശിക പങ്കാളി പണമിടപാടുകളില് നല്കുന്നതില് വീഴ്ച വരുത്തിയതിനാലാണ് ഈ നടപടിയെന്നു റോയിട്ടേഴ്സ് റിപ്പോര്ട്ട് ചെയ്തു. ബംഗ്ലാദേശില് ഒരു ഹിന്ദു യുവാവ് കൊല്ലപ്പെട്ടതിനെത്തുടര്ന്ന് ഇരുരാജ്യങ്ങളും തമ്മില് പിരിമുറുക്കം വര്ദ്ധിച്ചിരുന്നു. ഇതിന് പിന്നാലെ ഇന്ത്യന് ക്രിക്കറ്റ് ബോര്ഡിന്റെ നിര്ദ്ദേശപ്രകാരം കൊല്ക്കത്ത നൈറ്റ് റൈഡേഴ്സ് ബംഗ്ലാദേശ് പേസര് മുസ്തഫിസുര് റഹ്മാനെ ഒഴിവാക്കിയതിനെത്തുടര്ന്ന് ജനുവരിയില് ബംഗ്ലാദേശ് ഐപിഎല് സംപ്രേക്ഷണം നിരോധിച്ചിരുന്നു. നിരോധനം ബംഗ്ലാദേശ് പുനഃപരിശോധിച്ചു വരികയാണെന്നും കൂടുതല് നടപടികള് കായിക മന്ത്രാലയത്തിന്റെ അഭിപ്രായത്തെ ആശ്രയിച്ചിരിക്കുമെന്നും ശനിയാഴ്ച അറിയിച്ചിരുന്നു. എന്നാല് ജിയോസ്റ്റാര് കരാര് അവസാനിപ്പിച്ചതോടെ, രാജ്യം നിലപാട് മാറ്റിയാല് പോലും ഐപിഎല് സീസണ് സംപ്രേക്ഷണം ചെയ്യാന് അവിടെ പ്രാദേശിക ബ്രോഡ്കാസ്റ്റര്മാര് ഉണ്ടാവില്ല. ‘കരാര് ഉടനടി പ്രാബല്യത്തോടെ റദ്ദാക്കിയിരിക്കുന്നു,’ 2023 മുതല് 2027 വരെയുള്ള ഐപിഎല് സീസണുകളുടെ അവകാശം ജിയോസ്റ്റാറില് നിന്ന് ഉപലൈസന്സായി…
Read More » -
ഹോര്മൂസ് തുറന്നില്ലെങ്കില് ഊര്ജ നിലയങ്ങളും എണ്ണക്കിണറുകളും തകര്ക്കും; വീണ്ടും ഭീഷണിയുമായി ട്രംപ്; ഇസ്രയേലിലേക്ക് മിസൈലുകള് അയച്ച് ഇറാന്റെ മറുപടി; നേവി കമാന്ഡര് അലിരേസ തംഗ്സിരിയുടെ മരണം സ്ഥിരീകരിച്ച് ഇറാന്
ടെല് അവീവ്/വാഷിംഗ്ടണ്/ഇസ്ലാമാബാദ്: ഇറാന് ഹോര്മൂസ് കടലിടുക്കു തുറന്നില്ലെങ്കില് ഊര്ജ നിലയങ്ങളും എണ്ണക്കിണറുകളും തകര്ക്കുമെന്നു വീണ്ടും ഭീഷണിയുമായി ട്രംപ്. അമേരിക്കയുടെ സമാധാന ശ്രമങ്ങള് യാഥാര്ഥ്യബോധമില്ലാത്തതെന്നു ചൂണ്ടിക്കാട്ടി ഇസ്രയേലിനുനേരെ ഇറാന് മിസൈലുകള് തൊടുത്തതിനു പിന്നാലെയാണ് വീണ്ടും ഭീഷണി മുഴക്കിയത്. യമനില് നിന്നുള്ളരണ്ട് ഡ്രോണുകള് തിങ്കളാഴ്ച തടഞ്ഞതായി ഇസ്രായേല് സൈന്യം അറിയിച്ചു. ഇറാന് അനുകൂലികളായ ഹൂതികള് ഇസ്രായേലിന് നേരെ മിസൈലുകള് തൊടുത്തുവിട്ട് രണ്ടു ദിവസം മുമ്പാണു യുദ്ധത്തിന്റെ ഭാഗമായത്. ലെബനനിലെ ഹിസ്ബുള്ള ഇസ്രായേലിന് നേരെ റോക്കറ്റുകള് പ്രയോഗിച്ചതായും സൈന്യം പറഞ്ഞു. ടെഹ്റാനിലെ സൈനിക നിര്മിതികള്ക്കും ബെയ്റൂട്ടിലെ ഇറാന് പിന്തുണയുള്ള ഹിസ്ബുള്ളയുടെ നിര്മിതികള്ക്കും നേരെ ഇസ്രായേല് സൈന്യം മിസൈല് ആക്രമണം നടത്തി. ലെബനന് തലസ്ഥാനത്തിന് മുകളില് കറുത്ത പുക പടര്ന്നു. ഇറാനില് നിന്ന് വിക്ഷേപിച്ച ഒരു ബാലിസ്റ്റിക് മിസൈല് തുര്ക്കി വ്യോമാതിര്ത്തിയില് പ്രവേശിച്ചതായും കിഴക്കന് മെഡിറ്ററേനിയനില് വിന്യസിച്ചിരിക്കുന്ന നാറ്റോയുടെ വ്യോമ-മിസൈല് പ്രതിരോധ സംവിധാനം വെടിവെച്ചിട്ടതായും തുര്ക്കി പ്രതിരോധ മന്ത്രാലയം അറിയിച്ചു. ഇറാന് പ്രതിരോധിക്കുന്നു ഫെബ്രുവരി 28-ന് യുഎസ്-ഇസ്രായേല്…
Read More »