NEWS
-
എടുത്ത തീരുമാനങ്ങളെല്ലാം ആനമണ്ടത്തരം !! യുഎസിന്റെ ചരിത്രത്തിലെത്തന്നെ ഏറ്റവും മോശം പ്രസിഡന്റുമാരിൽ ഒരാൾ ട്രംപ്!!പ്രസിഡന്റെടുത്ത തീരുമാനങ്ങൾ ജീവിതം കൂടുതൽ ബുദ്ധിമുട്ടിലാക്കി, താരിഫ് നടപടിയെ എതിർത്ത് 54% വോട്ടർമാർ, യുഎസിന്റെ നില ഒരു വർഷം മുൻപത്തെക്കാൾ മോശം 49 ശതമാനം പേർ- സർവേ ഫലം
വാഷിങ്ടൺ: എടുത്ത തീരുമാനങ്ങളെല്ലാം ആന മണ്ടത്തരങ്ങൾ, യുഎസിന്റെ ചരിത്രത്തിലെത്തന്നെ ഏറ്റവും മോശം പ്രസിഡന്റുമാരിൽ ഒരാളാണ് ഡൊണാൾഡ് ട്രംപെന്ന് സർവേ ഫലം. ഡൊണാൾഡ് ട്രംപ് യുഎസ് പ്രസിഡന്റ് പദത്തിൽ മടങ്ങിയെത്തിയത് രാജ്യത്തിന് പുരോഗതി നൽകിയെന്ന് രാജ്യത്തെ മൂന്നിലൊന്നുപേർ പോലും വിശ്വസിക്കുന്നില്ലെന്നും സർവേ പറയുന്നു. ദി ന്യൂയോർക്ക് ടൈംസും സിയേന യൂണിവേഴ്സിറ്റിയും ചേർന്ന് നടത്തിയ സർവേയിലാണ് ട്രംപിന്റെ തീരുമാനങ്ങളെല്ലാം വിപരീത ഫലമാണ് ഉണ്ടാക്കിയതെന്ന് പറയുന്നത്. പ്രതിരോധം, കുടിയേറ്റം, റഷ്യ-യുക്രൈൻ യുദ്ധം, വെനസ്വേലയിലെ കടന്നുകയറ്റം എന്നിവയെയൊന്നും ഭൂരിപക്ഷം അമേരിക്കക്കാരും പിന്തുണയ്ക്കുന്നില്ല. ട്രംപിന്റെ നയങ്ങൾ ജീവിതം കൂടുതൽ ബുദ്ധിമുട്ടിലാക്കിയെന്നാണ് ഭൂരിപക്ഷം പേരും പറയുന്നത്. ട്രംപ് തെറ്റായ വിഷയങ്ങളിലാണ് ശ്രദ്ധ കേന്ദ്രീകരിച്ചതെന്ന് ഭൂരിപക്ഷം വോട്ടർമാരും അഭിപ്രായപ്പെട്ടതായി സർവേ പറയുന്നു. യുഎസിന്റെ നില ഒരു വർഷം മുൻപത്തെക്കാൾ മോശമായെന്ന് 49 ശതമാനം പേർ അഭിപ്രായപ്പെട്ടപ്പോൾ, മെച്ചപ്പെട്ടതായി 32 ശതമാനം അഭിപ്രായപ്പെട്ടു. യുഎസിന്റെ ചരിത്രത്തിലെത്തന്നെ ഏറ്റവും മോശം പ്രസിഡന്റുമാരിൽ ഒരാൾ ട്രംപാണെന്നാണ് സർവേയിൽ പങ്കെടുത്ത 42 ശതമാനം പേർ അഭിപ്രായപ്പെട്ടു. 19…
Read More » -
‘എന്റെ കുടുംബം തകര്ത്തത് ഉമ്മന്ചാണ്ടി, കുടുംബം ഇല്ലാതാക്കി, മക്കള് വേര് പിരിഞ്ഞു’; ചാണ്ടി ഉമ്മനു മറുപടിയുമായി ഗണേഷ് കുമാര്; ‘സിബിഐക്ക് അനുകൂല മൊഴി നല്കിയിട്ടും മന്ത്രിസ്ഥാനത്തില് വഞ്ചനകാട്ടി’
തിരുവനന്തപുരം: ഉമ്മന് ചാണ്ടിയാണ് തന്റെ കുടുംബം തകര്ത്തെന്ന് മന്ത്രി കെ.ബി. ഗണേഷ് കുമാര്. മധ്യസ്ഥത വഹിച്ച് തന്റെ കുടുംബം ഇല്ലാതാക്കി. മക്കള് വേര്പിരിയാന് കാരണം ഉമ്മന്ചാണ്ടിയെന്നും തന്നെ ദ്രോഹിക്കുകയും ചതിക്കുകയും ചെയ്തെന്നും ഗണേഷ് കുമാര് ആരോപിച്ചു. ഉമ്മന്ചാണ്ടി ജീവിച്ചിരുന്നപ്പോള് ഇത് ഞാന് പറഞ്ഞില്ല. അന്ന് ഉമ്മന്ചാണ്ടിക്ക് അനുകൂലമായി സിബിഐക്ക് മൊഴി നല്കി. മന്ത്രിസ്ഥാനം മടക്കിനല്കാമെന്ന് പറഞ്ഞു വഞ്ചിക്കുകയായിരുന്നെന്നും ഗണേഷ് കുമാര് പറഞ്ഞു. ഉമ്മന് ചാണ്ടിയുടെ മകന് ചാണ്ടി ഉമ്മന് എംഎല്എയ്ക്കെതിരെയും ഗണേഷ് രംഗത്തെത്തി. കഴിഞ്ഞ ദിവസം ചാണ്ടി ഉമ്മന് നടത്തിയ ആരോപണം തിരഞ്ഞെടുപ്പ് ലക്ഷ്യംവച്ചാണെന്ന് ഗണേഷ് കുമാര് പറഞ്ഞു. ഇത്രയുംകാലം ചാണ്ടി ഉമ്മന് എവിടെയായിരുന്നു? ക്രൈസ്തവ വിഭാഗത്തെ ഇളക്കി വിടുകയാണ് ചാണ്ടിയുടെ ലക്ഷ്യം. കള്ള സാക്ഷി പറയാന് പാടില്ലെന്ന ബൈബിള് വചനവും ഗണേഷ് കുമാര് ഉദ്ധരിച്ചു. പ്രകോപനമുണ്ടാകാന് താന് ഒന്നും പറഞ്ഞിട്ടില്ലെന്നും മനസാക്ഷി ഗണേഷിനോട് ചിലത് ചോദിക്കുന്നുണ്ടാകാം, കുറ്റബോധത്താലുള്ള പ്രതികരണമാണിതെന്നും ചാണ്ടി ഉമ്മന് പ്രതികരിച്ചു. കൂടുതല് പറയുന്നില്ലെന്നും ചാണ്ടി ഉമ്മന് പറഞ്ഞു.…
Read More » -
കെ റെയില് അല്ല, കേന്ദ്രത്തിന്റെ അതിവേഗ റെയില് പദ്ധതി പ്രധാനമന്ത്രി പ്രഖ്യാപിച്ചേക്കുമെന്ന് സൂചന; ഡിപിആര് തയാറാക്കല് ചുമതല ഡിഎംആര്സിക്ക്; ഇ. ശ്രീധരന് നേതൃത്വം വഹിക്കും; പൊന്നാനിയില് ഓഫീസ്; സില്വര് ലൈന് പദ്ധതിയില് മാറ്റംവരുത്തും
തിരുവനന്തപുരം: സംസ്ഥാന സര്ക്കാരിന്റെ സെമി ഹൈസ്പീഡ് പദ്ധതിയായ സില്വര് ലൈന് പദ്ധതി അനിശ്ചിതത്വത്തില് തുടരുമ്പോള് കേരളത്തില് അതിവേഗ റെയില്പാത പ്രധാനമന്ത്രി പ്രഖ്യാപിച്ചേക്കുമെന്നു സൂചന. റിപ്പോര്ട്ടുകള് പ്രകാരം പദ്ധതിക്കായി ഡിപിആര് (വിശദ പദ്ധതിരേഖ) തയാറാക്കാന് ഡല്ഹി മെട്രോ റെയില് കോര്പറേഷനെ (ഡിഎംആര്സി) ചുമതലപ്പെടുത്തിയതായാണ് വിവരം. ഡിഎംആര്സി മുന് മുഖ്യ ഉപദേഷ്ടാവ് ഇ.ശ്രീധരന്റെ നേതൃത്വത്തിലാകും ഡിപിആര് തയാറാക്കുക. ഇതിനായി പൊന്നാനിയില് ഓഫിസ് തുറക്കുമെന്നും റിപ്പോര്ട്ടുണ്ട്. മുന്പ് 2009ല് സംസ്ഥാന സര്ക്കാരിന്റെ ആവശ്യ പ്രകാരം ഇ. ശ്രീധരന്റെ നേതൃത്വത്തില് അതിവേഗ പാതയ്ക്കായി ഡിപിആര് തയാറാക്കി തുടങ്ങിയിരുന്നു. ഇതില് മാറ്റങ്ങള് വരുത്തിയായിരിക്കും പുതിയ പദ്ധതിയെന്നാണ് സൂചന. തിരുവനന്തപുരം മുതല് കണ്ണൂര് വരെ 430 കിലോമീറ്റര് നീളത്തില് മണിക്കൂറില് 200 കിലോമീറ്റര് വേഗത്തില് സഞ്ചരിക്കാന് കഴിയുന്ന അതിവേഗപാതയാണ് ലക്ഷ്യമിടുന്നത്. തിരുവനന്തപുരത്തെ തുറമുഖ നഗരമായി പ്രധാനമന്ത്രി നരേന്ദ്രമോദി പ്രഖ്യാപിക്കുമെന്നും പ്രതീക്ഷയുണ്ട്. ഇതാടെ രാജ്യത്തെ പ്രമുഖ തുറമുഖ നഗരങ്ങളായ മുംബൈ, ചെന്നൈ, കൊല്ക്കത്ത എന്നിവയ്ക്ക് സമാനമായ അനുബന്ധ പദ്ധതികള് വരുമെന്നാണ് കരുതുന്നത്.…
Read More » -
റിലയന്സ് ഡിജിറ്റല് ഡിജിറ്റല് ഇന്ത്യ സെയില്: ഇലക്ട്രോണിക്സ് വിപണിയില് വമ്പന് ഓഫറുകള് സ്മാര്ട്ട്ഫോണുകള് മുതല് വീട്ടുപകരണങ്ങള് വരെ എല്ലാത്തരം ഇലക്ട്രോണിക്സ് ഉല്പ്പന്നങ്ങളും മികച്ച വിലയില് വാങ്ങാനുള്ള അസുലഭ അവസരം ഓഫറുകള് ജനുവരി 26ന് അവസാനിക്കും രാജ്യത്തെ എല്ലാ റിലയന്സ് ഡിജിറ്റല്, മൈജിയോ സ്റ്റോറുകളിലും റിലയന്സ് ഡിജിറ്റല് വെബ്സൈറ്റിലും വിലക്കിഴിവുകള് ലഭ്യമാണ്
കൊച്ചി: ഇലക്ട്രോണിക്സ് ഉല്പ്പന്നങ്ങള് വാങ്ങാന് കാത്തിരിക്കുന്നവര്ക്ക് ആവേശവാര്ത്തയുമായി റിലയന്സ് ഡിജിറ്റലിന്റെ ‘ഡിജിറ്റല് ഇന്ത്യ സെയില്’ വീണ്ടും എത്തിയിരിക്കുന്നു. രാജ്യത്തെ ഏറ്റവും വലിയ ഇലക്ട്രോണിക്സ് വില്പന മേളകളിലൊന്നായ ഡിജിറ്റല് ഇന്ത്യ സെയില് ജനുവരി 22 മുതല് ജനുവരി 26 വരെയാണ് നടക്കുന്നത്. ഏറ്റവും പുതിയ ഗാഡ്ജെറ്റുകള് ആകര്ഷകമായ വിലക്കുറവില് സ്വന്തമാക്കാന് ഉപഭോക്താക്കള്ക്ക് ലഭിക്കുന്ന സുവര്ണ്ണാവസരമാണിത്. പ്രമുഖ ബ്രാന്ഡുകളുടെ ഉല്പ്പന്നങ്ങള്ക്ക് നല്കുന്ന വമ്പിച്ച വിലക്കിഴിവുകള്, ക്യാഷ്ബാക്ക് ഓഫറുകള്, മറ്റ് സാമ്പത്തിക ആനുകൂല്യങ്ങള് എന്നിവയാണ് ഈ വില്പന മേളയുടെ പ്രധാന ആകര്ഷണം. രാജ്യത്തുടനീളമുള്ള എല്ലാ റിലയന്സ് ഡിജിറ്റല്, മൈജിയോ സ്റ്റോറുകളിലും, ഓണ്ലൈനായി www.reliancedigital.in എന്ന വെബ്സൈറ്റിലും ഈ ഓഫറുകള് ലഭ്യമാകും. ഉപഭോക്താക്കള്ക്ക് ലാഭം കൊയ്യാം ഉല്പ്പന്നങ്ങള്ക്ക് നേരിട്ടുള്ള വിലക്കിഴിവിന് പുറമെ വിവിധ തലങ്ങളിലുള്ള സാമ്പത്തിക ആനുകൂല്യങ്ങള് നല്കുന്നത് ഡിജിറ്റല് ഇന്ത്യ സെയിലിന്റെ പ്രധാന സവിശേഷതയാണ്. ക്രെഡിറ്റ് കാര്ഡ് ഉപയോക്താക്കളെ ലക്ഷ്യമിട്ട് ബാങ്ക് ഡിസ്കൗണ്ടുകള് നല്കുമ്പോള്, വലിയ തുക ഒറ്റയടിക്ക് മുടക്കാന് സാധിക്കാത്തവര്ക്ക് കണ്സ്യൂമര് ലോണ് ക്യാഷ്ബാക്ക്…
Read More » -
ജി.പി.എസ് ഇന്റർനാഷണലിന് കേംബ്രിഡ്ജ് പുരസ്കാര തിളക്കം
കൊച്ചി: കേംബ്രിഡ്ജ് അസസ്മെന്റ് ഇന്റർനാഷണൽ എഡ്യൂക്കേഷൻ നൽകുന്ന 2026-ലെ ‘ഔട്ട്സ്റ്റാൻഡിങ് കേംബ്രിഡ്ജ് ലേണർ’ പുരസ്കാരം കൊച്ചി ജി.പി.എസ് ഇന്റർനാഷണലിന്. 2024 നവംബറിൽ നടന്ന പരീക്ഷയിൽ ട്രാവൽ ആൻഡ് ടൂറിസം വിഭാഗത്തിൽ മികച്ച പ്രകടനം കാഴ്ചവെച്ച മാസിൻ ഷഫീഖ് അഹമ്മദാണ് ‘ഹൈ അച്ചീവ്മെന്റ്’ പുരസ്കാരത്തിന് അർഹനായത്. ലോകമെമ്പാടുമുള്ള 40-ലധികം രാജ്യങ്ങളിലെ മികവ് തെളിയിക്കുന്ന വിദ്യാർത്ഥികൾക്കാണ് ഈ പുരസ്കാരം നൽകുന്നത്. 2011 മുതൽ മിക്കവാറും എല്ലാ വർഷങ്ങളിലും ജി.പി.എസ് ഇന്റർനാഷണലിലെ വിദ്യാർത്ഥികൾ ഈ നേട്ടം കൈവരിക്കാറുണ്ട്. വിദ്യാർത്ഥികളുടെ കഠിനാധ്വാനവും അധ്യാപകരുടെയും രക്ഷിതാക്കളുടെയും പിന്തുണയുമാണ് ഈ വിജയത്തിന് പിന്നിലെന്ന് സെന്റർ ഹെഡ് ശ്രീദേവി എൻ.ആർ പറഞ്ഞു. ആഗോള നിലവാരമുള്ള വിദ്യാഭ്യാസത്തിലൂടെ വിദ്യാർത്ഥികളെ ഉന്നത വിജയങ്ങളിലേക്ക് നയിക്കാൻ സ്കൂൾ പ്രതിജ്ഞാബദ്ധമാണെന്നും അവർ കൂട്ടിച്ചേർത്തു.
Read More » -
ശ്വാന വീരന്മാർ കുരച്ചു കൊള്ളുക: സാർത്ഥവാഹകസംഘം മുന്നോട്ടു പോകുക തന്നെ ചെയ്യും:എം എ ബേബിയെ പരിസഹിക്കുന്നവർക്ക് മന്ത്രി ആർ ബിന്ദുവിന്റെ മറുപടി; എല്ലാ സിപിഎം നേതാക്കളും സ്വന്തം പാത്രം കഴുകുന്നവർ ആണെന്ന് എം വി ജയരാജൻ: ബേബിയെ അഭിനന്ദിച്ച് ചെറിയാൻ ഫിലിപ്പും
തൃശൂർ : ഒരു പാത്രം കഴുകി വെച്ചതിന്റെ പേരിൽ സഖാവ് ബേബിയെ കൂട്ടം ചേർന്ന് ആക്രമിക്കാൻ എതിരാളികൾ ശ്രമിച്ചാൽ സിപിഎമ്മുകാർ നോക്കിയിരിക്കില്ല. ഒന്നിന് പുറകെ ഒന്നായി ബേബിക്കുവേണ്ടി നേതാക്കളും സാധാരണക്കാരും പാത്ര പരിഹാസത്തിനെതിരെ രംഗത്ത് വന്നുകൊണ്ടിരിക്കുകയാണ്. മന്ത്രി വി ശിവൻകുട്ടിക്കും ബേബിയുടെ ഭാര്യ ബെറ്റിക്കും പിന്നാലെ മന്ത്രി ആര് ബിന്ദു ഫേയ്സ്ബുക്കിലൂടെ പരിഹസിക്കുന്നവർക്ക് ശക്തമായ ഭാഷയിൽ തന്നെ മറുപടി കൊടുത്തു. ഇത് വർഷങ്ങളായുള്ള നിഷ്ഠയാണെന്നും, ഏറെ അഭിമാനകരവും മാതൃകാപരവുമെന്നും മന്ത്രി പ്രതികരിച്ചു. താൻ കഴിച്ച പാത്രം മറ്റാരെയും കൊണ്ട് കഴുകിക്കയില്ല എന്നത് അദ്ദേഹത്തിന്റെ നിഷ്ഠയാണ്. ഏറെ അഭിമാനകരവും മാതൃകാപരവുമാണ് എം എ ബേബിയുടെ നിശ്ചയം. തൊണ്ണൂറുകളിൽ, നാലഞ്ച് വർഷം സഖാവിന്റെ വീട്ടിലെ നിത്യ സന്ദർശക ആയിരുന്ന കാലത്തേ കണ്ടിട്ടുള്ളതാണ് അത്. ഞങ്ങളുടെ വീട്ടിൽ വന്നാലും ഭക്ഷണം കഴിച്ചാൽ സ്വയം പാത്രം കഴുകുകയും അങ്ങിനെയാണ് ചെയ്യേണ്ടത് എന്ന് പറഞ്ഞുതരികയും ചെയ്യും. ഇത് ഇന്നോ ഇന്നലെയോ…
Read More » -
പാത്ര വിവാദം കഴുകി തീരുന്നില്ല : ബേബിയെ അഭിനന്ദിച്ച് സഹധർമ്മിണി ബെറ്റി ലൂയിസ് ബേബി : ഞങ്ങൾ സഖാക്കൾ ഇങ്ങനെയൊക്കെയാണ്: നിങ്ങൾക്ക് ആദർശമെന്നാൽ അഭിനയമാണ്… നിങ്ങൾ നിങ്ങളെ പോലെയാണ് മറ്റുള്ളവരും എന്ന് കരുതുന്നു
തിരുവനന്തപുരം:ഭക്ഷണം കഴിച്ച പാത്രം സ്വയം കഴുകിവച്ചതിന് സിപിഎം ജനറൽ സെക്രട്ടറി എം എ ബേബിയ്ക്കെതിരായ പരിഹാസങ്ങളും ട്രോളുകളും തുടരുമ്പോൾ ബേബിക്ക് പൂർണ്ണ പിന്തുണയുമായി സഹധർമ്മിണി ബെറ്റി ലൂയിസ് ബേബി അടുക്കളയിൽ നിന്ന് അരങ്ങത്തേക്ക് എത്തി.തന്റെ പ്രിയതമനെ പരിഹസിക്കുന്നവർക്കെതിരെ ചുട്ട മറുപടിയാണ് ബെറ്റി ഫേയ്സ്ബുക്കിലൂടെ കൊടുത്തിരിക്കുന്നത്. കഴിഞ്ഞദിവസം മന്ത്രി വി ശിവൻകുട്ടി നൽകിയ വിശദീകരണത്തോട് സാമ്യമുള്ള മറുപടി തന്നെയാണ് ബെറ്റിയും നൽകിയിരിക്കുന്നത്. ഞങ്ങൾ സഖാക്കൾ ഇങ്ങനെയൊക്കെയാണ്. ഏ കെ ജി സെന്ററിലും, ഏ കെ ജി ഭവനിലും, ജില്ലാ കമ്മിറ്റി ഓഫീസുകളിലും മെസ്സിൽ നിന്നും ഭക്ഷണം കഴിച്ചശേഷം അവരവർ കഴിച്ച പാത്രങ്ങൾ സഖാക്കൾ സ്വയം കഴുകി വെക്കുന്ന സമ്പ്രദായമാണുള്ളത്. ബേബി സ്വന്തം വീട്ടിലും അടുപ്പമുള്ള മറ്റു സ്ഥലങ്ങളിലും അങ്ങിനെതന്നെ ചെയ്യുന്നു. ഞങ്ങൾക്കതിൽ അഭിമാനമേയുള്ളൂ. ഞങ്ങളുടെ വീടുകളിൽ സഹായത്തിന് ആരുമില്ലാത്തപ്പോൾ എനിക്കോ ചിഞ്ചുവിനോ ആവലാതി ഇല്ല. ഞങ്ങൾ അറിയാതെയും പറയാതെയും അപ്പുവും ബേബിയും വീട്ടിലെ പാത്രങ്ങൾ നല്ല വൃത്തിയായി തന്നെ കഴുകി വെച്ചിട്ടുണ്ടാകുമെന്നാണ്…
Read More » -
CCL 2026-ൽ വിജയകരമായ തുടക്കം; കൊച്ചിയിൽ മാധ്യമങ്ങളെ അഭിസംബോധന ചെയ്ത് കേരള സ്ട്രൈക്കേഴ്സ്
കൊച്ചി, ജനുവരി 21, 2026: സെലിബ്രിറ്റി ക്രിക്കറ്റ് ലീഗ് (CCL) 2026-ലെ ആവേശകരമായ ആദ്യ മത്സരവിജയത്തിന്റെ പശ്ചാത്തലത്തിൽ, കേരള സ്ട്രൈക്കേഴ്സ് ഇന്ന് കൊച്ചിയിലെ ക്രൗൺ പ്ലാസയിൽ സംഘടിപ്പിച്ച പ്രത്യേക പത്രസമ്മേളനത്തിൽ മാധ്യമങ്ങളെ അഭിസംബോധന ചെയ്തു. മുംബൈ ഹീറോസിനെതിരെ നേടിയ നിർണായകമായ 5 വിക്കറ്റ് വിജയത്തിന്റെ സന്തോഷം പങ്കുവെക്കുന്നതിനും ടൂർണമെന്റിലെ തുടർന്നുള്ള പദ്ധതികൾ വിശദീകരിക്കുന്നതിനുമായിരുന്നു ഈ പത്രസമ്മേളനം. ടീം ക്യാപ്റ്റനും അഭിനേതാവുമായ ഉണ്ണി മുകുന്ദൻ, സിഇഒ ബിന്ദു ദിജേന്ദ്രനാഥ്, വൈസ് ക്യാപ്റ്റൻ ബിനീഷ് കൊടിയേരി, ടീം കോച്ച് സിന്ദോ എം. മൈക്കിൾ എന്നിവർ പത്രസമ്മേളനത്തിൽ പങ്കെടുക്കുകയും സീസണിലെ ടീമിന്റെ മികച്ച തുടക്കത്തെക്കുറിച്ച് സംസാരിക്കുകയും ചെയ്തു. വിജയത്തിന്റെ ആവേശവും ആത്മവിശ്വാസവും നിറഞ്ഞ അന്തരീക്ഷത്തിൽ, കേരളം മുഴുവനുമുള്ള ആരാധകരുടെ തുടർച്ചയായ പിന്തുണയ്ക്ക് ടീം നന്ദി രേഖപ്പെടുത്തി. ജനുവരി 18-ന് വിശാഖപട്ടണത്തെ എ.സി.എ-വി.ഡി.സി.എ അന്താരാഷ്ട്ര ക്രിക്കറ്റ് സ്റ്റേഡിയത്തിൽ നടന്ന ഉദ്ഘാടന മത്സരത്തെക്കുറിച്ച് സംസാരിക്കവെ, മത്സരത്തിന്റെ കടുപ്പവും സമ്മർദ്ദ സാഹചര്യങ്ങളിൽ ടീം പുലർത്തിയ ആത്മവിശ്വാസവും നേതൃത്വം ചൂണ്ടിക്കാട്ടി. ടോസ്…
Read More » -
കഴിച്ച പാത്രം കഴുകി വെയ്ക്കുന്നത് പൊട്ട ശീലമല്ല: പാത്രം കഴുകി വെച്ചതുകൊണ്ട് വോട്ട് പാത്രത്തിൽ വീഴില്ല : ഡൽഹിയിലായാലും തിരുവനന്തപുരത്തായാലും ഭക്ഷണം കഴിച്ച പാത്രം സ്വയം കഴുകിവയ്ക്കുന്നത് ഞങ്ങളുടെ ശീലം എന്ന് മന്ത്രി ശിവൻകുട്ടി: അത് കാണുമ്പോൾ അസ്വസ്ഥത തോന്നുന്നത് പഴഞ്ചൻ ഫ്യൂഡൽ മാടമ്പിത്തരം ഉള്ളിൽപേറുന്നവർക്ക്
തിരുവനന്തപുരം : അവനവൻ ഭക്ഷണം കഴിച്ച പാത്രം കഴുകി വെയ്ക്കുന്നത് ഒരിക്കലും ഒരു പൊട്ട ശീലമല്ല.ഇവിടെ സ്ത്രീകൾക്കു മാത്രമായി ഒരു പണിയും പതിച്ചു കൊടുത്തിട്ടുമില്ല. ഒരു സ്ത്രീ ചെയ്യുന്ന ഏത് ജോലിയും പുരുഷനും ചെയ്യാവുന്നതാണ്.അതുകൊണ്ടുതന്നെ സിപിഎം ജനറൽ സെക്രട്ടറി എം എ ബേബി താൻ ഭക്ഷണം കഴിച്ച പാത്രം കഴുകി വെച്ചതുകൊണ്ട് ഇവിടെ ഒന്നും സംഭവിക്കാൻ പോകുന്നില്ല.ബേബി പാത്രം കഴുകി എന്നതുകൊണ്ട് ആ പാത്രത്തിലേക്ക് സിപിഎമ്മിന് വോട്ടുകളും വീഴാൻ പോകുന്നില്ല. അത് മറ്റാരെക്കാളും നന്നായി സിപിഎമ്മിന് അറിയാം. കാരണം ബേബി ആ പാത്രം കഴുകിയത് വോട്ട് കിട്ടാനോ കയ്യടിക്കോ സിംപതിക്കോ വേണ്ടിയല്ല. ഇക്കാര്യം വളരെ വിശദമായി മന്ത്രി വി ശിവൻകുട്ടി ഫേയ്സ്ബുക്കിൽ സുദീർഘമായ ഒരു കുറിപ്പിലൂടെ പറഞ്ഞിട്ടുണ്ട്. ബേബിയുടെ പാത്രം കഴുകലിനെ പരിഹസിച്ചവർ നിർബന്ധമായും വായിച്ചിരിക്കേണ്ട കുറിപ്പാണിത്. ഒരു രാഷ്ട്രീയ മറുപടി എന്നതിനപ്പുറം ഒരുപാട് കാര്യങ്ങൾ ശിവൻകുട്ടിയുടെ കുറിപ്പിൽ ഉണ്ട്. ‘പഴഞ്ചൻ ഫ്യൂഡൽ മാടമ്പിത്തരം ഉള്ളിൽപേറുന്നവർക്ക്…
Read More » -
ശബരിമലയിലേക്ക് ഒരു കോടി നാൽപത് ലക്ഷം രൂപ സ്പോൺസർ ചെയ്തയാളാണ്, എനിക്ക് സ്വർണം കവർന്നെടുക്കേണ്ട ആവശ്യമില്ല- ഗോവർധൻ, ഭരണപരമായ തീരുമാനം എടുത്ത് നടപ്പാക്കുക മാത്രമാണ് ചെയ്തത്- മുരാരി ബാബുവും പത്മകുമാറും- മൂവരുടേയും ജാമ്യാപേക്ഷ തള്ളി ഹൈക്കോടതി
കൊച്ചി: ശബരിമല സ്വർണ്ണക്കൊള്ള കേസിൽ പ്രതികളായ ദേവസ്വം ബോർഡ് മുൻ പ്രസിഡന്റ് എ പത്മകുമാർ, മുൻ അഡ്മിനിസ്ട്രേറ്റീവ് ഓഫീസർ മുരാരി ബാബു, ജ്വല്ലറി ഉടമ ഗോവർധൻ എന്നിവരുടെ ജാമ്യാപേക്ഷകൾ ഹൈക്കോടതി തള്ളി. ജസ്റ്റിസ് എ ബദറുദീനാണ് ഇന്ന് ജാമ്യാപേക്ഷകൾ തള്ളിക്കൊണ്ട് വിധി പറഞ്ഞത്. അതേസമയം ഉത്തരവിന്റെ വിശദാംശങ്ങൾ പുറത്തുവന്നിട്ടില്ല. സ്വർണക്കൊള്ളയിൽ തങ്ങൾക്കു പങ്കില്ലെന്നും, ഭരണപരമായ തീരുമാനം എടുക്കുകയും നടപ്പാക്കുകയും മാത്രമാണ് ചെയ്തത് എന്നാണ് പത്മകുമാറിന്റെയും, മുരാരി ബാബുവിന്റെയും വാദം. ശബരിമലയിലേക്ക് ഒരു കോടി നാൽപത് ലക്ഷം രൂപ സ്പോൺസർ ചെയ്തയാളാണ് താനെന്നും സ്വർണ്ണം കവർന്നെടുക്കേണ്ട കാര്യമില്ലെന്നുമാണ് നാഗ ഗോവർധൻ ഹൈക്കോടതിയെ അറിയിച്ചത്. അതേസമയം, ശബരിമല സ്വർണക്കൊള്ളക്കേസിലെ ഒന്നാം പ്രതി ഉണ്ണികൃഷ്ണൻ പോറ്റിയുടെ ജാമ്യവ്യവസ്ഥയിലെ കൂടുതൽ വിവരങ്ങൾ പുറത്ത് വന്നു. പത്തനംതിട്ട ജില്ലയിൽ പ്രവേശിക്കരുതെന്നും കേരളം വിട്ടു പോകരുതെന്നും ജാമ്യവ്യവസ്ഥകളിൽ പറയുന്നു. സാക്ഷികളെ സ്വാധീനിക്കരുത്. തെളിവ് നശിപ്പിക്കരുത്, പാസ്പോർട്ട് ഹാജരാക്കണമെന്നുമാണ് ജാമ്യവ്യവസ്ഥ. കൂടാതെ അന്വേഷണ സംഘം ആവശ്യപ്പെടുന്ന സമയത്ത് ഹാജരാകണം. കൂടാതെ എല്ലാ…
Read More »