Kerala
-
ഇന്നു മുതല് 11 വരെ കനത്ത മഴ; രണ്ടു ജില്ലകളില് യെല്ലോ അലര്ട്ട്
തിരുവനന്തപുരം: സംസ്ഥാനത്ത് ഇന്നു മുതല് നാലു ദിവസം കനത്ത മഴയ്ക്ക് സാധ്യത. മഹാരാഷ്ട്ര തീരം മുതല് ഗോവ തീരം വരെ തീരത്തോട് ചേര്ന്ന് ന്യൂനമര്ദ്ദപാത്തി സ്ഥിതിചെയ്യുന്നു. തെക്കു പടിഞ്ഞാറന് ഗംഗാതട പശ്ചിമ ബംഗാളിന് മുകളിലായി ന്യൂനമര്ദ്ദവും സ്ഥിതിചെയ്യുന്നു. അടുത്ത രണ്ടു മൂന്നു ദിവസങ്ങളില് ഝാര്ഖണ്ഡ്, ഛത്തീസ്ഗഢ് മേഖലയിലേക്ക് നീങ്ങാന് സാധ്യത. തെക്കന് ഗുജറാത്ത് തീരം മുതല് കര്ണാടക തീരം വരെ ന്യൂന മര്ദ്ദ പാത്തിയും സ്ഥിതിചെയ്യുന്നു . ഇതിന്റെ സ്വാധീനഫലമായാണ് കേരളത്തില് മഴ വീണ്ടും ശക്തമാകുന്നത്. ഈ മാസം 11 വരെ ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഈ ദിവസങ്ങളില് കണ്ണൂര്, കാസര്കോട് ജില്ലകളില് യെലോ അലര്ട്ട് പ്രഖ്യാപിച്ചു. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കാനിടയുണ്ട്. സംസ്ഥാനത്ത് നാളെ വരെ ഒറ്റപ്പെട്ടയിടങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനു സാധ്യതയുണ്ടെന്നും മുന്നറിയിപ്പുണ്ട്. കേരള,…
Read More » -
ഒന്നര ദിവസത്തോളം നീണ്ട തിരച്ചില്; കാറിടിച്ച് തോട്ടില് വീണ സ്കൂട്ടര് യാത്രക്കാരന്റെ മൃതദേഹം കണ്ടെത്തി
മലപ്പുറം: ദേശീയപാതയിലെ തലപ്പാറയില് കാറിടിച്ച് തോട്ടില് വീണ സ്കൂട്ടര് യാത്രക്കാരന്റെ മൃതദേഹം കണ്ടെത്തി. വലിയപറമ്പ് ചാന്ത് മുഹമ്മദ് ഹാഷിര് (22) ആണ് മരിച്ചത്. ഒന്നര ദിവസത്തോളം നീണ്ട തിരച്ചിലിന് ഒടുവില് ചൊവ്വാഴ്ച രാവിലെ 6.30 ഓടെ കിഴക്കന് തോട്ടില് മുട്ടിച്ചിറ ചോനാരി കടവില് നിന്ന് 100 മീറ്ററകലെ ഇട്ടിങ്ങലില് നിന്നാണ് മൃതദേഹം കണ്ടെത്തിയത്. ഞായറാഴ്ച വൈകിട്ട് 6.30 ഓടെ തലപ്പാറ കിഴക്കെ തോടിന്റെ പാലത്തില് വെച്ചാണ് അപകടം ഉണ്ടായത്. കൊളപ്പുറം ഭാഗത്തുനിന്ന് പരപ്പനങ്ങാടി ഭാഗത്തേക്ക് പോകുന്ന കാര് എതിരെ വന്ന സ്കൂട്ടറില് ഇടിക്കുകയായിരുന്നു. ഇടിയുടെ ആഘാതത്തില് ഹാഷിര് തോട്ടിലേക്ക് തെറിച്ചു വീഴുകയായിരുന്നു. പൊലീസും നാട്ടുകാരും ഫയര്ഫോഴ്സും സന്നദ്ധ സംഘടനാംഗങ്ങളും ഒരുമിച്ചായിരുന്നു തിരച്ചില്. തിങ്കളാഴ്ച രാവിലെ ദേശീയ ദുരന്തനിവാരണ സേനാംഗങ്ങളും എത്തി. മൃതദേഹം തിരൂരങ്ങാടി താലൂക്കാശുപത്രിയിലേക്ക് മാറ്റി.
Read More » -
ജനത്തെ വലച്ച് സ്വകാര്യ ബസ് സമരം തുടങ്ങി; അര്ധരാത്രി മുതല് അഖിലേന്ത്യാ പണിമുടക്കും
തിരുവനന്തപുരം: സ്വകാര്യ ബസുകളുടെ ഇന്നത്തെ സൂചനാ പണിമുടക്ക് ആരംഭിച്ചു. പലയിടത്തും യാത്രക്കാര് വലഞ്ഞു. കൂടുതല് കെഎസ്ആര്ടിസി ബസുകള് സര്വീസ് നടത്തുമെന്ന് അധികൃതര് അറിയിച്ചിട്ടുണ്ട്. അതിനിടെ കേന്ദ്ര സര്ക്കാര് തൊഴിലാളിവിരുദ്ധ നയങ്ങള് സ്വീകരിക്കുന്നുവെന്നാരോപിച്ച് പ്രതിപക്ഷ ട്രേഡ് യൂണിയനുകള് ആഹ്വാനം ചെയ്ത 24 മണിക്കൂര് അഖിലേന്ത്യാ പണിമുടക്ക് ഇന്ന് രാത്രി 12ന് ആരംഭിക്കും. കേരളത്തില് ഭരണ, പ്രതിപക്ഷ സംഘടനകള് പ്രത്യേകമായാണ് പണിമുടക്കുന്നത്. സംസ്ഥാന സര്ക്കാരിന്റെ നയങ്ങള്ക്കെതിരായ പ്രതിഷേധവും ഐഎന്ടിയുസി ഉള്പ്പെടെയുള്ള യുഡിഎഫ് സംഘടനകള് ഉയര്ത്തും. കഴിഞ്ഞ ദിവസം ഗതാഗത കമ്മിഷണറുമായി ബസുടമകള് നടത്തിയ ചര്ച്ച പരാജയപ്പെട്ടിരുന്നു. 22 മുതല് അനിശ്ചിതകാല സമരം നടത്തുമെന്നും നേതാക്കള് അറിയിച്ചിട്ടുണ്ട്. ദീര്ഘകാലമായി സര്വീസ് നടത്തുന്ന ലിമിറ്റഡ് സ്റ്റോപ്പിന്റെയും ദീര്ഘദൂര ബസുകളുടെയും പെര്മിറ്റുകള് അതേപടി പുതുക്കി നല്കുക, വിദ്യാര്ഥികളുടെ ടിക്കറ്റ് നിരക്ക് കാലോചിതമായി വര്ധിപ്പിക്കുക, ബസ് ജീവനക്കാര്ക്ക് പൊലീസ് ക്ലിയറന്സ് സര്ട്ടിഫിക്കറ്റ് നിര്ബന്ധമാക്കിയ നടപടി പിന്വലിക്കുക, ഇ- ചെല്ലാന് വഴിയുള്ള അന്യായമായ പിഴ ചുമത്തല് അവസാനിപ്പിക്കുക, ബസുകളില് മാത്രം ജിപിഎസ്…
Read More » -
രാജ്യത്തെ ഞെട്ടിച്ച പെരുമൺ ദുരന്തം നടന്നിട്ട് 37 വർഷം: 105 പേരുടെ ജീവൻ കവർന്നത് ‘ടൊർണാഡോ’ എന്ന് വിശ്വസിക്കാനാവാതെ ഇന്നും ജനം
ഈ പ്രഭാതത്തിലും പെരുമൺ കായൽ വിതുമ്പുന്നുണ്ടോ…? മന്ദഗതിയിലുള്ള ആ ഓളങ്ങളിൽ നിന്നും കണ്ണീരിൻ്റെയും ഗദ്ഗദങ്ങളുടെയും മർമ്മരം ഉയരുന്നുണ്ടോ…? ഓളപ്പരപ്പിലൂടെ നിശബ്ദം വന്ന ഒരു ചെറുബോട്ട് കരയിൽ അടുക്കുന്നു. ഈ കായൽക്കരയിലാണ് 37 വർഷം മുമ്പ് 105 പേർ ഈയാംപാറ്റകളെപ്പോലെ പിടഞ്ഞു മരിച്ചത്.1988 ജൂലായ് എട്ടിനാണ് നാടിനെ നടുക്കിയ ട്രെയിൻ ദുരന്തമുണ്ടായത്. ബെംഗളൂരുവിൽ നിന്ന് തിരുവനന്തപുരത്തേക്കു പോയ ഐലൻഡ് എക്സ്പ്രസിന്റെ 10 കോച്ചുകൾ പെരുമൺ പാലത്തിൽ നിന്നും അഷ്ടമുടിക്കായലിലേക്കു മറിയുകയായിരുന്നു. അപകടത്തിൽ 105 പേരുടെ ജീവൻ പൊലിഞ്ഞതിനൊപ്പം 500 ലേറെ പേർക്ക് സാരമായി പരുക്കേറ്റിരുന്നു. മത്സ്യത്തൊഴിലാളികളും മണൽവാരൽ തൊഴിലാളികളും ഉൾപ്പെടെയുള്ള നാട്ടുകാരുടെ അവസരോചിതമായ രക്ഷാപ്രവർത്തനം കൊണ്ടാണ് മരണസംഖ്യ കൂടാതിരുന്നത്. ടൊർണാഡോ എന്ന് വിളിക്കുന്ന ചുഴലിക്കൊടുങ്കാറ്റാണു അപകടത്തിനിടയാക്കിയത് എന്നാണ് റെയിൽവേയുടെ കണ്ടെത്തൽ. എങ്കിലും അങ്ങനൊരു കാറ്റ് വീശിയോ എന്ന ചോദ്യം ഇന്നും ജനമനസ്സുകളിൽ ബാക്കിയാണ്. അന്നത്തെ റെയിൽവേ സേഫ്റ്റി കമ്മിഷണർ സൂര്യ നാരായണനും അതിനുശേഷം റിട്ട. എയർ മാർഷൽ സി. എസ് നായിക്കും വ്യത്യസ്തമായ…
Read More » -
ബസ് സമരം, ദേശീയ പണിമുടക്ക്; ജനങ്ങള് വലയും; സമരം ഒഴിവാക്കാന് നടത്തിയ എല്ലാ ചര്ച്ചകളും പരാജയം; ബസിനു പുറമേ ടാക്സികളും ബുധനാഴ്ച ഓടില്ല
തിരുവനന്തപുരം: തൊട്ടടുത്ത ദിവസങ്ങളില് ബസ് സമരവും ദേശിയ പണിമുടക്കും വന്നതോടെ നാളെയും മറ്റന്നാളും കേരളത്തില് ജനജീവിതം സ്തംഭിക്കും. ചൊവ്വാഴ്ചയാണ് സ്വകാര്യ ബസ് പണിമുടക്കാണ്. വിദ്യാര്ഥികളുടെ യാത്ര നിരക്ക് കൂട്ടുന്നത് ഉള്പ്പെടെ ആറ് ആവശ്യങ്ങള് ഉന്നയിച്ചാണ് ബസ് പണിമുടക്ക്. സമരം ഒഴിവാക്കാന് ഗതാഗത കമ്മീഷണര് ബസുടമകളുമായി ചര്ച്ച നടത്തിയെങ്കിലും പരാജയപ്പെട്ടു. സംയുക്ത ട്രേഡ് യൂണിയന്റെ ദേശീയ പണിമുടക്ക് ബുധനാഴ്ചയാണ്. ഇതോടെ, സംസ്ഥാനത്ത് നാളെയും മറ്റന്നാളും ജനജീവിതം സ്തംഭിക്കും. ബസുകള്ക്ക് പുറമെ ടാക്സികളും മറ്റന്നാള് ഓടില്ല. വിദ്യാര്ഥികളുടെ യാത്ര നിരക്ക് കൂട്ടുക, അമിത പിഴ ഒഴിവാക്കുക തുടങ്ങി ആറ് ആവശ്യങ്ങള് ഉന്നയിച്ചാണ് സ്വകാര്യബസുകളുടെ പണിമുടക്ക്. ഇത് പൂര്ണമായും അംഗീകരിക്കാതെ സമരത്തില് നിന്ന് പിന്മാറില്ലെന്നായിരുന്നു പാലക്കാട് ഗതാഗത കമ്മീഷണര് നടത്തിയ ചര്ച്ചയില് ബസുടമകള് വ്യക്തമാക്കിയത്. പ്രൈവറ്റ് ബസുകളെ ഏറെയും ആശ്രയിക്കുന്ന മലബാര് മേഖലയെ ആയിരിക്കും ബസ് സമരം രൂക്ഷമായി ബാധിക്കുക. കൊച്ചി, കോഴിക്കോട് തുടങ്ങിയ നഗരങ്ങളിലും മലയോരമേഖലകളിലും നാളെ യാത്ര എളുപ്പമാകില്ല മറ്റന്നാളത്തെ സംയുക്ത ട്രേഡ്…
Read More » -
അടിയന്തര നിയമസഭാ സമ്മേളന വാദം അനാവശ്യമെന്ന് വിലയിരുത്തല്; മുനമ്പത്തെ ഇടപെടലിലും സംശയം; കൂടുതല് സീറ്റ് ചോദിച്ചാല് എതിര്ക്കാന് സിപിഐ; സിപിഎമ്മിനും അതൃപ്തി; ജോസിന്റെ മനസിലെന്ത്? കേരളാ കോണ്ഗ്രസ് എങ്ങോട്ട്?
കോട്ടയം: കേരളത്തിലെ അതിരൂക്ഷമായ വന്യജീവി, തെരുവുനായ ആക്രമണ ഭീഷണി ചര്ച്ച ചെയ്ത് പരിഹാരമുണ്ടാക്കാന് അടിയന്തര നിയമസഭാ സമ്മേളനം വിളിച്ചു ചേര്ക്കണമെന്ന കേരള കോണ്ഗ്രസ്-എം ചെയര്മാന് ജോസ് കെ. മാണി ആവശ്യം അനവസരത്തിലുള്ളതെന്ന വിലയിരുത്തലില് സിപിഎം. നിയമ നിര്മ്മാണം സര്ക്കാര് പ്രഖ്യാപിച്ചതാണ്. അതിന് ശേഷം ഇടതു മുന്നണിയിലെ ഘടക കക്ഷി ഇത്തരമൊ ആവശ്യം ഉന്നയിച്ചത് സിപിഎം സംശയത്തിലാണ് കാണുന്നത്. ഇതിനൊപ്പം മുനമ്പം ഭൂസംരക്ഷണ സമിതി നേതാക്കള് ജോസ് കെ. മാണി എംപിയുമായി കൂടിക്കാഴ്ച കഴിഞ്ഞ ദിവസം നടത്തിയിരുന്നു. മുനമ്പം വിഷയം അടിയന്തരമായി പരിഹരിക്കുന്നതിനു വേണ്ട നടപടിക്രമങ്ങള് എളുപ്പത്തില് പൂര്ത്തീകരിക്കുന്നതിന് മുഖ്യമന്ത്രിയുമായി സംസാരിക്കുമെന്ന് എംപി നേതാക്കള്ക്ക് ഉറപ്പ് നല്കി. ഇതിലും സിപിഎമ്മിനെ കുറ്റപ്പെടുത്തുന്ന നിലപാടുകള് പല കോണില് നിന്നുയരുന്നുണ്ട്. കേരളാ കോണ്ഗ്രസ് എം മുന്നണി മാറുമെന്ന ചര്ച്ചകള് യുഡിഎഫ് സജീവമാക്കുന്നുണ്ട്. ഈ സാഹചര്യത്തില് ജോസ് കെ മാണിയുടെ പരസ്യ നിലപാടുകള് ഇടതുപക്ഷത്തെ അതൃപ്തിയിലാക്കുന്നുണ്ട്. തദ്ദേശ-നിയമസഭാ തിരഞ്ഞെടുപ്പില് കൂടുതല് സീറ്റുകള് ഇടതു മുന്നണിയോട് ചോദിക്കുമെന്ന് ജോസ്…
Read More » -
പുലിവാല് പിടിച്ച് കേന്ദ്രമന്ത്രിയും! സുരേഷ് ഗോപിയുടെ മാലയിലേത് പുലിപ്പല്ലോ? നോട്ടീസ് നല്കാന് വനംവകുപ്പ്
കൊച്ചി: നടനും കേന്ദ്രമന്ത്രിയുമായ സുരേഷ് ഗോപി ധരിച്ച മാലയില് പുലിപ്പല്ലാണെന്ന പരാതിയില് നോട്ടീസ് നല്കാന് വനംവകുപ്പ്. തൃശൂര് ഡിഎഫ്ഒയ്ക്കു മുന്നില് ആഭരണം ഹാജരാക്കാനും ഇതിനെക്കുറിച്ചു വിശദീകരിക്കാനും നിര്ദേശിച്ചായിരിക്കും നോട്ടീസ് എന്നാണു വിവരം. തൃശൂരിലെ യൂത്ത് കോണ്ഗ്രസ് പ്രവര്ത്തകന് മഹമ്മദ് ഹാഷിം നല്കിയ പരാതിയിലാണ് വനംവകുപ്പിന്റെ നടപടി. നേരത്തേ, റാപ്പര് വേടന് ധരിച്ച മാലയില് ഉണ്ടായിരുന്നതു പുലിപ്പല്ലാണെന്ന പേരില് അദ്ദേഹത്തെ വനംവകുപ്പ് അറസ്റ്റ് ചെയ്തിരുന്നു. തൃശൂരിലും കണ്ണൂരിലും നടന്ന ചില പരിപാടിക്കിടെ സുരേഷ് ഗോപി പുലിപ്പല്ല് ഘടിപ്പിച്ചതെന്നു സംശയിക്കുന്ന മാല ധരിച്ചിരുന്നു എന്നാണു പരാതി. ഇതു ചൂണ്ടിക്കാട്ടി പരാതിക്കാരന് പൊലീസിനെയും വനംവകുപ്പിനെയും സമീപിക്കുകയായിരുന്നു. തുടര്ന്നാണ് പരാതി പരിശോധിക്കാന് വനംവകുപ്പ് തീരുമാനിച്ചത്. മാലയില് ഉപയോഗിച്ചിരിക്കുന്നത് യഥാര്ഥ പുലിപ്പല്ലാണോ അതോ മറ്റെന്തെങ്കിലും വസ്തുവാണോ എന്നാണു വനംവകുപ്പ് പരിശോധിക്കുക. വന്യജീവി സംരക്ഷണ നിയമപ്രകാരം പുലിപ്പല്ല് കൈവശം വയ്ക്കുന്നതു കുറ്റകരമാണ്. ഡിഎഫ്ഒയ്ക്കു മുമ്പാകെ ഹാജരായി പുലിനഖ മാലയെക്കുറിച്ച് സുരേഷ് ഗോപി വിശദീകരിക്കേണ്ടി വരും. തുടക്കത്തില് ഇതുസംബന്ധിച്ച് ഡിഎഫ്ഒ നല്കുന്ന…
Read More » -
വിശദീകരണം നല്കാതെ ജോയിന്റ് രജിസ്ട്രാര് അവധിയില്, ഗവര്ണര്ക്ക് റിപ്പോര്ട്ട് നല്കി വി.സി; കേരള സര്വകലാശാലയില് നാടകീയ നീക്കങ്ങള്
തിരുവനന്തപുരം: ഭാരതാംബ ചിത്ര വിവാദത്തെത്തുടര്ന്ന് കേരള സര്വകലാശാലയില് നാടകീയ നീക്കങ്ങള് തുടരുന്നു. വൈസ് ചാന്സലര് റിപ്പോര്ട്ട് തേടിയതിന് പിന്നാലെ ജോയിന്റ് രജിസ്ട്രാര് പി ഹരികുമാര് അവധിയില് പ്രവേശിച്ചു. വിസിക്ക് മറുപടി നല്കാതെയാണ് ജോയിന്റ് രജിസ്ട്രാര് രണ്ടാഴ്ച അവധിയില് പോയത്. ഇന്നു രാവിലെ 9 മണിയ്ക്കകം റിപ്പോര്ട്ട് നല്കാനായിരുന്നു നിര്ദേശം. ജോയിന്റ് രജിസ്ട്രാര്ക്കെതിരെയും വിസി അച്ചടക്ക നടപടി സ്വീകരിച്ചേക്കുമെന്ന് റിപ്പോര്ട്ടുകളുണ്ട്. ഇന്നലെ നടന്ന സിന്ഡിക്കേറ്റ് യോഗം ബഹളത്തെത്തുടര്ന്ന് താല്ക്കാലിക വൈസ് ചാന്സലര് ഡോ സിസ തോമസ് പിരിച്ചുവിട്ടിരുന്നു. എന്നാല് അതിനുശേഷവും യോഗം തുടരുകയും, ജോയിന്റ് രജിസ്ട്രാര് യോഗത്തില് സംബന്ധിച്ചതിലുമാണ് വിസി റിപ്പോര്ട്ട് തേടിയത്. രജിസ്ട്രാറുടെ സസ്പെന്ഷന് സിന്ഡിക്കേറ്റ് യോഗം പിന്വലിച്ചതും, ചട്ടവിരുദ്ധമായി ചേര്ന്ന യോഗത്തിന്റെ മിനുട്സ് അംഗീകരിച്ചതും വീഴ്ചയാണെന്നാണ് വിസിയുടെ നിലപാട്. ഇതിലാണ് ജോയിന്റ് രജിസ്ട്രാര് പി ഹരികുമാറിനോട് വിസി റിപ്പോര്ട്ട് തേടിയത്. സിന്ഡിക്കേറ്റ് യോഗ തീരുമാനത്തിന് പിന്നാലെ, അവധിദിനമായിരുന്നിട്ടും രജിസ്ട്രാര് ഡോ. കെ എസ് അനില്കുമാര് ഇന്നലെ ഓഫീസിലെത്തി ചുമതലയേറ്റിരുന്നു. താന്…
Read More » -
തുണി കഴുകുന്നതിനിടെ നീര്നായുടെ കടിയേറ്റു; ചികിത്സ തേടിയ വീട്ടമ്മ കുഴഞ്ഞുവീണു മരിച്ചു
കോട്ടയം: നീര്നായയുടെ കടിയേറ്റു ചികിത്സ തേടിയ വീട്ടമ്മ ദേഹാസ്വാസ്ഥ്യത്തെത്തുടര്ന്നു കുഴഞ്ഞുവീണു മരിച്ചു. വേളൂര് പാണംപടി കലയംകേരില് ഇബ്രാഹിംകുട്ടിയുടെ ഭാര്യ നിസാനി (53) ആണു മരിച്ചത്. ഇന്നലെ രാവിലെ 10.30നു പാണംപടി പള്ളിക്കു സമീപം മീനച്ചിലാറ്റില് തുണി കഴുകുന്നതിനിടെ നീര്നായ കടിക്കുകയായിരുന്നു. തുടര്ന്നു ജനറല് ആശുപത്രിയില് പ്രാഥമിക ചികിത്സ തേടി വീട്ടിലേക്കു മടങ്ങി. വൈകിട്ടു കുഴഞ്ഞുവീണ നിസാനിയെ ബന്ധുക്കള് മെഡിക്കല് കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. ഹൃദയാഘാതമാകാം മരണകാരണമെന്നാണു പ്രാഥമിക നിഗമനം. പോസ്റ്റ്മോര്ട്ടം റിപ്പോര്ട്ട് ലഭിച്ചാല് മാത്രമേ കൂടുതല് വ്യക്തത ലഭിക്കുകയുളളൂവെന്നു വനംവകുപ്പ് ഉദ്യോഗസ്ഥര് പറഞ്ഞു. കബറടക്കം ഇന്നു 3നു താഴത്തങ്ങാടി ജുമാ മസ്ജിദ് കബര്സ്ഥാനില്.മകള്: ജാസ്മിന്. മരുമകന്: മുബാറക്.
Read More » -
കനത്ത മഴയില് ഹെലികോപ്റ്റര് ഇറക്കാനായില്ല; ഉപരാഷ്ട്രപതിയുടെ ഗുരുവായൂര് സന്ദര്ശനം മുടങ്ങി
തൃശൂര്: കനത്ത മഴയെത്തുടര്ന്ന് ഉപരാഷ്ട്രപതി ജഗ്ദീപ് ധന്കറുടെ ഗുരുവായൂര് യാത്ര മുടങ്ങി. പ്രതികൂല കാലാവസ്ഥയെത്തുടര്ന്ന് ഹെലികോപ്റ്റര് ഇറക്കാന് സാധിക്കാതിരുന്നതാണ് യാത്ര മുടങ്ങാന് കാരണം. ശ്രീകൃഷ്ണ കോളജ് ഗ്രൗണ്ടിലാണ് ഹെലികോപ്റ്റര് ഇറക്കാന് നിശ്ചയിച്ചിരുന്നത്. ഹെലികോപ്റ്റര് ഇറക്കാന് സാധിക്കാതിരുന്നതിനെത്തുടര്ന്ന് ഉപരാഷ്ട്രപതി കൊച്ചിയിലേക്ക് തിരിച്ചു പോയി. ഉപരാഷ്ട്രപതി ജഗ്ദീപ് ധന്കര്, ഭാര്യ ഡോ. സുദേഷ് ധന്കര്, കുടുംബാംഗങ്ങള് എന്നിവരാണ് ഗുരുവായൂര് സന്ദര്ശനത്തിന് പോയത്. ഇന്നലെയാണ് രണ്ടു ദിവസത്തെ സന്ദര്ശനത്തിനായി ഉപരാഷ്ട്രപതി ജഗ്ദീപ് ധന്കര് കൊച്ചിയിലെത്തിയത്. കൊച്ചി കളമശ്ശേരിയില് ഉപരാഷ്ട്രപതിക്ക് രാവിലെ പൊതുപരിപാടിയുണ്ട്. നാഷനല് യൂണിവേഴ്സിറ്റി ഓഫ് അഡ്വാന്സ്ഡ് ലീഗല് സ്റ്റഡീസില് (നുവാല്സ്) രാവിലെ 10.40 ന് വിദ്യാര്ഥികളും അധ്യാപകരുമായി ഉപരാഷ്ട്രപതി സംവാദം നടത്തും. ഉപരാഷ്ട്രപതിയുടെ സന്ദര്ശനത്തോട് അനുബന്ധിച്ച് കൊച്ചിയില് ഇന്നും ഗതാഗത നിയന്ത്രണമുണ്ട്. രാവിലെ ഒമ്പതുമുതല് പകല് ഒന്നുവരെ ദേശീയപാത 544, കളമശേരി എസ്സിഎംഎസ് മുതല് കളമശേരി എച്ച്എംടി, സീപോര്ട്ട്-എയര്പോര്ട്ട് റോഡ് തോഷിബ ജങ്ഷന്, മെഡിക്കല് കോളേജ് റോഡ്,കളമശേരി നുവാല്സ് വരെ കര്ശന ഗതാഗതനിയന്ത്രണം ഉണ്ടായിരിക്കും.
Read More »