India
-
കേരളമടക്കമുള്ള സംസ്ഥാനങ്ങള് കാത്തിരിക്കുന്നു ; രാഷ്ട്രപതിയുടെ റഫറന്സില് സുപ്രീം കോടതി വിധി ഇന്ന് ; കേരളം അടക്കമുള്ള സംസ്ഥാനങ്ങള്ക്ക് നിര്ണായകം, രാഷ്ട്രപതി ഉന്നയിച്ചിരിക്കുന്നത് 14 ചോദ്യങ്ങള് ; സുപ്രീംകോടതി എടുക്കുന്ന തീരുമാനം പ്രതിപക്ഷ പാര്ട്ടികള് ഭരിക്കുന്ന സംസ്ഥാനങ്ങള്ക്ക് നിര്ണായകം
ന്യൂഡല്ഹി : രാഷ്ട്രപതിയുടെ റഫറന്സില് സുപ്രീം കോടതി വിധി ഇന്ന്. കേരളമടക്കം പ്രതിപക്ഷപാര്ട്ടികള് ഭരിക്കുന്ന സംസ്ഥാനങ്ങള്ക്ക് ഏറെ നിര്ണായകമായ സുപ്രീം കോടതി വിധി എന്താകുമെന്നറിയാന് ആകാംക്ഷയോടെയാണ് ഈ സംസ്ഥാനങ്ങള് കാത്തിരിക്കുന്നത്. ബില്ലുകളില് തീരുമാനമെടുക്കുന്നതിന് രാഷ്ട്രപതിക്കും ഗവര്ണര്ക്കും സമയപരിധി നിശ്ചയിച്ച സുപ്രീംകോടതിയുടെ വിധിയുമായി ബന്ധപ്പെട്ടുള്ള രാഷ്ട്രപതിയുടെ റഫറന്സിലാണ് ഇന്ന് ഭരണഘടനാ ബെഞ്ചിന്റെ വിധി പ്രഖ്യാപനമുണ്ടാവുക. 14 ചോദ്യങ്ങളാണ് റഫറന്സില് രാഷ്ട്രപതി ഉന്നയിച്ചിരിക്കുന്നത്. സുപ്രീംകോടതി ചീഫ് ജസ്റ്റിസ് ബി ആര് ഗവായി അധ്യക്ഷനായ ബെഞ്ചാണ് വിധി പറയുന്നത്.ഗവര്ണര്മാര് ബില്ലുകള് തടഞ്ഞു വയ്ക്കുന്ന സംഭവങ്ങള് ആവര്ത്തിക്കാതിരിക്കാന് സമയപരിധികള് ആവശ്യമാണ് എന്നായിരുന്നു റഫറന്സില് കേരളം അടക്കം സംസ്ഥാനങ്ങള് വാദിച്ചത്. കാലതാമസം നേരിടുന്ന കേസുകളുണ്ട്. അത്തരം സംഭവങ്ങളില് കോടതിയെ സമീപിക്കാമെന്ന് സുപ്രീംകോടതിപറഞ്ഞിരുന്നു. ഒരു ഭരണഘടനാ സ്ഥാപനം ചുമതല നിര്വഹിക്കുന്നില്ലെങ്കില് മറ്റൊരു ഭരണഘടനാ സ്ഥാപനത്തിന് നിര്ദ്ദേശം നല്കാന് കഴിയില്ലെന്നായിരുന്നു കേന്ദ്രത്തിന്റെ നിലപാട്.ഗവര്ണറും രാഷ്ട്രപതിയും സമയപരിധി പാലിക്കാത്തതിന്റെ അനന്തരഫലങ്ങളെ കുറിച്ചും സുപ്രീംകോടതിയുടെ ഭരണഘടന ബെഞ്ച് ആശങ്ക അറിയിച്ചിരുന്നു.
Read More » -
ഇന്ത്യാക്കാരിയൂം കുട്ടിയും അപ്പാര്ട്ട്മെന്റില് കുത്തേറ്റ് മരിച്ചു ; എട്ടുവര്ഷത്തിന് ശേഷം ലാപ്പ്ടോപ്പ് കുറ്റവാളിയെ വെളിപ്പെടുത്തി ; കൊലപാതകത്തിന് ശേഷം ഇന്ത്യയിലേക്ക് മടങ്ങിയ പ്രതി പിന്നീട് ഇവിടെ തുടര്ന്നു ; ഇപ്പോള് പൊക്കാന് അമേരിക്ക
ന്യൂജഴ്സി: ആന്ധ്ര സ്വദേശിനിയും കുഞ്ഞും ന്യൂജഴ്സിയില് കൊല്ലപ്പെട്ട സംഭവത്തില് എട്ടു വര്ഷത്തിന് ശേഷം ഇന്ത്യാക്കാരനെ കുറ്റവാളിയായി കണ്ടെത്തി. എട്ട് വര്ഷത്തിന് ശേഷമാണ് സംഭവത്തിലെ കുറ്റക്കാരനെ തിരിച്ചറിഞ്ഞത്. കൊലപാതകത്തിന് ശേഷം ഹമീദ് ഇന്ത്യയിലേക്ക് പലായനം ചെയ്തു. ഇയാളെ അമേരിക്കയില് എത്തിക്കാന് ഇന്ത്യന് അധികൃതരുടെ സഹായം തേടിയിട്ടുണ്ട്. 2017 ല് ആന്ധ്രാക്കാരിയായ ശശികല നര സ്ത്രീയേയും അവരുടെ മകന് അനീഷിനെയും ന്യൂജേഴ്സിയിലെ അവരുടെ അപ്പാര്ട്ട്മെന്റില് മരിച്ച നിലയില് കണ്ടെത്തിയ സംഭവത്തിലാണ് ഇന്ത്യാ്കാരനായ ഹമീദ് എന്നയാള്ക്കെതിരേ കുറ്റം ചുമത്തിയിരിക്കുന്നത്. ന്യൂജേഴ്സിയിലെ ഒരു കമ്പനിയില് ശശികല നരയുടെ ഭര്ത്താവിന്റെ സഹപ്രവര്ത്തകനായിരുന്നു നസീര് ഹമീദ് എന്നും ഇരകളുടെ വീട്ടില് നിന്ന് നടക്കാവുന്ന ദൂരത്തിലാണ് അദ്ദേഹം താമസിച്ചിരുന്നതെന്നും പ്രോസിക്യൂട്ടര്മാര് പറഞ്ഞു. കമ്പനി നല്കിയ ലാപ്ടോപ്പില് നിന്ന് അടുത്തിടെ എടുത്ത ഡിഎന്എ സാമ്പിള് കുറ്റകൃത്യം നടന്ന സ്ഥലത്ത് നിന്നുള്ള രക്ത സാമ്പിളുമായി യോജിക്കുന്നതായി കണ്ടെത്തിയതോടെ അദ്ദേഹത്തെ കേസില് ഉള്പ്പെടുത്തി. കുറ്റം ചുമത്തിയതോടെ ഹമീദിനെ അമേരിക്കയിലേക്ക് തിരികെ കൊണ്ടുപോകാന് ശ്രമിക്കുകയാണ് അമേരിക്ക. സംഭവം…
Read More » -
ജനാധിപത്യം ബലപ്രയോഗത്തിലൂടെയല്ല നടത്തേണ്ടത് ; സ്ഥിരമായ പ്രതിസന്ധിയുടെ മറവില് രാഷ്ട്രീയ നിരാശ മറയ്ക്കാനുള്ള ശ്രമം ; വോട്ടുചോരി ആരോപണത്തില് 200 പേര് ഒപ്പിട്ട കത്ത് രാഹുല്ഗാന്ധിക്ക്
ന്യൂഡല്ഹി: രാഹുല്ഗാന്ധിയുടെ ‘വോട്ടുചോരി’ പ്രചരണത്തില് തിരഞ്ഞെടുപ്പ് കമ്മീഷനെതിരെ ഗുരുതരമായ ആരോപണങ്ങള് ഉന്നയിച്ചതിന് പ്രതിപക്ഷ നേതാവിന് തുറന്ന കത്തെഴുതി സമൂഹത്തിലെ വിവിധ തുറയിലുള്ള ആള്ക്കാര്. 200-ലധികം വിരമിച്ച ജഡ്ജിമാര്, ഉദ്യോഗസ്ഥര്, മുന് സൈനിക ഉദ്യോഗസ്ഥര്, നയതന്ത്രജ്ഞര് എന്നിവരുടെ ഒരു സംഘം കോണ്ഗ്രസിനെയും ലോക്സഭയിലെ പ്രതിപക്ഷ നേതാവായ രാഹുല് ഗാന്ധിയെയും വിമര്ശിച്ചു. ‘സ്ഥിരമായ പ്രതിസന്ധിയുടെ മറവില് രാഷ്ട്രീയ നിരാശ മറയ്ക്കാനുള്ള ശ്രമമാണ്’ ആരോപണങ്ങള് എന്ന് പറഞ്ഞുകൊണ്ടാണ് സംഘം ഒരു തുറന്ന കത്ത് പുറത്തിറക്കിയിട്ടുള്ളത്. കത്തില് ഒപ്പിട്ട 272 പേരില് 16 വിരമിച്ച ജഡ്ജിമാര്, 123 മുന് ഉദ്യോഗസ്ഥര്, 133 വിരമിച്ച സൈനിക ഉദ്യോഗസ്ഥര്, 14 മുന് അംബാസഡര്മാരും ഉള്പ്പെടുന്നു. ”ഇന്ത്യയുടെ ജനാധിപത്യം ബലപ്രയോഗത്തിലൂടെയല്ല, മറിച്ച് അതിന്റെ അടിസ്ഥാന സ്ഥാപനങ്ങള്ക്ക് നേരെയുള്ള വിഷലിപ്തമായ വാചാടോപത്തിന്റെ വര്ദ്ധിച്ചുവരുന്ന വേലിയേറ്റത്തിലൂടെയാണ് ആക്രമിക്കപ്പെടുന്നതെന്ന് സിവില് സമൂഹത്തിലെ മുതിര്ന്ന പൗരന്മാരായ ഞങ്ങള് ആശങ്ക പ്രകടിപ്പിക്കുന്നു. ചില രാഷ്ട്രീയ നേതാക്കള് യഥാര്ത്ഥ നയപരമായ ബദലുകള് വാഗ്ദാനം ചെയ്യുന്നതിനുപകരം, അവരുടെ നാടകീയ രാഷ്ട്രീയ തന്ത്രത്തില്…
Read More » -
യൂത്ത് കോണ്ഗ്രസ് സംസ്ഥാന സെക്രട്ടറി ബിജെപിയില് ; പടിയിറങ്ങിയത് അഖില് ഓമനക്കുട്ടന്
പത്തനംതിട്ട: കഴിഞ്ഞ കുറേ നാളുകളായി കോണ്ഗ്രസുമായി ഇടഞ്ഞുനില്ക്കുകയായിരുന്ന യൂത്ത് കോണ്ഗ്രസ് സംസ്ഥാന സെക്രട്ടറി അഖില് ഓമനക്കുട്ടന് ബിജെപിയില് ചേര്ന്നു. അഖില് ഓമനക്കുട്ടനെ ബിജെപി പത്തനംതിട്ട ജില്ലാ പ്രസിഡന്റ് പാര്ട്ടിയിലേക്ക് സ്വീകരിച്ചു. യൂത്ത് കോണ്ഗ്രസ് ജില്ലാ സെക്രട്ടറി മുതല് നിരവധി പദവികള് വഹിച്ചയാളാണ് അഖില് ഓമനക്കുട്ടന്.
Read More » -
ഡല്ഹി ചാവേര് ആക്രമണത്തില് സ്ഫോടനത്തിന് മുമ്പുള്ള ആ മുന്ന് മണിക്കൂര് ; ഉമര് ബോംബ് അസംബ്ളി ചെയ്യുന്ന തിരക്കില് ; കൂട്ടാളികളായ ഡോക്ടര്മാര് അറസ്റ്റിലായതോടെ എത്രയും വേഗം സ്ഫോടനം നടത്താന് തീരുമാനിച്ചു
ന്യൂഡല്ഹി: ഡല്ഹിയില് നടന്ന ചാവേര് ആക്രമണത്തില് ഭീകരന് ഉമര് മുഹമ്മദ് ബോംബ് അസംബ്ളി ചെയ്തത് ചെങ്കോട്ടയിലെ കാര് പാര്ക്കിംഗില് വെച്ച്. സ്ഫോടനത്തിന് മുമ്പ് ഉമറിന്റെ നീക്കങ്ങള് മാപ്പ് ചെയ്യുന്നതിനിടെ ഉയര്ന്ന ഒരു പ്രധാന ചോദ്യം, പാര്ക്കിംഗില് ചെലവഴിച്ച മൂന്ന് മണിക്കൂര് അദ്ദേഹം എന്താണ് ചെയ്തതെന്നതായിരുന്നു. സ്ഫോടനത്തിന് മുമ്പ് ഉമറിന്റെ നീക്കങ്ങള് മാപ്പ് ചെയ്യുന്നതിനിടെ ഒരു പ്രധാന ചോദ്യം, സുനേരി മസ്ജിദിന് സമീപമുള്ള പാര്ക്കിംഗില് അദ്ദേഹം മൂന്ന് മണിക്കൂര് ചെലവഴിച്ചത് എന്തിനായിരുന്നു എന്നാണ്. വൈകുന്നേരം 3.19 ന് പാര്ക്കിംഗിലേക്ക് അദ്ദേഹം വാഹനമോടിച്ച് 6.28 ന് എത്തിയതായി സിസിടിവി ദൃശ്യങ്ങളില് കാണാം. വൈകുന്നേരം 6.52 ഓടെയാണ് സ്ഫോടനം നടന്നത്. പാര്ക്കിംഗ് സ്ഥലത്തുണ്ടായിരുന്ന സമയത്ത് ഉമര് ഒരിക്കല് പോലും കാറില് നിന്ന് ഇറങ്ങിയിട്ടില്ലെന്നും അന്വേഷണത്തില് സൂചന ലഭിച്ചിരുന്നു. ഡല്ഹിയില് പ്രവേശിച്ചതിന് ശേഷം ഉമര് തന്റെ കൈകാര്യക്കാരുമായി ബന്ധപ്പെട്ടിരുന്നുവെന്ന് അന്വേഷണത്തില് ഇപ്പോള് വ്യക്തമായിട്ടുണ്ട്. അന്വേഷണ ഉദ്യോഗസ്ഥര് സംശയിക്കുന്നത്, ചര്ച്ചാ വിഷയം ലക്ഷ്യസ്ഥാനമായ പ്രദേശമായിരുന്നു എന്നാണ്. മയൂര് വിഹാര്,…
Read More » -
കടകംപള്ളിക്കെതിരെ വിമര്ശനം ; കെ.ശ്രീകണ്ഠനെ സിപിഎം പുറത്താക്കി ; വിമതനായി മത്സരിക്കുമെന്ന് ശ്രീകണ്ഠന്
തിരുവനന്തപുരം: കടകംപള്ളി സുരേന്ദ്രന് എംഎല്എക്കെതിരെ രൂക്ഷ വിമര്ശനമുയര്ത്തി തിരുവനന്തപുരം നഗരസഭയില് സിപിഎമ്മിന്റെ വിമത സ്ഥാനാര്ത്ഥിയായ കെ.ശ്രീകണ്ഠനെതിരെ പാര്ട്ടി നടപടി. ഉള്ളൂര് ലോക്കല് കമ്മിറ്റി അംഗമായ ശ്രീകണ്ഠനെ സിപിഎം പുറത്താക്കി. ഉള്ളൂരില് കെ ശ്രീകണ്ഠന് സ്വതന്ത്ര സ്ഥാനാര്ത്ഥിയായി മത്സരിക്കാന് തീരുമാനിച്ചിരുന്നു. ശ്രീകണ്ഠന് കടകംപള്ളി സുരേന്ദ്രനെതിരെ രൂക്ഷവിമര്ശനം ഉയര്ത്തിന് പിന്നാലെയാണ് പാര്ട്ടി നടപടി. സിപിഎം ഉള്ളൂര് ലോക്കല് കമ്മിറ്റി അംഗമായ ശ്രീകണ്ഠന്, ദേശാഭിമാനി തിരുവനന്തപുരം മുന് ബ്യൂറോ ചീഫാണ്. തെരഞ്ഞെടുപ്പില് വിമതനായി മത്സരിക്കുമെന്ന് ശ്രീകണ്ഠന് വ്യക്തമാക്കി.
Read More » -
സെലിബ്രറ്റി ആയതുകൊണ്ട് പ്രത്യേകത ഇല്ലെന്ന് വി.എം.വിനുവിനോട് കോടതി ; വോട്ടേഴ്സ് ലിസ്റ്റില് പേരുണ്ടോ എന്നുപോലും നോക്കാതെയാണോ തെരഞ്ഞെടുപ്പിന് നില്ക്കുന്നതെന്നും കോടതിയുടെ ചോദ്യം ; വോട്ടര് പട്ടികയില് പേര് ചേര്ക്കണമെന്നാവശ്യപ്പെട്ട് വിനു ഹൈക്കോടതിയില് സമര്പ്പിച്ച ഹര്ജി തള്ളി
കോഴിക്കോട് : കോര്പറേഷന് യുഡിഎഫ് മേയര് സ്ഥാനാര്ത്ഥിയും സംവിധായകനുമായ വി.എം.വിനുവിന് ഹൈക്കോടതിയില് നിന്നും തിരിച്ചടി. വോട്ടര് പട്ടികയില് പേര് ചേര്ക്കണമെന്നാവശ്യപ്പെട്ട് വിനു ഹൈക്കോടതിയില് സമര്പ്പിച്ച ഹര്ജി തള്ളി. വി.എം.വിനുവിന്റെ പേര് വോട്ടര്പട്ടികയില് ഉണ്ടായിരുന്നില്ല. ഹര്ജി തള്ളിയതോടെ വിനുവിന് സ്ഥാനാര്ത്ഥിയാകാന് കഴിയില്ല. സെലിബ്രറ്റി ആയത്കൊണ്ട് പ്രത്യേകത ഇല്ലെന്ന് ചൂണ്ടിക്കാട്ടിയ കോടതി രാഷ്ട്രീയക്കാരും സാധാരണക്കാരും ഒന്നുപോലെയെന്നും വ്യക്തമാക്കി. വോട്ടേഴ്സ് ലിസ്റ്റില് പേരുണ്ടോ ഇല്ലയോ എന്നുപോലും നോക്കാതെയാണോ തെരഞ്ഞെടുപ്പിന് നില്ക്കുന്നതെന്നും കോടതി ചോദിച്ചു. വൈഷ്ണയുടെ കേസ് വ്യത്യസ്തമാണെന്നും കോടതി പറഞ്ഞു. പ്രാഥമിക ലിസ്റ്റില് പേരുണ്ടായിരുന്നു അവസാന നിമിഷമാണ് പേര് വെട്ടിയത്, അതുകൊണ്ടാണ് കോടതി ഇടപെട്ടത്. ഇവിടെ സ്ഥിതി വേറെയാണെന്നും കോടതി കൂട്ടിച്ചേര്ത്തു. ഹര്ജി തള്ളിയ കോടതി വിധി മാനിക്കുന്നുവെന്ന് വി.എം.വിനു. പലവട്ടം വോട്ട് ചെയ്ത വ്യക്തി എന്ന നിലയില് പട്ടികയില് പേര് ഉണ്ടാകുമെന്നായിരുന്നു പ്രതീക്ഷ. താന് യുഡിഎഫിന്റെ ഭാഗമായി തുടര്ന്നും ഉണ്ടാകും. പ്രചാരണത്തിന് ഇറങ്ങണമോ എന്ന് ആലോചിച്ചു തീരുമാനിക്കുമെന്നും വിനു പറഞ്ഞു.
Read More » -
ശബരിമലയില് എന്.ഡി.ആര്.എഫ് സംഘമെത്തി ; ചാര്ജെടുത്തത് തൃശൂരില് നിന്നുള്ള സംഘം ; ചെന്നൈ സംഘവും ഉടനെത്തും ; സ്പോട്ട് ബുക്കിംഗ് പരിമിതപ്പെടുത്തി ; കൂടുതല് സൗകര്യങ്ങള് ഏര്പ്പെടുത്തുന്നു
പത്തനംതിട്ട : ശബരിമലയില് അയ്യപ്പഭക്തരുടെ സുരക്ഷ ഉറപ്പാക്കാന് ദേശീയ ദുരന്ത നിവാരണ സേനയുടെ ആദ്യ സംഘമെത്തി ചുമതലയേറ്റു. എന്ഡിആര്എഫ് സംഘമെത്തിയതോടെ തിക്കും തിരക്കും നിയന്ത്രിക്കാന് പോലീസിന് സഹായവും ആശ്വാസവുമാകും. നാഷണല് ഡിസാസ്റ്റര് റെസ്പോണ്സ് ഫോഴ്സിന്റെ തൃശൂര് റീജിയണല് റെസ്പോണ്സ് സെന്ററില് നിന്നുള്ള നാലാം ബറ്റാലിയനിലെ 30 അംഗസംഘമാണ് സന്നിധാനത്ത് എത്തിയത്. സോപാനത്തിന് അരികിലായും നടപ്പന്തലിലുമാണ് ഇവരെ നിലവില് വിന്യസിച്ചിരിക്കുന്നത്. ഓരോ സ്ഥലത്തും അഞ്ച് പേരാണ് ഒരേ സമയം ഡ്യൂട്ടി ചെയ്യുന്നത്. ചെന്നൈയില് നിന്നുള്ള 38 അംഗ സംഘവും ഉടനെത്തും. തീര്ഥാടകര്ക്ക് സിപിആര് ഉള്പ്പടെ അടിയന്തരഘട്ട വൈദ്യ സഹായം നല്കുന്നതിന് പ്രത്യേകം പരിശീലനം നേടിയവരാണിവര്. പ്രഥമശുശ്രൂഷ കിറ്റും സ്ട്രച്ചര് ഉള്പ്പടെയുള്ള സംവിധാനങ്ങളും എത്തിച്ചിട്ടുണ്ട്. അത്യാഹിതങ്ങളില് അതിവേഗം ഇടപെട്ട് രക്ഷാപ്രവര്ത്തനം ഏകോപിപ്പിക്കുന്നതിന് സജ്ജരാണിവര്. കോണ്ക്രീറ്റ് കട്ടിംഗ്, ട്രീ കട്ടിംഗ്, റോപ് റെസ്ക്യൂ ഉപകരണങ്ങളും സംഘത്തിന്റെ പക്കലുണ്ട്. ശബരിമല എഡിഎം, പൊലീസ് സ്പെഷ്യല് ഓഫീസര് എന്നിവരുടെ നിര്ദ്ദേശാനുസരണം സംഘം പ്രവര്ത്തിക്കുമെന്ന് ടീം കമാന്ഡറായ ഇന്സ്പെക്ടര് ജി…
Read More » -
വിസയുടെ കാലാവധി കഴിഞ്ഞിട്ടും നാട്ടിലേക്കില്ല, സിറിയയില് സ്വവര്ഗ്ഗപ്രണയം അനുവദനീയമല്ല ; ഇന്ത്യയില് പഠിക്കാന് വന്ന 29 കാരന് ഡേറ്റിംഗ് ആപ്പിലൂടെ പ്രണയത്തിലായ ഇന്ത്യാക്കാരനൊപ്പം രണ്ടുവര്ഷമായി ഗുജറാത്തില് ; രണ്ടുപേര്ക്കും എയ്ഡ്സ്
രാജ്കോട്ട്: സ്വവര്ണ്ണപ്രണയിക്കൊപ്പം അനധികൃതമായി ഇന്ത്യയില് കഴിഞ്ഞു വരികയാ യിരുന്ന സിറിയക്കാരനെ ഗുജറാത്തില് നിന്നും പോലീസ് പിടികൂടി. ഗുജറാത്തിലെ ദ്വാരക ജില്ലയിലെ ദേവഭൂമി നഗരത്തിലെ കംഭാലിയയില് നിന്നും തിങ്കളാഴ്ചയാണ് അറസ്റ്റ് ചെയ്തത്. വിസാ കാലാവധികഴിഞ്ഞ് രണ്ടുവര്ഷമായി മറ്റൊരാള്ക്കൊപ്പം അനധികൃതമായി താമസി ച്ചു വരികയായിരുന്നു ഇയാള്. സ്വന്തം നാട്ടില് സ്വവര്ഗ്ഗപ്രണയം അനുവദനീയമല്ലാ ത്തിനാ ലാണ് ഇന്ത്യയില് കൂട്ടുകാരനൊപ്പം കഴിയുന്നതെന്നും വിട്ടുപിരിയാന് വയ്യെന്നും ഇയാള് പോലീസിനോട് പറഞ്ഞു. വിസാ കാലാവധി പൂര്ത്തിയായപ്പോള് സിറിയയിലേക്ക് മടങ്ങുന്നതിന് പകരം കംഭാലിയയി ലേക്ക പോയതിന് കാരണം ഡേറ്റിംഗ് ആപ്പില് കണ്ടെത്തിയ ഒരാളുമായുള്ള പ്രണയമായി രുന്നു. കംഭാലിയയില് സ്കൂള് നടത്തുന്ന ഇയാളുമായി ഓണ്ലൈന് വഴി പ്രണയത്തിലായി. പിന്നീട് സിറിയക്കാരന് സ്കൂളിലെ ക്ലറിക്കല് ജോലിയും താമസിക്കാനുള്ള സൗകര്യവും നല്കി. ഇയാള് നല്കിയ യുഎന്എച്ച്സിആര് റഫ്യൂജി കാര്ഡ് അധികൃതര് പരിശോധിച്ചു വരികയാണ്. ഇന്ത്യയില് പ്രണയിയെ കണ്ടെത്തയതും സിറിയയില് സ്വവര്ഗ്ഗപ്രണയം അനുവദനീയമല്ലാത്തതിനാലുമാണ് ഇയാള് സിറിയയിലേക്ക് മടങ്ങാതിരുന്നതെന്ന് പോലീസ് കണ്ടെത്തി. വൈദ്യ പരിശോധനയില് ഇയാള്ക്ക് എച്ച്ഐവി കണ്ടെത്തിയിട്ടുണ്ട്.…
Read More » -
ബിഎല്ഒമാരുടെ ജോലി തടസപ്പെടുത്തിയാല് കര്ശന നടപടി ; 10 വര്ഷം വരെ തടവുശിക്ഷ ലഭിക്കാവുന്ന കുറ്റമെന്ന് മുഖ്യ തെരഞ്ഞെടുപ്പ് ഓഫീസര് ; സൈബര് ആ ക്രമണം നടത്തുന്നവര്ക്കെതിരെയും നടപടി
തിരുവനന്തപുരം: ബിഎല്ഒമാരുടെ ജോലി തടസപ്പെടുത്തുന്നവര്ക്കെതിരേ കര്ശന നടപടി സ്വീകരിക്കുമെന്ന് മുഖ്യ തെരഞ്ഞെടുപ്പ് ഓഫീസര് ഡോ. രത്തന് യു. ഖേല്ക്കര്. പല ജില്ലകളില്നിന്നും പരാതി ലഭിച്ചിട്ടുണ്ടെന്നും വളരെ പ്രാധാന്യമുള്ള ചുമതല നിര്വഹിക്കുന്ന ബിഎല്ഒമാരെ തടസപ്പെടുത്തിയാല് ഭാരതീയ ന്യായ് സംഹിതയുടെ 121-ാം വകുപ്പ് പ്രകാരം കേസെടുക്കാന് ജില്ലാ കളക്ടര്മാര്ക്കു നിര്ദേശം നല്കിയിട്ടുണ്ട്. 10 വര്ഷം വരെ തടവുശിക്ഷ ലഭിക്കാവുന്ന കുറ്റമാണിത്. സൈബര് ആക്രമണം നടത്തുന്നവര്ക്കെതിരെയും ശക്തമായ നടപടി ഉണ്ടാകും.നന്നായി പ്രവര്ത്തിക്കുന്ന ബിഎല്ഒമാര്ക്കെതിരെ വ്യാജവാര്ത്തകളും സമൂഹമാധ്യമ പ്രചാരണവും ശ്രദ്ധയില് പെട്ടിട്ടുണ്ടെന്നും രത്തന് ഖേല്ക്കര് പറഞ്ഞു. കമ്മിഷനെ സംബന്ധിച്ച്, ബിഎല്ഒ എന്നത് ഏറ്റവും പ്രധാനപ്പെട്ട ഉദ്യോഗസ്ഥനാണ്. തെരഞ്ഞെടുപ്പുമായി ബന്ധപ്പെട്ട ബൂത്ത് ലെവല് പ്രവര്ത്തനങ്ങളെല്ലാം നടത്തുന്നത് ഇവരാണ്. ബിഎല്ഒമാര്ക്ക് മേലുള്ള എല്ലാ ഉത്തരവാദിത്വവും തിരഞ്ഞെടുപ്പ് കമ്മിഷന് മാത്രമായിരിക്കും. അവരുടെ പ്രവര്ത്തനഫലമായാണ് സംസ്ഥാനത്തെ എസ്ഐആര് നടപടികള് നല്ലൊരു ശതമാനം പൂര്ത്തിയാക്കാനായതെന്നും ഖേല്ക്കര് പറഞ്ഞു. കണ്ണൂരിലെ ബിഎല്ഒ അനീഷ് ജോര്ജിന്റെ മരണത്തില് കമ്മീഷന് അഗാധമായ ദുഃഖം രേഖപ്പെടുത്തി. എല്ലാ സഹായവും…
Read More »