India
-
ട്രംപിന്റെ ഉടക്കില് ക്വാഡ് ഉച്ചകോടിയും പൊളിയുന്നു; ഇന്ത്യയിലേക്ക് ഇല്ലെന്ന് അമേരിക്കന് പ്രസിഡന്റ്; നൊബേല് സമ്മാനത്തിനു ശിപാര്ശ ചെയ്യാത്തത് താരിഫ് ചുമത്താന് കാരണമെന്ന് ആവര്ത്തിച്ച് ന്യൂയോര്ക്ക് ടൈംസ്; നിഷേധിക്കാതെ പ്രസിഡന്റിന്റെ ഓഫീസ്
ന്യൂയോര്ക്ക്: താരിഫ് പ്രശ്നത്തില് ഇടഞ്ഞതിനു പിന്നാലെ ഇന്ത്യയിലേക്ക് ഈ വര്ഷം അവസാനം നടത്തേണ്ടിയിരുന്ന യാത്രയും മാറ്റിവച്ച് യുഎസ് പ്രസിഡന്റ് ഡോണള്ഡ് ട്രംപ്. ക്വാഡ് ഉച്ചകോടിക്കുവേണ്ടിയാണ് ട്രംപ് ഇന്ത്യയില് എത്തേണ്ടിയിരുന്നത്. നേരത്തേ, ഇന്ത്യയിലേക്ക് എത്തുമെന്നു നരേന്ദ്ര മോദിക്ക് ഉറപ്പു നല്കിയിരുന്നെങ്കിലും വേണ്ടെന്നു വച്ചെന്നാണു ന്യൂയോര്ക്ക് ടൈംസ് റിപ്പോര്ട്ട് ചെയ്യുന്നത്. ഇക്കാര്യത്തില് ഇന്ത്യ ഇതുവരെ പ്രതികരണം അറിയിച്ചിട്ടില്ല. കഴിഞ്ഞ ജനുവരിയില് ക്വാഡ് രാജ്യങ്ങളിലെ വിദേശകാര്യ മന്ത്രിമാരുടെ സമ്മേളനം ട്രംപ് ഭരണകൂടം വിളിച്ചുകൂട്ടിയിരുന്നു. ഓസ്ട്രേലി്യ, ഇന്ത്യ, ജപ്പാന്, യുഎസ് എന്നീ രാജ്യങ്ങളാണ് ക്വാഡ് കൂട്ടായ്മയിലുള്ളത്. ഓപ്പറേഷന് സിന്ദൂറിനു പിന്നാലെയാണ് ഇന്ത്യയും ട്രംപും തമ്മിലുള്ള ഇടച്ചില് തുടങ്ങിയത്. യുദ്ധം നിര്ത്താന് ഇടപെട്ടെന്ന ആരോപണം ഇന്ത്യ വളഞ്ഞ വഴിയിലൂടെ നിഷേധിച്ചിരുന്നു. ഒരിക്കല് പോലും ട്രംപിന്റെ പേരു പറഞ്ഞില്ലെങ്കിലും മൂന്നാം കക്ഷിയുടെ ഇടപെടല് ഉണ്ടായില്ലെന്ന് മോദി ആവര്ത്തിച്ചു വ്യക്തമാക്കിയിരുന്നു. എന്നാല്, ട്രംപിനോടള്ള മൃദു സമീപനത്തില് മോദിയുടെ ക്ഷമ നശിക്കുന്ന ഘട്ടത്തിലേക്ക് ഇതെത്തിച്ചെന്നും ന്യൂയോര്ക്ക് ടൈംസ് എഴുതുന്നു. ഒരുകാലത്ത് ‘മൈ ഫ്രണ്ട്’…
Read More » -
‘കോയമ്പത്തൂരില് കണ്ടപ്പോള് പൂച്ചക്കുട്ടിയെപ്പോലെ കൈകൂപ്പിനിന്നു; വിജയ്യുടെ മുഖത്ത് അടിക്കാന് ആഗ്രഹം’
ചെന്നൈ: ദളപതി വിജയ്യുടെ രാഷ്ട്രീയ പ്രസ്താവനകളെ വിമര്ശിച്ച് തമിഴ് നടന് രഞ്ജിത്ത് രംഗത്ത്. പ്രധാനമന്ത്രി നരേന്ദ്ര മോദിക്കെതിരെ സംസാരിച്ചതിന് നടന്റെ മുഖത്തടിക്കണമെന്ന് രഞ്ജിത്ത് പറഞ്ഞു. വിനായക ചതുര്ത്ഥി ആഘോഷ വേദിയില് സംസാരിക്കുകയായിരുന്നു അദ്ദേഹം. 2014-ല് കോയമ്പത്തൂരില്വെച്ച് മോദിയെ കണ്ടപ്പോള് പൂച്ചക്കുട്ടിയെപ്പോലെ കൈകൂപ്പിനിന്ന വിജയ്, ഇപ്പോള് അദ്ദേഹത്തെ അധിക്ഷേപിക്കുകയാണെന്ന് രഞ്ജിത്ത് ആരോപിച്ചു. മുഖ്യമന്ത്രിയെ ‘അങ്കിള്’ എന്നും പ്രധാനമന്ത്രിയെ ‘മിസ്റ്റര്’ എന്നും വിളിക്കുന്ന വിജയ്യുടെ രാഷ്ട്രീയ മര്യാദയെയും രഞ്ജിത്ത് ചോദ്യം ചെയ്തു. മോദി മുസ്ലീം ജനതയെ വഞ്ചിച്ചുവെന്ന വിജയ്യുടെ പ്രസ്താവന തെറ്റാണെന്നും അദ്ദേഹം പറഞ്ഞു. മലയാള സിനിമകളായ രാജമാണിക്യം, ചന്ദ്രോത്സവം എന്നിവയില് വില്ലന് വേഷങ്ങള് ചെയ്തിട്ടുള്ള നടനാണ് രഞ്ജിത്ത്. തമിഴ് സിനിമകളില് കൂടുതല് സജീവമായ അദ്ദേഹം, തമിഴക വെട്രി കഴകം (ടിവികെ) എന്ന പാര്ട്ടി രൂപീകരിച്ച വിജയ്യുടെ രാഷ്ട്രീയ നിലപാടുകള്ക്കെതിരെയാണ് ശക്തമായ വിമര്ശനം ഉന്നയിച്ചത്.
Read More » -
ഇസ്രായേല് ആക്രമണത്തില് ഹൂതികളുടെ എല്ലാ മന്ത്രിമാരും കൊല്ലപ്പെട്ടെന്നു സൂചന; വധിക്കപ്പെട്ടത് പ്രധാനമന്ത്രിയടക്കം 12 മന്ത്രിമാരും സൈനിക ജനറല്മാരും; വിവരങ്ങള് പുറത്തുവിട്ട് ചാനല് 12; ആക്രമണം തുടരുമെന്ന് ഇസ്രയേല് ഡിഫന്സ് ഫോഴ്സ്
സനാ: ഹൂതികളെ ലക്ഷ്യമിട്ട് ഇസ്രായേല് സൈന്യം ആരംഭിച്ച ആക്രമണത്തില് പ്രധാനമന്ത്രി അഹമ്മദ് അല്-റഹാവിയടക്കം മുഴുവന് മന്ത്രിമാരും കൊല്ലപ്പെട്ടെന്നു സൂചന. കൃത്യമായ സോഴ്സുകളെ ഉദ്ധരിച്ചല്ല റിപ്പോര്ട്ടെങ്കിലും റഹാവിയും 12 കാബിനറ്റ് മന്ത്രിമാരും കൊല്ലപ്പെട്ടെന്നാണ് ഐഡിഎഫിന്റെ നിഗമനം. ചാനല് 12 ആണ് റിപ്പോര്ട്ട് പുറത്തുവിട്ടതെങ്കിലും ഇസ്രയേല് ഡിഫന്സ് ഫോഴ്സ് ആക്രമണത്തിന്റെ മുഴുവന് വിവരങ്ങളും ശേഖരിക്കുന്നുണ്ടെന്നാണു വിവരം. വ്യാഴാഴ്ച യെമന് തലസ്ഥാനമായ സനായിലേക്ക് നടത്തിയ വ്യോമാക്രമണത്തിലാണ് ഹൂതി നേതൃത്വത്തെ ഇസ്രയേല് ലക്ഷ്യമിട്ടത്. സനായ്ക്ക് പുറത്ത് ഹൂതി നേതാവ് അബ്ദുള് മാലിക് അല്-ഹൂതിയുടെ പ്രസംഗം കേള്ക്കാന് ഒത്തുകൂടിയ മുതിര്ന്ന ഹൂതി മന്ത്രിമാരെ ലക്ഷ്യമിട്ടായിരുന്നു ആക്രമണം. ഒരാഴ്ചയ്ക്കിടെ സനായിലേക്ക് ഇസ്രയേല് നടത്തുന്ന രണ്ടാമത്തെ ആക്രമണമായിരുന്നു ഇത്. ഹൂതികളുടെ രാഷ്ട്രീയ, സൈനിക നേതൃത്വത്തെയാണ് വ്യാഴാഴ്ചത്തെ അക്രമത്തില് ലക്ഷ്യമിട്ടതെന്ന് ഇസ്രയേല് മാധ്യമങ്ങള് റിപ്പോര്ട്ട് ചെയ്തു. ഹൂതി പ്രധാനമന്ത്രി അല്-റഹാവിയും അദ്ദേഹത്തിന്റെ കൂട്ടാളികളും കൊല്ലപ്പെട്ടതായാണ് യെമന് മാധ്യമങ്ങളുടെ റിപ്പോര്ട്ട്. എന്നാല് ഇക്കാര്യത്തില് ഔദ്യോഗിക സ്ഥിരീകരണമില്ല. സനായിലെ അപ്പാര്ട്ട്മെന്റില് ഇരിക്കെയാണ് പ്രധാനമന്ത്രി കൊല്ലപ്പെട്ടതെന്ന് യെമനിലെ…
Read More » -
‘എംഎല്എ എന്ന നിലയില് പെന്ഷന് അനുവദിക്കണം’; രാജസ്ഥാന് സര്ക്കാരിന് അപേക്ഷ നല്കി മുന് ഉപരാഷ്ട്രപതി ജഗ്ദീപ് ധന്കര്; രാജിവച്ച് ഒരുമാസം കഴിഞ്ഞിട്ടും പൊതുവേദിയില് പ്രത്യക്ഷപ്പെടാതെ ബിജെപി നേതാവ്; രാഷ്ട്രീയ നീക്കങ്ങളെപ്പറ്റി ഊഹാപോഹങ്ങളും ശക്തം
ന്യൂഡല്ഹി: ഉപരാഷ്ട്രപതി പദവി രാജിവച്ചശേഷം പൊതുരംഗത്തുനിന്നു വിട്ടു നില്ക്കുന്ന ജഗ്ദീപ് ധന്കര് മുന് നിയമസഭാംഗമെന്ന നിലയില് പെന്ഷന് അനുവദിക്കണമെന്ന് ആവശ്യപ്പെട്ടു രാജസ്ഥാന് സര്ക്കാരിന് അപേക്ഷ നല്കി. 1993 നും 1998 നും ഇടയില് അജ്മീര് ജില്ലയിലെ കിഷന്ഗഡ് മണ്ഡലത്തെ പ്രതിനിധീകരിച്ച ധന്കറിന്റെ പെന്ഷന് പശ്ചിമബംഗാള് ഗവര്ണറായതിനെത്തുടര്ന്നു 2019ല് നിര്ത്തലാക്കിയിരുന്നു. 1989ല് ജുന്ജുനുവില്നിന്ന് ജനതാദള് എംപിയായി തിരഞ്ഞെടുക്കപ്പെട്ടതിനെത്തുടര്ന്ന് ചന്ദ്രശേഖര് സര്ക്കാരില് പാര്ലമെന്ററി കാര്യ സഹമന്ത്രിയായി സേവനമനുഷ്ഠിച്ച ശേഷം 74 കാരനായ ധന്ഖര് 1993ല് കോണ്ഗ്രസില് ചേര്ന്ന് എംഎല്എ ആയി. 2003ല് അദ്ദേഹം ബിജെപിയിലേക്കും കളം മാറി. ഉപരാഷ്ട്രപദവി രാജിവച്ച് ഒരു മാസത്തിനുശേഷമാണ് മുന് എംഎല്എ എന്ന നിലയില് പെന്ഷന് അനുവദിക്കണമെന്ന് ആവശപ്പെട്ടു ധന്കര് അപേക്ഷ നല്കിയിരിക്കുന്നത്. അപേക്ഷ പരിശോധിച്ച് അംഗീകരിക്കാനുള്ള നടപടികള് ആരംഭിച്ചെന്നു സെക്രട്ടേറിയറ്റ് വൃത്തങ്ങള് അറിയിച്ചു. ഉപരാഷ്ട്രപതി സ്ഥാനം രാജിവച്ച തീയതി മുതല് ശ്രീ ധന്ഖറിന് നല്കേണ്ട പെന്ഷന് ബാധകമാകും. ജൂലൈ 21ന് ‘ആരോഗ്യപ്രശ്നങ്ങള്’ ചൂണ്ടിക്കാട്ടി അദ്ദേഹം രാജി സമര്പ്പിച്ചിരുന്നു. രാജസ്ഥാനിലെ…
Read More » -
ഇസ്രയേലുമായുള്ള വാണിജ്യ സാമ്പത്തിക ബന്ധങ്ങള് വിഛേദിച്ച് തുര്ക്കി; വ്യോമ പാത അടച്ചു; കപ്പലുകള്ക്ക് വിലക്ക്; ലക്ഷ്യം ഇസ്രയേലിലേക്കുള്ള ആയുധ നീക്കം തടയലെന്നു സൂചന; ഗാസയ്ക്കു പിന്തുണ
ഇസ്താംബുള്: ഇസ്രയേലുമായുള്ള വാണിജ്യ, സാമ്പത്തിക ബന്ധങ്ങള് വിച്ഛേദിച്ച് തുര്ക്കി. ഇസ്രയേല് വിമാനങ്ങള് തുര്ക്കിയുടെ വ്യോമാതിര്ത്തിയിലേക്ക് കടക്കുന്നതിനും തുര്ക്കി കപ്പലുകള് ഇസ്രയേല് തുറമുഖത്തേക്ക് പ്രവേശിക്കുന്നതിനും വിലക്കേര്പ്പെടുത്തി. ഗാസയില് നടക്കുന്ന യുദ്ധത്തിനിടെ ഇരു രാജ്യങ്ങളും തമ്മിലുള്ള ബന്ധത്തില് പിരിമുറുക്കം വര്ധിക്കുകയാണ്. ‘ഇസ്രായേലുമായുള്ള വ്യാപാരം പൂര്ണമായും വിച്ഛേദിച്ചു. തുര്ക്കി കപ്പലുകളെ ഇസ്രായേല് തുറമുഖങ്ങളിലേക്ക് പോകാന് അനുവദിക്കില്ല. ഇസ്രയേല് വിമാനങ്ങള്ക്ക് വ്യോമാതിര്ത്തിയില് പ്രവേശിക്കാനും അനുമതിയുണ്ടാകില്ല’ എന്നാണ് തുര്ക്കി വിദേശകാര്യ മന്ത്രി ഹകന് ഫിദാന് പറഞ്ഞത്. ഇസ്രയേലിന്റെ സൈനിക പ്രവര്ത്തനങ്ങള് നിര്ത്തിവച്ചില്ലെങ്കില് മധ്യപൂര്വേഷ്യ ഉടനീളം സംഘര്ഷത്തില് മുങ്ങുമെന്നും ഹക്കന് ഫിദന് പറഞ്ഞു. ഇസ്രയേലിനെതിരെ അന്താരാഷ്ട്ര നടപടി വേണമെന്നും ലോകശക്തികള് ഇസ്രയേലിനെ പിന്തുണയ്ക്കുന്നത് നിര്ത്തണമെന്നും അദ്ദേഹം ആവശ്യപ്പെട്ടു. സമ്പൂര്ണ വെടിനിര്ത്തല് പ്രഖ്യാപിക്കണമെന്നും ഗാസയിലേക്ക് സഹായം എത്തിക്കണമെന്നും ആവശ്യപ്പെട്ട് കഴിഞ്ഞ വര്ഷം മേയ് മുതല് ഇസ്രായേലുമായുള്ള നേരിട്ടുള്ള വ്യാപാരബന്ധം തുര്ക്കി വിച്ഛേദിച്ചിരുന്നു. 2023ല് ഇരു രാജ്യങ്ങളും തമ്മില് 7 ബില്യണ് ഡോളറിന്റെ വ്യാപാരം നടന്നിരുന്നു. അസര്ബൈജാനിലെ രാജ്യാന്തര സബ്മിറ്റില് പങ്കെടുക്കാന് യാത്രതിരിച്ച…
Read More » -
നൊബേലിനു ശിപാര്ശ ചെയ്യണമെന്നു ട്രംപ്; പറ്റില്ലെന്നു മോദി: ഒറ്റ ഫോണ് കോളില് ഇടഞ്ഞ ഇന്ത്യ-യുഎസ് ബന്ധം! ജര്മന് ദിനപത്രത്തിന്റെ വാദം സ്ഥിരീകരിച്ച് ന്യൂയോര്ക്ക് ടൈംസ്; 50 ശതമാനം തീരുവ വന്ന വഴിയിങ്ങനെ
ന്യൂയോര്ക്ക്: ഇന്ത്യയ്ക്ക് മേല് യുഎസ് ചുമത്തിയ 50 ശതമാനം തീരുവയെപ്പറ്റി ഇറങ്ങുന്ന കഥകള് നിരവധിയാണ്. ഒരുകാലത്ത് ‘മൈ ഫ്രണ്ട്’ എന്നു വിശേഷിപ്പിച്ചു ട്രംപിനുവേണ്ടി പരസ്യമായി പ്രചാരണത്തിന് ഇറങ്ങിയ മോദിയെ ഞെട്ടിച്ചാണ് അമേരിക്ക 50 ശതമാനം തീരുവ ചുമത്തിയത്. ട്രംപിന്റെ വ്യക്തി വിരോധമാണ് യുഎസ് ഇന്ത്യയ്ക്ക് എതിരാകാന് കാരണമെന്നായിരുന്നു യു.എസ് സാമ്പത്തിക സ്ഥാപനമായ ജെഫറീസിന്റെ റിപ്പോര്ട്ട്. യു.എസ് പ്രസിഡന്റ് ഡൊണള്ഡ് ട്രംപ് മോദിയെ ഫോണില് വിളിച്ചെന്നും ഇന്ത്യന് പ്രധാനമന്ത്രി ഫോണ് നിരസിച്ചെന്നും നേരത്തെ ജര്മന് പത്രം റിപ്പോര്ട്ട് ചെയ്തിരുന്നു. ഇക്കാര്യങ്ങള് സ്ഥിരീകരിക്കുകയാണ് ന്യൂയോര്ക്ക് ടൈംസ്. ജൂണ് 17 നുള്ള ട്രംപിന്റെ ഫോണ് കോളിന് ശേഷം ഇരു നേതാക്കളും തമ്മിലുള്ള ബന്ധത്തെ ബാധിച്ചു എന്നാണ് ന്യൂയോര്ക്ക് ടൈംസ് പറയുന്നത്. പ്രധാനമന്ത്രി മോദിയും ട്രംപും തമ്മിലുള്ള അവസാനത്തെ ഫോണ് കോള് നടന്നത് ജൂണ് 17 നായിരുന്നു. കാനഡയില് നടന്ന ജി 7 ഉച്ചകോടിക്ക് ശേഷം വാഷിങ്ടണിലേക്കുള്ള യാത്രയ്ക്കിടെയാണ് ട്രംപ് ഫോണ് ചെയ്തത്. 35 മിനുട്ട് സംഭാഷണം…
Read More » -
നിരീക്ഷിക്കുന്നത് പഞ്ചാബിലെ പ്രളയബാധിത പ്രദേശങ്ങള് ; ബോട്ടിലിരുന്ന് ചര്ച്ച നടത്തുന്നത് സ്വീഡനില് നടത്തിയ കപ്പല് യാത്ര
ഛണ്ഡീഗഡ് : പഞ്ചാബിലെ പ്രളയബാധിത പ്രദേശങ്ങള് സന്ദര്ശിക്കുമ്പോള് യൂറോപ്പില് നടത്തിയ ആഡംബര കപ്പല് യാത്രകളെക്കുറിച്ച് ചര്ച്ച ചെയ്യുന്ന വീഡിയോ പുറത്തുവന്നതോടെ പഞ്ചാബില് മന്ത്രിമാര്ക്കെതിരേ വന് പ്രതിഷേധം. പഞ്ചാബ് മന്ത്രിമാരുടെ 27 സെക്കന്ഡ് വീഡിയോ പ്രതിപക്ഷത്തിന്റെ കടുത്ത വിമര്ശനത്തിന് ഇടയാക്കി. ദുരിതാശ്വാസപ്രവര്ത്തനം ചര്ച്ച ചെയ്യുന്നതിനായിരുന്നു ബോട്ടുയാത്ര. പ്രളയ നാശനഷ്ടങ്ങള് വിലയിരുത്തുന്നതിനും ദുരിതാശ്വാസ പ്രവര്ത്തനങ്ങള് ചര്ച്ച ചെയ്യുന്നതിനും വേണ്ടിയാണ് മൂന്ന് മന്ത്രിമാരായ ബരീന്ദര് ഗോയല്, ലാല്ജിത് ഭുള്ളര്, ഹര്ഭജന് സിംഗ് എന്നിവര് ദുരന്തമേഖലയിലൂടെ ബോട്ട് യാത്ര നടത്തിയത്. ടര്ണ് തരണ്-ഹാരികെ പ്രദേശത്ത് നടത്തിയ പരിശോധനക്കിടെയാണ് ഈ വീഡിയോ ചിത്രീകരിച്ചതെന്നാണ് റിപ്പോര്ട്ട്. നിയമസഭയിലെ പ്രതിപക്ഷ നേതാവ് പ്രതാപ് സിംഗ് ബജ്വ ഈ വീഡിയോ എക്സില് (മുമ്പ് ട്വിറ്റര്) പങ്കുവെച്ചു. ഈ സംഭവത്തെ അപലപിച്ചുകൊണ്ട് അദ്ദേഹം ഇങ്ങനെ കുറിച്ചു: ‘പ്രളയത്തില് ദുരിതമനുഭവിക്കുന്ന പഞ്ചാബിലെ കുടുംബങ്ങള് ഒരു ഗ്ലാസ് കുടിവെള്ളത്തിനായി യാചിക്കുമ്പോള്, പഞ്ചാബ് മന്ത്രിമാരായ ബരീന്ദര് ഗോയല്, ലാല്ജിത് ഭുള്ളര്, ഹര്ഭജന് സിംഗ് എന്നിവര്ക്ക് സ്വീഡനിലെയും ഗോവയിലെയും ആഡംബര…
Read More » -
ആഹാരം അവനവന്റെ സ്വാതന്ത്ര്യം ; പുതിയതായി വന്ന റീജിയണല് മാനേജര് കാന്റീനീല് ബീഫ് നിരോധിച്ചു; ബാങ്കിന് മുന്നില് പൊറോട്ടയും ഇറച്ചിയും വിളമ്പി പാര്ട്ടി നടത്തി ജീവനക്കാര് പ്രതിഷേധിച്ചു
തിരുവനന്തപുരം: ബാങ്കിന്റെ കാന്റീനില് ബീഫ് നിരോധിച്ചതിനെ തുടര്ന്ന് ബാങ്കിന് പുറത്ത് ബീഫും പൊറോട്ടയും വിളമ്പി ജീവനക്കാരുടെ പ്രതിഷേധം. കൊച്ചിയിലെ കാനറ ബാങ്കിന്റെ ശാഖയിലെ റീജിയണല് മാനേജരാണ് ഓഫീസിലെ കാന്റീനില് ബീഫ് നിരോധിച്ചത്. അടുത്തിടെ ശാഖയില് ചുമതലയേറ്റ ബീഹാര് സ്വദേശിയായ അശ്വിനി കുമാര് എന്ന ഡെപ്യൂട്ടി റീജിയണല് മാനേജരാണ് ബീഫ് നിരോധനം കാന്റീനില് നടപ്പാക്കിയതെന്നാണ് റിപ്പോര്ട്ടുകള്. ചുമതലയേറ്റതിന് ശേഷം ഇയാള് ജീവനക്കാരെ ഉപദ്രവിക്കുന്നുണ്ടെന്നും റിപ്പോര്ട്ടുകളുണ്ട്. ബീഫ് നിരോധിച്ച വാര്ത്ത പുറത്തുവന്നതിന് പിന്നാലെയാണ് ബാങ്ക് എംപ്ലോയീസ് ഫെഡറേഷന് ഓഫ് ഇന്ത്യ പ്രതിഷേധവുമായി എത്തുകയായിരുന്നു. ഭക്ഷണം എന്നത് ഭരണഘടന സംരക്ഷിക്കുന്ന വ്യക്തിപരമായ തിരഞ്ഞെടുപ്പാണെന്ന് സംഘടന പറഞ്ഞു. അതേസമയം വിഷയത്തില് ബാങ്കിന്റെ കേന്ദ്ര നേതൃത്വം ഇതുവരെ പ്രതികരിച്ചിട്ടില്ല. സംസ്ഥാനത്തെ രാഷ്ട്രീയ നേതാക്കള് പ്രതിഷേധത്തിന് പിന്തുണ നല്കി. ഇടതുപക്ഷ പിന്തുണയുള്ള സ്വതന്ത്ര എംഎല്എ കെ.ടി. ജലീല് സാംസ്കാരിക സ്വാതന്ത്ര്യത്തെ നിയന്ത്രിക്കാനുള്ള ശ്രമങ്ങളെ അപലപിച്ചു. എന്ത് ധരിക്കണം, എന്ത് കഴിക്കണം, എന്ത് ചിന്തിക്കണം എന്ന് തീരുമാനിക്കാന് ഉദ്യോഗസ്ഥര്ക്ക് അധികാരമില്ലെന്നും കേരളം സംഘികളുടെ…
Read More » -
പ്രധാനമന്ത്രി നരേന്ദ്ര മോദി ജപ്പാന് പിന്നാലെ ടിയാന്ജിനില് ; ചൈനീസ് പ്രസിഡന്റ് ഷീ ജിന്പിങുമായി കൂടിക്കാഴ്ച നടത്തും ; മോദി ചൈന സന്ദര്ശിക്കുന്നത് ഏഴു വര്ഷത്തിന് ശേഷം, അതീവപ്രധാന്യം
ന്യൂഡല്ഹി: ജപ്പാനില് സന്ദര്ശനം നടത്തിയതിന് പിന്നാലെ പ്രധാനമന്ത്രി നരേന്ദ്ര മോദി വാര്ഷിക ഷാങ്ഹായ് കോര്പ്പറേഷന് ഓര്ഗനൈസേഷന് ഉച്ചകോടിയില് പങ്കെടുക്കാന് ശനിയാഴ്ച ചൈനയിലെ ടിയാന്ജിനില് എത്തി. ഏഴ് വര്ഷത്തിന് ശേഷമാണ് മോദി ചൈന സന്ദര്ശിക്കാന് എത്തുന്നത്. ചൈനയുടെ വ്യവസായ, വിവരസാങ്കേതിക മന്ത്രി ലീ ലെഷെങ്, ടിയാന്ജിന് ഗവണ്മെന്റ് ഡയറക്ടര് യു യുന്ലിന്, ചൈനീസ് അംബാസഡര് ഷു ഫെയ്ഹോങ് എന്നിവര് ചേര്ന്ന് പ്രധാനമന്ത്രിയെ സ്വീകരിച്ചു. ആഗസ്റ്റ് 31-നും സെപ്റ്റംബര് 1-നുമാണ് ഉച്ചകോടി. ചൈനീസ് പ്രസിഡന്റ് ഷി ജിന്പിങ്ങിന്റെ ക്ഷണപ്രകാരമാണ് മോദി ഉച്ചകോടിയില് പങ്കെടുക്കാന് എത്തിയത്. സന്ദര്ശന വേളയില്, ഉച്ചകോടിയുടെ ഭാഗമായി അദ്ദേഹം പ്രസിഡന്റ് ഷി ജിന്പിങ്, റഷ്യന് പ്രസിഡന്റ് പുടിന് എന്നിവരുമായും മറ്റ് നേതാക്കളുമായും കൂടിക്കാഴ്ച നടത്തും. വാഷിംഗ്ടണ് ഇന്ത്യന് ഉത്പന്നങ്ങള്ക്ക് 50 ശതമാനം താരിഫ് ചുമത്തിയതിനെ തുടര്ന്ന് ഇന്ത്യ-യുഎസ് ബന്ധത്തില് അടുത്തിടെയുണ്ടായ അസ്വാരസ്യങ്ങളുടെ പശ്ചാത്തലത്തില് ഈ ഉച്ചകോടിക്ക് കൂടുതല് പ്രാധാന്യമുണ്ട്. അമേരിക്കന് പ്രസിഡന്റ് ഡൊണാള്ഡ് ട്രംപ് എല്ലാ രാജ്യങ്ങള്ക്കും മേല് ചുമത്തിയ താരിഫുകള്…
Read More » -
‘എച്ച്ഐവി രോഗിയാക്കി’; ക്ഷേത്രങ്ങളിലെ മോഷണം ദൈവത്തോടുള്ള പ്രതികാരമെന്ന് കള്ളന്, അമ്പരന്ന് പൊലീസ്
റായ്പൂര്: പതിവ് മോഷ്ടക്കാളില് നിന്നും വ്യത്യസ്തനായൊരു ക്ഷേത്ര കള്ളന്. നിരവധി മോഷണം നടത്തിയ കള്ളന് പിടിയിലായത് കഴിഞ്ഞ ദിവസമാണ്. എന്നാല് ഇയാള് മോഷണം നടത്താനുള്ള കാരണം പറഞ്ഞപ്പോള് പൊലീസുകാരും അമ്പരന്നു. ദൈവത്തിനോടുള്ള തന്റെ പ്രതികാരമാണ് മോഷണമെന്നായിരുന്നു യുവാവിന്റെ മറുപടി. 2012 ല് ഒരു ആക്രമണക്കേസില് ജയിലില് കഴിയുന്നതിനിടെയാണ് ഇയാള് എച്ച്ഐവി ബാധിതനാകുന്നത്. ഇതോടെ തനിക്ക് മതത്തിലുള്ള വിശ്വാസവും നഷ്ടമായെന്ന് യുവാവ് പറയുന്നു. തന്റെ രോഗബാധ ദൈവത്തിന്റെ പ്രവൃത്തിയാണെന്നാണ് യുവാവിന്റെ വാദം. അതുകൊണ്ടാണ് ദൈവത്തിന്റെ മുതലുകള് മോഷ്ടിക്കാന് പ്രേരിപ്പിച്ചതെന്നാണ് യുവാവിന്റെ വാദം. ദുര്ഗയിലും പരിസരങ്ങളിലുമായി നിരവധി ക്ഷേത്രങ്ങളില് മോഷണം നടത്തിയതായി യുവാവ് സമ്മതിച്ചതായി പൊലീസ് പറഞ്ഞു. എന്നാല് യുവാവ് അതിലേറെ മോഷണം നടത്തിയിട്ടുണ്ടാവുമെന്നാണ് പൊലീസ് വ്യക്തമാക്കുന്നത്. ഒരേ രീതിയിലായിരുന്നു ഇയാളുടെ മോഷണമെന്നും പൊലിസ് പറയുന്നു. കാണിക്കവഞ്ചികളില് നിന്ന് പണം മോഷ്ടിക്കുകയും ആഭരണങ്ങള് അവിടെ ഉപേക്ഷിക്കുകയും ചെയ്യും. ഓരോ മോഷണത്തിന് മുന്പും ശേഷവും പിടിക്കപ്പെടാതിരിക്കാന് ഇയാള് വസ്ത്രം മാറുമായിരുന്നെന്നും പൊലീസ് പറയുന്നു. ഇയാള് മോഷണത്തിനായി…
Read More »