Crime
-
തിളച്ച എണ്ണയില് കൈമുക്കി പാതിവ്രത്യം തെളിയിക്കല്; ഭര്തൃകുടുംബത്തിന്റെ ക്രൂരതയില് യുവതിക്ക് ഗുരുതര പരിക്ക്
അഹമ്മദാബാദ്: പതിവ്രതയെന്ന് തെളിയിക്കാന് യുവതിയുടെ കൈ തിളച്ച എണ്ണയില് മുക്കി പരീഷണം നടത്തി ഭര്ത്താവിന്റെ കുടുംബം. ഗുജറാത്തിലെ മെഹ്സാന ജില്ലയില് ആണ് 30 വയസുകാരിക്കാണ് ഭര്തൃവീട്ടിലെ ക്രൂരതയില് ഗുരുതരമായി പരിക്കേറ്റത്. ഭര്ത്താവിന്റെ സഹോദരിയും മറ്റ് മൂന്ന് പേരും ചേര്ന്നാണ് യുവതിയെ ക്രൂരമായി പീഡിപ്പിച്ചത്. തിളച്ച എണ്ണ പാത്രത്തില് കൈകള് മുക്കാന് യുവതിയെ നിര്ബന്ധിക്കുന്ന വീഡിയോ സമൂഹമാധ്യമങ്ങളില് വൈറലാണ്. സെപ്റ്റംബര് 16നായിരുന്നു സംഭവം. പരിക്കേറ്റ യുവതിയുടെ ഭര്ത്താവിന്റെ സഹോദരി ജമുന താക്കൂര്, ജമുനയുടെ ഭര്ത്താവ് മനുഭായ് താക്കൂര്, മറ്റ് രണ്ട് പേര് എന്നിവരാണ് യുവതിയോട് ക്രൂരത കാട്ടിയത്. ഇവര് നാലുപേര് ചേര്ന്ന് യുവതിയുടെ കൈ എണ്ണയില് മുക്കാന് ശ്രമിക്കുന്നതാണ് വീഡിയോയിലുള്ളത്. തുടര്ന്ന് യുവതി എണ്ണയില് കൈ തൊടുന്നതും പൊള്ളലേറ്റ് അതിവേഗം കൈവലിക്കുന്നതുമാണ് ദൃശ്യങ്ങളിലുള്ളത്. പരിക്കേറ്റ യുവതി പതിവ്രതയല്ലെന്ന ഇവരുടെ ഭര്ത്താവിന്റെ സഹോദരിയുടെ സംശയമാണ് പ്രാകൃത നടപടിയിലേക്ക് നയിച്ചതെന്ന് റിപ്പോര്ട്ടുകള്. പതിവ്രതയാണെങ്കില് പൊള്ളലേല്ക്കില്ലെന്ന് യുവതിയെ ഇവര് വിശ്വസിപ്പിച്ചിരുന്നു എന്നും അധികൃതര് പറയുന്നു.
Read More » -
പെണ്കുട്ടിക്ക് നേരെ പിതാവിന്റെ സുഹൃത്തിന്റെ ലൈംഗികാതിക്രമം, കണ്ടുനിന്ന നാട്ടുകാര് കൈകാര്യം ചെയ്തു
കൊച്ചി: പറവൂരില് പെണ്കുട്ടിക്ക് നേരെ ലൈംഗിക അതിക്രമം. സുഹൃത്തിന്റെ മകളോട് പറവൂരിലെ ഹോട്ടലില് വെച്ചായിരുന്നു അഖില് എന്നയാള് ലൈംഗികാതിക്രമം കാട്ടിയത്. പെണ്കുട്ടിയോട് ലൈംഗികാതിക്രമം നടത്തുന്നത് കണ്ട ഹോട്ടല് ജീവനക്കാരും നാട്ടുകാരും ചേര്ന്ന് യുവാവിനെ പിടികൂടി പോലീസില് ഏല്പ്പിക്കുകയായിരുന്നു. സംഭവത്തില് പെണ്കുട്ടിയുടെ പിതാവിന്റെ സുഹൃത്ത് അഖിലിനെതിരേ പോലീസ് പോക്സോ വകുപ്പ് പ്രകാരം കേസെടുത്തിട്ടുണ്ട്. പറവൂരിലെ ഒരു ഹോട്ടലില് പെണ്കുട്ടിയും സഹോദരനും പിതാവും പിതാവിന്റെ സുഹൃത്തുമായാണ് ഭക്ഷണം കഴിക്കാനെത്തിയത്. ഇതിനിടെ പെണ്കുട്ടിയുടെ പിതാവ് പുറത്തേക്കിറങ്ങി. ഈ സമയത്ത് പ്രതിയായ അഖില് സുഹൃത്തിന്റെ മകളോട് അതിക്രമം കാണിക്കുകയായിരുന്നു. ഇത് കണ്ട് നിന്ന ഹോട്ടല് ജീവനക്കാര് ഇടപെട്ടതോടെ നാട്ടുകാരടക്കം ഇടപെടുകയായിരുന്നു. മദ്യലഹരിയിലായിരുന്ന പ്രതി അഖില് വളരെ മോശമായി പെണ്കുട്ടിയോട് പെരുമാറിയതോടെയാണ് നാട്ടുകാര് ഇടപെട്ടത്. പെണ്കുട്ടിയും പരാതി പറഞ്ഞതോടെ നാട്ടുകാര് അഖിലിനെ കൈയേറ്റം ചെയ്തതിന് ശേഷമാണ് പോലീസില് ഏല്പ്പിച്ചത്. പറവൂര് പോലീസ് പോക്സോ വകുപ്പ് പ്രകാരം കേസെടുത്തു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Read More » -
മകളെ ലൈംഗികമായി പീഡിപ്പിച്ച അച്ഛന് 17 വര്ഷം കഠിന തടവ് ; 1,75,000 രൂപ പിഴയും ശിക്ഷയും വിധിച്ചിട്ടുണ്ട് ; ഒടുക്കിയില്ലെങ്കില് 14 മാസം അധിക കഠിന തടവ് അനുഭവിക്കണം
കൊല്ലം: മകളെ ലൈംഗികമായി ചൂഷണം ചെയ്ത പിതാവിന് 17 വര്ഷം കഠിന തടവ്. കൊല്ലം അതിവേഗ സ്പെഷ്യല് കോടതിയാണ് വിധി പുറപ്പെടുവിച്ചത്. 1,75,000 രൂപ പിഴയും ശിക്ഷ വിധിച്ചിട്ടുണ്ട്. ഒടുക്കിയില്ലെങ്കില് 14 മാസം അധിക കഠിന തടവ് അനുഭവിക്കണം. ചന്ദനത്തോപ്പ് സ്വദേശിയായ 51കാരനാണ് ശിക്ഷ ലഭിച്ചത്. കൊല്ലം അതിവേഗ സ്പെഷ്യല് കോടതി ജഡ്ജി എ സമീറാണ് പ്രതിയെ ശിക്ഷിച്ചത്. പോക്സോ നിയമത്തിലെ വിവിധ വകുപ്പുകള് പ്രകാരമാണ് ശിക്ഷ വന്നത്. പോക്സോനിയമത്തിലെ വിവിധ വകുപ്പുകള് പ്രകാരമാണ് തടവ്. ജുവനൈല് ജസ്റ്റിസ് ആക്ട് 75ാം വകുപ്പനുസരിച്ച് അര ലക്ഷം രൂപ വീതം പിഴയും രണ്ട് വര്ഷം കഠിനതടവുമാണ് വിധിച്ചത്. കുണ്ടറ പൊലീസ് ഇന്സ്പെക്ടര് സിജിന് മാത്യുവാണ് കുറ്റപത്രം സമര്പ്പിച്ചത്. പ്രോസിക്യൂഷന് വേണ്ടി സ്പെഷ്യല് പബ്ലിക്ക് പ്രോസിക്യൂട്ടര് ആര് സരിത ഹാജരായി.
Read More » -
ഒറ്റപ്പൈസ പോലും ഞാന് എടുത്തില്ല, ഇപ്പോള് എല്ലാ കുറ്റവും എന്റെമേല്; ബിജെപി നേതാവിന്റെ ആത്മഹത്യാ കുറിപ്പ് പുറത്ത്; ആത്മഹത്യ ചെയ്യേണ്ടിവരുമെന്ന് ബിജെപി നേതാക്കളോടു പറഞ്ഞിരുന്നെന്ന് പോലീസ്
തിരുവനന്തപുരം: കോര്പ്പറേഷനിലെ കൗണ്സിലറും ബിജെപി നേതാവുമായ തിരുമല അനിലിനെ സ്വന്തം ഓഫീസില് തൂങ്ങിമരിച്ച നിലയില് കണ്ടെത്തുകയായിരുന്നു. രാവിലെ എട്ടരയോടെയാണ് അനില് ഓഫീസിലെത്തിയത്. തിരുമല ജംഗ്ഷനിലുള്ള കോര്പ്പറേഷന്റെ ഷോപ്പിങ് കോംപ്ലക്സിനുള്ളിലാണ് ഓഫീസ് പ്രവര്ത്തിക്കുന്നത്. അനില്കുമാര് പ്രസിഡന്റായ വലിയശാല ഫാം ടൂര് സൊസൈറ്റി ആറു കോടിയോളം രൂപ വായ്പ നല്കിയിട്ടുണ്ട്. സൊസൈറ്റിയില് സാമ്പത്തിക പ്രതിസന്ധി ഉണ്ടാകുകയും നിക്ഷേപകര്ക്കു പണം തിരികെ കൊടുക്കാന് കഴിയാതെ വരികയും ചെയ്തതോടെ തമ്പാനൂര് പൊലീസില് പരാതികള് വന്നിരുന്നു. സാമ്പത്തിക പ്രതിസന്ധിയില് സൊസൈറ്റിയിലെ മറ്റാരും സഹായിച്ചില്ലെന്ന് വ്യക്തമാക്കുന്ന ആത്മഹത്യക്കുറിപ്പും കണ്ടെടുത്തിട്ടുണ്ട്. പ്രതിസന്ധി ഉണ്ടായതോടെ താന് ഒറ്റപ്പെട്ടുവെന്നും താനോ കുടുംബമോ ഒരു പൈസ പോലും എടുത്തിട്ടില്ലെന്നും കുറിപ്പില് വ്യക്തമാക്കിയിട്ടുണ്ട്. എല്ലാ കുറ്റവും തനിക്കായെന്നും അതുകൊണ്ടു ജീവനൊടുക്കുകയാണെന്നുമാണ് അനില്കുമാര് ആത്മഹത്യക്കുറിപ്പില് പറയുന്നത്. ജീവനൊടുക്കാന് ശ്രമിക്കുമെന്ന് മുന്പും പല കൗണ്സിലര്മാരോടും അടുത്ത ആളുകളോടും അനില് പറഞ്ഞിരുന്നെന്ന് പൊലീസ് വ്യക്തമാക്കി. ഫാം ടൂര് എന്ന കോര്പ്പറേറ്റീവ് സൊസൈറ്റിയുടെ നേതൃത്വം അനിലിനായിരുന്നു. 15 വര്ഷത്തിലേറെയായി ഇതിന്റെ പ്രസിഡന്റ് സ്ഥാനത്താണ്…
Read More » -
തിരുവനന്തപുരം നഗരസഭ: ബിജെപി കൗണ്സിലര് ജീവനൊടുക്കി; നേതൃത്വത്തെ പ്രതിക്കൂട്ടിലാക്കി ആത്മഹത്യാക്കുറിപ്പ് പുറത്ത്
തിരുവനന്തപുരം: തിരുവനന്തപുരം നഗരസഭാ കൗൺസിലറും ബിജെപി നേതാവുമായ അനിൽകുമാർ ജീവനൊടുക്കി. തിരുമല വാർഡ് കൗൺസിലറാണ്. തിരുമലയിലെ കൗൺസിലർ ഓഫീസിലാണ് ഇദ്ദേഹത്തെ തൂങ്ങിമരിച്ച നിലയിൽ കണ്ടെത്തിയത്. ബിജെപി നേതൃത്വത്തിനെതിരെ അനിൽകുമാർ എഴുതിയ ആത്മഹത്യാക്കുറിപ്പ് കണ്ടെത്തി. അനിൽകുമാർ ഭാരവാഹിയായ വലിയശാല ടൂർ സൊസൈറ്റിയിൽ സാമ്പത്തിക പ്രശ്നമുണ്ടായപ്പോൾ പാർട്ടി സഹായിച്ചില്ലെന്ന് കുറിപ്പിൽ കുറ്റപ്പെടുത്തുന്നു. താനും കുടുംബവും ഒരു പൈസ പോലും എടുത്തിട്ടില്ലെന്ന് കുറിപ്പിൽ പറയുന്നു. കോർപ്പറേഷനിൽ ബി ജെ പി സമരങ്ങൾക്ക് നേതൃത്വം നൽകിയിരുന്ന നേതാവാണ് മരിച്ച അനിൽകുമാർ.
Read More » -
എസ്എപി ക്യാമ്പിലെ ആദിവാസി യുവാവിന്റെ ആത്മഹത്യ; പോലീസുകാര്ക്കെതിരേ ഗുരുതര ആരോപണവുമായി കുടുംബം; പോലീസ് ട്രെയിനി കടുത്ത അധിക്ഷേപം നേരിട്ടു
തിരുവനന്തപുരം: പേരൂര്ക്കട എസ്എപി ക്യാംപിലെ പൊലീസുകാര്ക്കെതിരെ ഗുരുതര ആരോപണവുമായി ജീവനൊടുക്കിയ പൊലീസ് ട്രെയിനി ആനന്ദിന്റെ കുടുംബം. ആദിവാസി യുവാവായ ആനന്ദ് മേലുദ്യോഗസ്ഥരില് നിന്ന് കടുത്ത അധിക്ഷേപവും മാനസികപീഡനവും നേരിട്ടതായി കുടുംബം ആരോപിച്ചു. കുറ്റക്കാര്ക്കെതിരെ നടപടി ആവശ്യപ്പെട്ട് മുഖ്യമന്ത്രിക്ക് ഇന്ന് പരാതി നല്കും. പൊലീസ് ട്രെയിനിയായിരുന്ന വിതുര കരിപ്പാലം അരവിന്ദ് ഭവനില് ആനന്ദിനെ എസ് എ പി ക്യാംപിലെ ബാരക്കിലാണ് തൂങ്ങി മരിച്ച നിലയില് കണ്ടെത്തിയത്. ആദിവാസി യുവാവിന്റെ ആത്മഹത്യയില് കടുത്ത ആരോപണങ്ങളാണ് കുടുംബം ഉയര്ത്തുന്നത്. രണ്ട് ദിവസം മുമ്പ് കൈ ഞരമ്പ് മുറിച്ച് ആത്മഹത്യയ്ക്ക് ശ്രമിച്ച ആനന്ദ് ചികില്സയിലിരിക്കെയാണ് തൂങ്ങി മരിച്ചത്. മകന്റെ മരണത്തില് കുടുംബം ദുരൂഹത ആരോപിക്കുന്നു. ഹവില്ദാര്മാര് ആനന്ദിനോട് മോശമായി പെരുമാറിയെന്ന് ക്യാംപിലെ ഉദ്യോഗസ്ഥന് വെളിപ്പെടുത്തുന്ന ശബ്ദ സന്ദേശം പ്രചരിക്കുന്നുണ്ട്. പരിശീലനത്തിനിടയിലുളള ശിക്ഷകളും പരിഹാസവും ആനന്ദിനെ തളര്ത്തിയിരുന്നുവെന്നും സഹപ്രവര്ത്തകര് ആരോപിക്കുന്നു. family-alleges-harassment-in-police-trainee-suicide-case
Read More » -
ലൈറ്റ് ഡിം ചെയ്യാന് ആവശ്യപ്പെട്ടു; യുവാവിന്റെ തലയടിച്ചു പൊട്ടിച്ച് സ്വകാര്യ ബസ് ഡ്രൈവര്; ഗുണ്ടായിസത്തിനെതിരേ കളമശേരിയില് നാട്ടുകാരുടെ വന്പ്രതിഷേധം
കൊച്ചി: ഹെഡ്ലൈറ്റ് ഡിം ചെയ്യാന് ആവശ്യപ്പെട്ട യുവാവിന്റെ തല ഇരുമ്പ് ലിവര് കൊണ്ട് ബസ് ഡ്രൈവര് അടിച്ചുപൊട്ടിച്ചു. ബസ് ഡ്രൈവര്ക്കെതിരെ കളമശേരിയില് നാട്ടുകാരുടെ വന് പ്രതിഷേധം. മൂന്ന് മണിക്കൂറിലേറെ ബസ് വളഞ്ഞിട്ട നാട്ടുകാര്ക്കിടയില് നിന്ന് അര്ധരാത്രിയോടെ നാടകീയമായാണ് ഡ്രൈവറെ പൊലീസ് കസ്റ്റഡിയിലെടുത്തത്. എറണാകുളത്തുനിന്ന് ബെംഗളൂരുവിലേക്കു പോവുകയായിരുന്ന സൂര്യ എന്ന ബസിന്റെ ഡ്രൈവറാണ് തൃശൂര് വെള്ളിക്കുളങ്ങര സ്വദേശി ജിജോ ജോര്ജിനെ (46) ആക്രമിച്ചത്. സംഭവവുമായി ബന്ധപ്പെട്ട് ആലപ്പുഴ ചേര്ത്തല എഴുപുന്ന സ്വദേശി അനുഹര്ഷ് ജനാര്ദനനെ (24) പൊലീസ് അറസ്റ്റ് ചെയ്തു. വ്യാഴം രാത്രി കളമശേരി അപ്പോളോ ജംക്ഷനില് വച്ചായിരുന്നു സംഭവങ്ങളുടെ തുടക്കം. മറ്റൊരു ബസ് കാത്തുനില്ക്കുകയായിരുന്ന ജിജോ, കണ്ണഞ്ചിപ്പിക്കുന്ന ലൈറ്റ് ഇട്ടുവന്ന ബസ് ഡ്രൈവറോട് ഡിം ചെയ്യാന് ആവശ്യപ്പെട്ടതാണ് സംഘര്ഷത്തിനിടയാക്കിയത്. ഡ്രൈവര് സീറ്റില്നിന്നു ലിവറുമായി ഇറങ്ങി ജിജോയെ ആക്രമിക്കുന്നത് കണ്ട് സംഭവ സ്ഥലത്തുണ്ടായിരുന്ന ലോറി ഡ്രൈവര്മാര് ഓടിയെത്തി. ഇതോടെ ഇവര്ക്കു നേരെയും ബസ് ഡ്രൈവര് ആക്രമണം അഴിച്ചുവിട്ടു. ഇതേതുടര്ന്ന് നാട്ടുകാര് സംഘടിക്കുന്നതു കണ്ട്…
Read More » -
എന്റെ നെഞ്ചത്തോട്ട് കയറുന്നത് എന്തിന്? ആരോപണങ്ങള് സിപിഎം അന്വേഷിക്കട്ടെയെന്ന് വി.ഡി. സതീശന്; പ്രതിപക്ഷ നേതാവിന് പങ്കുണ്ടെന്ന് കരുതുന്നില്ലെന്ന് എംഎല്എ ഉണ്ണിക്കൃഷ്ണന്; ഷാജഹാനെതിരേ നിയമ നടപടി
തിരുവനന്തപുരം: സിപിഎം നേതാവ് കെ ജെ ഷൈനിന്റെ ആരോപണങ്ങളില് പ്രതികരിച്ച് പ്രതിപക്ഷ നേതാവ് വിഡി സതീശന്. എന്തിനാണ് ഏതൊരു പ്രശ്നം വന്നാലും തന്റെ നെഞ്ചത്തോട്ട് കേറുന്നതെന്നും ഈ പ്രശ്നത്തില് ആദ്യം സിപിഎം അന്വേഷിക്കട്ടെയെന്നും വി ഡി സതീശന് മാധ്യമങ്ങളോട് പറഞ്ഞു. കോണ്ഗ്രസുകാര്ക്കെതിരെ വ്യാപകമായ പ്രചരണം സിപിഎം ഹാന്ഡിലുകള് നടത്തിയിരുന്നു. അതുകൊണ്ടുതന്നെ ഈ സംഭവം കോണ്ഗ്രസ് ഹാന്ഡിലുകളിലും ഉണ്ടായേക്കും. സിപിഎം ഹാന്ഡിലുകള് ഒരു മാന്യതയും കഴിഞ്ഞ ഒരു മാസക്കാലമായി കാണിച്ചിട്ടില്ലല്ലോ ഇപ്പോള് നിലനില്ക്കുന്ന സിപിഎം- കോണ്ഗ്രസ് സംഘര്ഷത്തിന്റെ ഭാഗമായി കോണ്ഗ്രസ് ഹാന്ഡിലുകളിലും ഇതുസംബന്ധിച്ച വാര്ത്തകള് ഉണ്ടായേക്കാം. പക്ഷേ അതൊന്നും തന്റെ തലയില് കൊണ്ടിടാന് ശ്രമിക്കണ്ടെന്നും വിഡി സതീശന് പറഞ്ഞു. സ്ത്രീ സംരക്ഷണത്തിന് പ്രാധാന്യം കൊടുക്കുന്നതുകൊണ്ടാണ് ഇത്തരത്തിലുള്ള വിഷയങ്ങള് കോണ്ഗ്രസിന് മുന്നിലെത്തിയപ്പോള് കൃത്യമായ നടപടിയെടുത്തത്. കെ ജെ ഷൈനുമായി ബന്ധപ്പെട്ട വാര്ത്ത എങ്ങനെയാണ് പുറത്ത് പോയതെന്ന ഉണ്ണികൃഷ്ണന് എംഎല്എയുടെ പ്രസ്താവനയിലുണ്ട്. ഇക്കാര്യം സിപിഎം ആണ് അന്വേഷിക്കേണ്ടതെന്നും അദ്ദേഹം പറഞ്ഞു. അതേസമയം, സൈബര് ആക്രമണത്തിന് പിന്നില്…
Read More » -
മൂക്കറ്റം കടം, പുഴയില് മുങ്ങി മരിച്ചെന്ന് വരുത്താന് നാടകം, രണ്ടാഴ്ച നീണ്ട രക്ഷാപ്രവര്ത്തനം; ബിജെപി നേതാവിന്റെ മകന് പിടിയില്
ഭോപ്പാല്: പത്ത് ദിവസത്തിലേറെ നീണ്ടുനിന്ന രക്ഷാപ്രവര്ത്തനം. മധ്യപ്രദേശിലെ കാളിസിന്ധ് നദിയില് പോലീസും സംസ്ഥാന ദുരന്തനിവാര സേനയും മറ്റു സംവിധാനങ്ങളും 20 കിലോമീറ്ററോളം പരിധിയില് അരിച്ചുപെറുക്കി. പിന്നാലെ രക്ഷാപ്രവര്ത്ത സംവിധാനങ്ങളെ മുഴുവന് അപഹാസ്യമാക്കിയ വലിയൊരു തട്ടിപ്പാണ് രണ്ടാഴ്ചയ്ക്ക് ശേഷം പുറത്ത് വന്നിരിക്കുന്നത്. 1.40 കോടി രൂപയുടെ കടത്തില്നിന്ന് രക്ഷപ്പെടുന്നതിനായി ബിജെപി നേതാവ് മഹേഷ് സോണിയുടെ മകന് വിശാല് സോണി സ്വന്തം മരണം വ്യാജമായി സൃഷ്ടിച്ചെടുക്കുകയായിരുന്നു. മധ്യപ്രദേശില് തിരച്ചില് തകൃതിയായി നടക്കുമ്പോള് ഈ സമയമത്രയും വിശാല് മഹാരാഷ്ട്രയില് ഒളിവില് കഴിയുകയായിരുന്നു. സെപ്റ്റംബര് 5-ന് കാളിസിന്ധ് നദിയില് ഒരു കാര് മുങ്ങിയതായി പോലീസിന് വിവരം ലഭിച്ചതോടെയാണ് ഈ നാടകീയ സംഭവങ്ങളുടെ തുടക്കം. മുങ്ങല് വിദഗ്ദ്ധരെത്തി വാഹനം പുറത്തെടുത്തു. എന്നാല് കാറില് ആരേയും കണ്ടെത്താനായില്ല. ബിജെപി നേതാവ് വിശാല് സോണിയുടേതാണെന്ന് കാറെന്ന് തിരിച്ചറിഞ്ഞതോടെ വലിയ തോതിലുള്ള രക്ഷാപ്രവര്ത്തനത്തിന് തുടക്കമായി. വിശാലിന്റെ പിതാവും ബിജെപി നേതാവുമായ മഹേഷ് സോണി രക്ഷാപ്രവര്ത്തനത്തില് അനാസ്ഥ ആരോപിച്ചതിനെ തുടര്ന്ന്, തിരിച്ചില് ഊര്ജിതമാക്കി. മൂന്ന്…
Read More » -
ഒപ്പം താമസിച്ചയാളുമായി കലഹം, കത്തിക്കുത്ത്; കാലിഫോര്ണിയയില് ഇന്ത്യന് ടെക്കി പോലീസിന്റെ വെടിയേറ്റ് മരിച്ചു
വാഷിങ്ടന്: കൂടെ താമസിക്കുന്നയാളെ കത്തികൊണ്ട് കുത്തിയ ഇന്ത്യക്കാരനെ പൊലീസ് വെടിവച്ചു കൊന്നു. ഹൈദരാബാദ് സ്വദേശിയായ മുഹമ്മദ് നിസാമുദ്ദീനെയാണ് (32) യുഎസ് പൊലീസ് വെടിവച്ചത്. സെപ്റ്റംബര് മൂന്നിനാണ് നിസാമുദ്ദീനെ പൊലീസ് വെടിവയ്ക്കുന്നത്. കഴിഞ്ഞ ദിവസമാണ് അമേരിക്കയിലുള്ള സുഹൃത്ത് നിസാമുദ്ദീന്റെ കുടുംബത്തെ ഇക്കാര്യം അറിയിച്ചത്. സാന്താക്ലാരയിലെ താമസസ്ഥലത്ത് ഒപ്പം താമസിക്കുന്നയാളെ കത്തികൊണ്ട് കുത്തിയെന്ന് വിവരം ലഭിച്ചതിനെ തുടര്ന്നാണ് സ്ഥലത്തെത്തിയതെന്ന് പൊലീസ് പറഞ്ഞു. ഒപ്പം താമസിക്കുന്ന ആള്ക്ക് ഗുരുതരമായ പരുക്കുകളുണ്ടായിരുന്നു. ഇതേതുടര്ന്ന് മുഹമ്മദ് നിസാമുദ്ദീനെ വെടിവച്ചെന്നും പൊലീസ് പ്രസ്താവനയില് പറഞ്ഞു. നാലു തവണ പൊലീസ് നിസാമുദ്ദീനെ വെടിവച്ചു. പ്രതിയെ പൊലീസ് പ്രാദേശിക ആശുപത്രിയിലേക്ക് മാറ്റിയെങ്കിലും പിന്നീട് മരണം സ്ഥിരീകരിച്ചു. പരുക്കേറ്റയാളെ മറ്റൊരു ആശുപത്രിയിലേക്ക് മാറ്റി. ഇപ്പോള് ചികിത്സയിലാണ്. അന്വേഷണം പുരോഗമിക്കുകയാണെന്നും കൂടുതല് കാര്യങ്ങള് പിന്നീട് പറയുമെന്നും പൊലീസ് അറിയിച്ചു. കംപ്യൂട്ടര് സയന്സില് ബിരുദാനന്തര ബിരുദം നേടിയ നിസാമുദ്ദീന് കാലിഫോര്ണിയയിലെ സാന്താ ക്ലാരയിലെ ഒരു ടെക് സ്ഥാപനത്തില് ജോലി ചെയ്യുകയായിരുന്നു. വംശീയപരമായ ഉപദ്രവങ്ങള്, ജോലിയില് നിന്ന് അന്യായമായി…
Read More »