Movie
-
പ്രണയ പശ്ചാത്തലത്തില് ഒരു ഫാമിലി ത്രില്ലര്; ‘നേരറിയും നേരത്ത്’ മേയ് 30 ന്
വേണി പ്രൊഡക്ഷന്സിന്റെ ബാനറില് എസ് ചിദംബരകൃഷ്ണന് നിര്മ്മിച്ച് രഞ്ജിത്ത് ജി.വി രചനയും സംവിധാനവും നിര്വ്വഹിച്ച ചിത്രം ‘നേരറിയും നേരത്ത് ‘മേയ് 30 ന് പ്രദര്ശനത്തിനെത്തുന്നു. ഒരു സമ്പന്ന കുടുംബത്തിലെ അംഗവും പ്രമുഖ വ്യവസായി രാഘവന് നമ്പ്യാരുടെ മകളുമാണ്, എംബിബിഎസ് വിദ്യാര്ത്ഥിനിയായ അപര്ണ. ഒരു മിഡില് ക്ലാസ്സ് ക്രിസ്ത്യന് കുടുംബത്തിലെ സണ്ണിയുമായി അപര്ണ തീവ്രമായ പ്രണയത്തിലാണ്. അതിനെ തുടര്ന്ന് പല ഭാഗത്തു നിന്നും എതിര്പ്പുകള് ഉണ്ടാകുന്നു. പെട്ടെന്ന് അശ്വിന് എന്നൊരു ചെറുപ്പക്കാരന് അവളുടെ ജീവിതത്തിലേക്ക് കടന്നു വരുന്നു. പിന്നെ അവള് നേരിടുന്നത് ഞെട്ടിക്കുന്ന ഒരു ദുരന്തമാണ്. അതിന് കാരണമായവരെ തന്റേതായ പുതിയ രീതികളിലൂടെ അപര്ണ നേരിടുന്നിടത്ത് കഥാഗതി കൂടുതല് സങ്കീര്ണ്ണവും ഉദ്വേഗവും നിറഞ്ഞതാകുന്നു. അഭിറാം രാധാകൃഷ്ണന്, ഫറാ ഷിബ്ല, സ്വാതിദാസ് പ്രഭു എന്നിവര് കേന്ദ്ര കഥാപാത്രങ്ങളെ അവതരിപ്പിക്കുമ്പോള് മറ്റു കഥാപാത്രങ്ങളെ എസ് ചിദംബരകൃഷ്ണന്, രാജേഷ് അഴിക്കോടന്, എ വിമല, ബേബി വേദിക, നിഷാന്ത് എസ്എസ്, സുന്ദരപാണ്ഡ്യന്, ശ്വേത വിനോദ് നായര്, അപര്ണ വിവേക്,…
Read More » -
‘ഇത് എന്നുടെ സോള് മേറ്റ്’; 15 വര്ഷത്തെ സൗഹൃദത്തിന് ഒടുവില് നടന് വിശാലും സായ് ധന്സികയും വിവാഹിതരാകുന്നു; ഓഡിയോ ലോഞ്ചിനിടെ അപ്രതീക്ഷിത പ്രഖ്യാപനം
പതിനഞ്ചുവര്ഷം നീണ്ട സൗഹൃദത്തിനൊടുവില് നടന് വിശാലും നടി സായ് ധന്സികയും വിവാഹിതരാവുന്നു. സായ് കേന്ദ്രകഥാപാത്രമായെത്തുന്ന ചിത്രം ‘യോഗി ഡാ’ യുടെ ഓഡിയോ ലോഞ്ച് ചടങ്ങിനിടെ നടി തന്നെയാണ് ഇക്കാര്യം സ്ഥിരീകരിച്ചത്. ഈ വർഷം ഓഗസ്റ്റ് 29-നാണ് വിശാലും സായ് ധൻസികയും വിവാഹിതരാവുന്നത്. അടുത്തിടെ ഒരു സ്വകാര്യമാധ്യമത്തിനു നല്കിയ അഭിമുഖത്തില് വിശാല് വിവാഹത്തെക്കുറിച്ചുള്ള സൂചന നല്കിയിരുന്നു. എന്നാല് വധുവിനെക്കുറിച്ച് കൂടുതല് വെളിപ്പെടുത്തലിനു തയ്യാറായിരുന്നില്ല. 35കാരിയായ ധൻസിക 2006ൽ റിലീസ് ചെയ്ത മാനത്തോടു മഴൈക്കാലം എന്ന സിനിമയിലൂടെ അഭിനയ രംഗത്തെത്തി. കബാലി, പേരാൺമൈ, പരദേശി തുടങ്ങിയ തമിഴ് ചിത്രങ്ങളിലെ പ്രകടനത്തിലൂടെ ശ്രദ്ധേയയാണ് ധൻസിക. ദുൽഖർ സൽമാൻ നായകനായി ബിജോയ് നമ്പ്യാർ സംവിധാനം ചെയ്ത ആന്തോളജി ചിത്രം ‘സോളോ’യിൽ ഒരു നായികയായി ധൻസിക മലയാള സിനിമയിലും സാന്നിധ്യം അറിയിച്ചിരുന്നു. എന്നാൽ ഇതുവരെയും വിശാലിന്റെ കൂടെ നടി അഭിനയിച്ചിട്ടില്ല.
Read More » -
‘ഓപ്പറേഷന് ബിന് ലാദന്’ അമേരിക്ക പാകിസ്താനെ അറിയിക്കാതിരുന്നത് എന്തുകൊണ്ട്? പാക് അതിര്ത്തി കടക്കുന്നതില് ബാരക് ഒബാമയുടെ വാര് കാബിനറ്റില് നടന്നത് രൂക്ഷമായ വാഗ്വാദം; ഹിലരി ക്ലിന്റണ് അനുകൂലിച്ചു, ജോ ബൈഡന് എതിര്ത്തു; അബോട്ടാബാദിലെ അണിയറക്കഥകള് വെളിപ്പെടുത്തി ഡോക്കുമെന്ററി
ന്യൂഡല്ഹി: പാകിസ്താന് കേന്ദ്രമാക്കിയുള്ള ഭീകരപ്രവര്ത്തനങ്ങള് പഹല്ഗാം ആക്രമണത്തോടെ വീണ്ടും മുഖ്യധാരയിലേക്കു വന്നതിനു പിന്നാലെ അബോട്ടാബാദില് ഒസാമ ബിന്ലാദനെ പിടികൂടിയ അമേരിക്കന് സൈനിക നീക്കത്തെ ആസ്പദമാക്കിയ നെറ്റ്ഫ്ളിക്സ് സീരീസും ചര്ച്ചയിലേക്ക്. 9/11 ആക്രമണങ്ങള്ക്ക് ശേഷം ലോകത്തിലെ ഏറ്റവും വലിയ ഭീകരനെ യുഎസ് സര്ക്കാര് എങ്ങനെ പിടികൂടിയെന്ന് വിവരിക്കുകയാണ് ‘അമേരിക്കന് മാന്ഹണ്ട്: ഒസാമ ബിന് ലാദന്’ എന്ന ഡോക്കുമെന്ററി പരമ്പര. 2001-ലെ ആക്രമണത്തിനും 2011-ല് പാകിസ്ഥാനിലെ അബോട്ടാബാദില് യുഎസ് സേനയുടെ കൈകളാല് ബിന് ലാദന് കൊല്ലപ്പെട്ടതിനും ഇടയിലുള്ള ദശാബ്ദത്തെ മൂന്ന് ഭാഗങ്ങളുള്ള പരമ്പര ഉള്ക്കൊള്ളുന്നു. ഇതില് സിഐഎ ഉദ്യോഗസ്ഥരും യുഎസ് പ്രസിഡന്റുമാരായ ജോര്ജ് ഡബ്ല്യു ബുഷിന്റെയും ബരാക് ഒബാമയുടെയും ഭരണകൂടങ്ങളിലെ പ്രധാന വ്യക്തികളും രംഗത്തു വരുന്നുണ്ട്. 2011 മെയ് രണ്ടിനു രാത്രി ബിന് ലാദന്റെ വസതിയില് റെയ്ഡ് നടത്താനുള്ള തീരുമാനത്തെക്കുറിച്ച് പാകിസ്താന് സര്ക്കാരിനെ അറിയിക്കാതിരിക്കാന് ഒബാമ തീരുമാനിച്ചതിന്റെ കാരണവും ഡോക്കുമെന്ററി ചുരുക്കത്തില് പരാമര്ശിക്കുന്നുണ്ട്. ഠ ബിന് ലാദന് വേട്ട അബോട്ടാബാദില് സെപ്റ്റംബര് 11ന് ഇരട്ട…
Read More » -
വർഷങ്ങൾക്കു ശേഷം മധുബാല വീണ്ടും മലയാളത്തിലേക്ക്, ഇന്ദ്രൻസ്- മധുബാല ചിത്രം “ചിന്ന ചിന്ന ആസൈ”യുടെ ഫസ്റ്റ് ലുക്ക് പോസ്റ്റർ പുറത്ത്
ഇന്ത്യൻ സിനിമയിൽ തന്നെ വൻ വിജയം കരസ്ഥമാക്കിയ റോജ എന്ന ചിത്രം റിലീസ് ചെയ്ത് മുപ്പത്തി മൂന്നു വർഷങ്ങൾക്കു ശേഷം പ്രശസ്ത സംവിധായകൻ മണിരത്നം തന്റെ ചിത്രത്തിലെ പ്രേക്ഷകർ ഏറ്റെടുത്ത ഗാനത്തിന്റെ പേരിൽ ഇറങ്ങാൻ പോകുന്ന മലയാള ചിത്രം മധുബാല – ഇന്ദ്രൻസ് ചിത്രം ചിന്ന ചിന്ന ആസൈയുടെ ഫസ്റ്റ് ലുക്ക് പോസ്റ്റർ റിലീസ് ചെയ്തു. പൂർണ്ണമായും വാരണാസിയിൽ ചിത്രീകരണം പൂർത്തിയായ ചിത്രത്തിന് ആശംസകൾ നൽകിയ മണിരത്നം ചിത്രം വൻ വിജയമാകട്ടെയെന്നും ആശംസിച്ചു. ബാബുജി പ്രൊഡക്ഷൻസിന്റെ ബാനറിൽ അഭിജിത് ബാബുജിയാണ് ചിത്രത്തിന്റെ നിർമ്മാണം നിർവഹിക്കുന്നത്. ഏറെ ശ്രദ്ധ നേടിയ ഹ്രസ്വചിത്രം ‘എന്റെ നാരായണിക്ക്’ ശേഷം വർഷാ വാസുദേവ് ആണ് ചിന്ന ചിന്ന ആസൈയുടെ രചനയും സംവിധാനവും നിർവഹിക്കുന്നത്. മലയാളത്തിൽ കുറെ വർഷക്കാലത്തെ ഇടവേളക്കു ശേഷമാണ് ശക്തമായ കേന്ദ്ര കഥാപാത്രത്തിൽ മധുബാല അഭിനയിക്കുന്നത്. ഗോവിന്ദ് വസന്തയാണ് ചിത്രത്തിന്റെ സംഗീത സംവിധാനം നിർവഹിക്കുന്നത്. ചിന്ന ചിന്ന ആസൈയുടെ മറ്റു അണിയറപ്രവർത്തകർ: ഛായാഗ്രഹണം : ഫയിസ്…
Read More » -
മീനാക്ഷി ഇപ്പോള് ഡോക്ടര്; ആസ്റ്റര് മെഡ്സിറ്റിയില് ജോലി; മകളെക്കുറിച്ചുള്ള സന്തോഷം പങ്കുവച്ച് നടന് ദിലീപ്; ‘വീട്ടില് സ്ഥിര വരുമാനം ഉള്ളത് അവള്ക്കു മാത്രം; പഠനവും ജോലിയും ഒരുമിച്ചു കൊണ്ടുപോകുന്നു; പ്രതിസന്ധിയില് അവളായിരുന്നു എന്റെ ബലം’
മകള് മീനാക്ഷി ഡോക്ടറായി സേവനം അനുഷ്ടിച്ച് തുടങ്ങിയെന്ന് നടന് ദിലീപ്. പുതിയ സിനിമയായ ‘പ്രിന്സ് ആന്ഡ് ഫാമിലി’യുടെ പ്രമോഷന് പരിപാടിക്കിടെയാണ് മീനാക്ഷിയ്ക്ക് ജോലി കിട്ടിയതിനെ കുറിച്ച് ദിലീപ് സംസാരിച്ചത്. മെഡിസിന് പഠനം പൂര്ത്തിയാക്കിയ മീനാക്ഷി ഇപ്പോള് എന്ത് ചെയ്യുന്നുവെന്ന അവകതാരക ചോദ്യത്തോടാണ് നടന് പ്രതികരിച്ചത്. മീനാക്ഷി ആസ്റ്റര് ഹോസ്പിറ്റലില് ജോലി ചെയ്യുകയാണെന്നും വീട്ടിലൊരു ഡോക്ടര് ഉള്ളതിനാല് ഇടയ്ക്കിടയ്ക്ക് ആശുപത്രിയില് പോകാമെന്നും ദിലീപ് പറഞ്ഞു. അഭിമാനമുള്ള കാര്യം എന്താണെന്ന് വച്ചാല് ഞങ്ങളുടെ വീട്ടില് മാസവരുമാനമുള്ളത് അവള്ക്ക് മാത്രമാണ്. അതായത് സ്ഥിരവരുമാനം. അത് വലിയ സന്തോഷമുള്ളൊരു കാര്യമാണ്. പിന്നെ അവള് പഠനവും ജോലിയുമെല്ലാം ഒരുമിച്ച് കൊണ്ടുപോവുകയാണ് എന്നാണ് ദിലീപ് പറയുന്നത്. ഡെര്മറ്റോളജിയിലാണ് മീനാക്ഷി സ്പെഷ്യലൈസ് ചെയ്തിരിക്കുന്നത്. ചെന്നൈ ശ്രീരാമചന്ദ്ര മെഡിക്കല് കോളജില് നിന്നാണ് മീനാക്ഷി എംബിബിഎസ് പൂര്ത്തിയാക്കിയത്. ബിരുദാദാന ചടങ്ങിന്റെ ചിത്രങ്ങളെല്ലാം വൈറലായിരുന്നു. ദിലീപും കാവ്യ മാധവനും എല്ലാം ചടങ്ങില് പങ്കെടുത്തിരുന്നു. അതേസമയം, സിനിമയിലേക്ക് അരങ്ങേറിയിട്ടില്ലെങ്കിലും മോഡലിങ്ങില് സജീവമാണ് മീനാക്ഷി. സംവിധായകന് അല്ഫോണ്സ് പുത്രന്റെ…
Read More » -
‘അന്ന് അമ്മയുടെ രണ്ടാം വിവാഹം ഉള്ക്കൊള്ളാനായില്ല; ഇന്ന് എനിക്കത് മനസിലാകും’; കുട്ടിക്കാലത്തെ അനുഭവങ്ങള് തുറന്നു പറഞ്ഞ് നടി ലിജോമോള്; ‘പത്തുവര്ഷം അച്ഛനുണ്ടായില്ല, അവരുടെ കുടുംബക്കാര് ഒറ്റപ്പെടുത്തി; അന്നത്തെ അനുഭവങ്ങളാണ് ഇന്നെന്റെ കരുത്ത്’
കൊച്ചി: മഹേഷിന്റെ പ്രതികാരമെന്ന സിനിമയിലൂടെ മലയാളികള്ക്കു സുപരിചിതയായ നടി ലിജോ മോള് കുട്ടിക്കാലത്തെ അനുഭവം ആദ്യമായി തുറന്നു പറയുന്നു. ചെറുപ്രായത്തില്തന്നെ അച്ഛന് മരിച്ചെന്നും പിന്നീടു പത്തു വയസില് രണ്ടാനച്ഛന് വന്നത് ആദ്യം ഉള്ക്കൊള്ളാന് കഴിഞ്ഞില്ലെന്നും ലിജോമോള് പറഞ്ഞു. പത്താം വയസിലാണ് അമ്മ രണ്ടാമതും വിവാഹം കഴിച്ചത്. അന്ന് തനിക്ക് അത് ബുദ്ധിമുട്ടായിരുന്നുവെന്നും എന്നാല് ഇന്ന് അമ്മ എന്തുകൊണ്ട് അന്ന് അങ്ങനെ ഒരു തീരുമാനമെടുത്തു എന്ന് മനസിലാവുന്നുണ്ടെന്നും ലിജോ മോള് പറഞ്ഞു. ധന്യ വര്മക്ക് നല്കിയ അഭിമുഖത്തിലാണ് ലിജോ മോള് മനസ് തുറന്നത്. ‘ഒന്നര വയസുള്ളപ്പോഴാണ് അച്ഛന് മരിച്ചത്. അപ്പോള് അമ്മ ഗര്ഭിണിയായിരുന്നു. എനിക്ക് പത്ത് വയസും അനിയത്തിക്ക് എട്ട് വയസുമുള്ളപ്പോളാണ് അമ്മ വേറെ കല്യാണം കഴിക്കുന്നത്. രണ്ടാനച്ഛന് എന്ന് പറയാന് എനിക്ക് താല്പര്യമില്ല. ഇച്ചാച്ചന് എന്നാണ് ഞങ്ങള് വിളിക്കുന്നത്. എനിക്ക് ആ സമയത്ത് അത് അംഗീകരിക്കാന് കുറച്ച് ബുദ്ധിമുട്ടായിരുന്നു. കാരണം എന്റെ ആദ്യത്തെ പത്ത് വര്ഷത്തില് അച്ഛന് എന്ന് പറയുന്ന കാര്യം…
Read More » -
ഷാരൂഖ് എനിക്കൊപ്പം അഭിനയിക്കാന് ഭയക്കുന്നു! കിംഗ് ഖാനെതിരെ പരസ്യമായി രംഗത്ത് വന്ന ആമിര്
ബോളിവുഡ് എന്നും അനേകം താരയുദ്ധങ്ങള്ക്ക് വേദിയായ ഇന്ഡസ്ട്രിയാണ്. എന്നാല് രണ്ട് സൂപ്പര്താരങ്ങള്ക്ക് ഒരിക്കലും സുഹൃത്തുക്കളായി തുടരാന് കഴിയില്ലെന്ന വിശ്വാസത്തിന് എന്നും അടിവരയിട്ടത് സമകാലികരായ ഷാരുഖ് ഖാന്റെയും ആമിര് ഖാന്റെയും വര്ഷങ്ങള് നീണ്ടുനിന്ന ശീതസമരമാണ്. റൊമാന്റിക് ചിത്രങ്ങളിലൂടെ ജനകീയനായി മാറിയ കിംഗ് ഖാനും, വ്യത്യസ്തതയിലൂടെ സിനിമ പ്രേമികളുടെ മതിപ്പ് നേടിയ മിസ്റ്റര് പെര്ഫെക്ഷനിസ്റ്റും എന്നും ബദ്ധവൈരികളായിരുന്നു. മുന്പൊരിക്കല്, ഐ.ബി.എന്.7ന് നല്കിയ അഭിമുഖത്തില്, ഷാരൂഖിന് തന്നോടൊപ്പം അഭിനയിക്കാന് ഭയമാണെന്ന് വരെ ആമിര് അവകാശപ്പെടുകയുണ്ടായി. ഷാരൂഖിനെതിരേ പരസ്യമായി രംഗത്ത് വന്ന ആമിര് 2008ല് ഏതാനും ആഴ്ചകളുടെ വ്യത്യാസത്തില് ആമിര് ഖാന് നായകനായ ഗജിനിയും, ഷാരൂഖ് ഖാന്റെ റബ് നെ ബനാ ദി ജോഡിയും, തീയറ്ററുകളില് എത്തിയിരുന്നു. തന്റെ സ്വപ്ന ചിത്രത്തിന്റെ പ്രൊമോഷന് ഇന്റര്വ്യൂവില്, കിംഗ് ഖാനെതിരെ പരസ്യമായി രംഗത്ത് വന്ന് മിസ്റ്റര് പെര്ഫെക്ഷനിസ്റ്റ് പ്രേക്ഷകരെയും മാധ്യമങ്ങളെയും ഒരുപോലെ ഞെട്ടിച്ചു. ബോളിവുഡിന്റെ ഏറ്റവും വലിയ ബ്രാന്ഡ് താന് ആണെന്ന ഷാരൂഖിന്റെ അവകാശവാദത്തിന് മറുപടി പറയുകയായിരുന്നു ആമിര്. എസ്.ആര്.കെ.യുടെ…
Read More » -
:പ്രണവ് മോഹൻലാൽ- രാഹുൽ സദാശിവൻ ഹൊറർ ത്രില്ലർ ‘ഡീയസ് ഈറേ’ ഫസ്റ്റ് ലുക്ക് പുറത്ത്
പ്രണവ് മോഹൻലാലിനെ നായകനാക്കി രാഹുൽ സദാശിവൻ രചിച്ചു സംവിധാനം ചെയ്ത ‘ഡീയസ് ഈറേ’ എന്ന ഹൊറർ ത്രില്ലർ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്. ചക്രവർത്തി രാമചന്ദ്ര, എസ്. ശശികാന്ത് എന്നിവർ ചേർന്ന് നൈറ്റ് ഷിഫ്റ്റ് സ്റ്റുഡിയോസ്, വൈ നോട്ട് സ്റ്റുഡിയോസ് എന്നീ ബാനറുകളിലാണ് ചിത്രം നിർമ്മിച്ചിരിക്കുന്നത്. വമ്പൻ പ്രേക്ഷക- നിരൂപക പ്രശംസ നേടിയ ‘ഭ്രമയുഗം’ എന്ന മമ്മൂട്ടി ചിത്രത്തിന്റെ വിജയത്തിന് ശേഷം, രാഹുൽ സദാശിവൻ- നൈറ്റ് ഷിഫ്റ്റ് സ്റ്റുഡിയോസ് ടീം ഒന്നിക്കുന്ന ചിത്രം കൂടിയാണ് ‘ഡീയസ് ഈറേ’. ബ്ലാക്ക് ആൻഡ് വൈറ്റ് ഫോർമാറ്റിൽ ഒരുക്കിയ ഹൊറർ ത്രില്ലർ ഭ്രമയുഗത്തിന് ശേഷം, ഹൊറർ ത്രില്ലർ എന്ന സിനിമാ വിഭാഗത്തിന്റെ സാദ്ധ്യതകൾ ഇനിയും കൂടുതലായി ഉപയോഗിക്കുന്ന ചിത്രമായാണ് ‘ഡീയസ് ഈറേ’ ഒരുക്കുന്നത്. ‘ഡീയസ് ഈറേ ’യുടെ കഥാപശ്ചാത്തലം സംബന്ധിച്ച വിവരങ്ങൾ ഒന്നും തന്നെ ഇതുവരെ പുറത്തുവിട്ടിട്ടില്ല. ക്രോധത്തിൻ്റെ ദിനം എന്ന അർത്ഥം വരുന്ന ‘ദി ഡേ ഓഫ് റാത്ത്’ എന്നതാണ് ചിത്രത്തിൻ്റെ ടൈറ്റിൽ…
Read More » -
വീണ്ടും ഞെട്ടിച്ച് വിജയരാഘവൻ, ഓൾ ഇന്ത്യ ലെവലിൽ തരംഗമായി ‘ഔസേപ്പിൻ്റെ ഒസ്യത്ത്’; ഒടിടിയിൽ ടോപ്പ് ടെന്നിൽ ഇടംപിടിച്ച് വിജയക്കുതിപ്പ്
പ്രേക്ഷക മനസ്സുകളെ വേട്ടയാടുന്ന മറക്കാനാവാത്തൊരു കാഴ്ചാനുഭവമായി തിയേറ്ററുകളിൽ ഏവരും ഏറ്റെടുത്ത ‘ഔസേപ്പിൻ്റെ ഒസ്യത്ത്’ ഇപ്പോൾ ഒടിടി പ്ലാറ്റഫോമിലും തരംഗമായി മാറുകയാണ്. മെയ് 9 മുതൽ ആമസോൺ പ്രൈമിൽ സ്ട്രീമിംഗ് ആരംഭിച്ച ചിത്രത്തിന് ഗംഭീര പ്രേക്ഷക നിരൂപക പ്രതികരണമാണ് ലഭിക്കുന്നത്. സ്ട്രീമിങ് ആരംഭിച്ച ദിവസം മുതൽ ഓൾ ഇന്ത്യ തലത്തിൽ തന്നെ ട്രെൻഡിങ് ആയ ടോപ് 10 ചിത്രങ്ങളുടെ ലിസ്റ്റിൽ ഈ ചിത്രവും ഇടം പിടിച്ചു. സോഷ്യൽ മീഡിയയിൽ നിന്നും മികച്ച പ്രതികരണമാണ് ചിത്രത്തിന് ലഭിക്കുന്നത്. വ്യത്യസ്തമായ കഥ പശ്ചാത്തലവും ഉദ്വേഗ ജനകവും അതോടൊപ്പം റിയലിസ്റ്റിക്കുമായ കഥ പറച്ചിലുമാണ് ഈ ചിത്രത്തിന്റെ ഹൈലൈറ്റ് എന്ന് പ്രേക്ഷകർ ഒരുപോലെ പറയുന്നു. അഭിനേതാക്കളുടെ ഗംഭീര പ്രകടനവും കയ്യടി നേടുന്നുണ്ട്. പ്രകടനമികവിൽ വിജയരാഘവനും ദിലീഷ് പോത്തനും കലാഭവൻ ഷാജോണും വിസ്മയിപ്പിച്ച ചിത്രം ഇടുക്കിയിലെ പീരുമേട്ടിൽ പ്രതികൂല സാഹചര്യങ്ങളോടും വന്യമൃഗങ്ങളോടുമൊക്കെ മല്ലിട്ട് ഉണ്ടാക്കിയെടുത്ത നൂറ് ഏക്കറോളം വരുന്ന ഭൂസ്വത്തിൻറെ ഉടമയായ ഔസേപ്പിൻറേയും മക്കളുടേയും കഥയാണ് പറയുന്നത്. ഒരേ സമയം…
Read More » -
ഹൈബ്രിഡ് ത്രീഡി ചിത്രം ‘ലൗലി’ നാളെ മുതൽ തിയേറ്ററുകളിൽ
ഈച്ചയും മനുഷ്യരുമായുള്ള അപൂർവ്വമായൊരു ആത്മബന്ധത്തിൻ്റെ കഥയുമായെത്തുന്ന ഹൈബ്രിഡ് ത്രീഡി ചിത്രം ‘ലൗലി’ നാളെ മുതൽ തിയേറ്ററുകളിൽ. മാത്യു തോമസിനെ നായകനാക്കി ദിലീഷ് കരുണാകരൻ സംവിധാനം ചെയ്യുന്ന ചിത്രത്തിൻ്റേതായി പുറത്തിറങ്ങിയ ടീസറും പാട്ടുകളുമൊക്കെ ഇതിനകം ഏറെ വൈറലായിട്ടുണ്ട്. ചിത്രത്തിൽ ഒരു ഈച്ചയാണ് നായികയായി എത്തുന്നത് എന്നതാണ് പ്രത്യേകത. വേനലവധിക്കാലത്ത് പ്രത്യേകിച്ച് കുട്ടികളേയും കുടുംബങ്ങളേയും ലക്ഷ്യമിട്ടുകൊണ്ടാണ് ഈ ത്രീഡി ചിത്രം എത്തുന്നത്. ഒരു ആനിമേറ്റഡ് ക്യാരക്ടർ മുഖ്യ കഥാപാത്രമായെത്തുന്ന ഹൈബ്രിഡ് ചിത്രം എന്ന പ്രത്യേകതയും ‘ലൗലി’യ്ക്കുണ്ട്. ഹോളിവുഡിലും മറ്റും മുഖ്യധാരാ സിനിമാ താരങ്ങൾ തന്നെ ആനിമേറ്റഡ് ക്യാരക്ടറുകൾക്ക് ശബ്ദം നൽകുന്നതുപോലെ ഈ ചിത്രത്തിൽ നായികയായെത്തുന്ന ഈച്ചയ്ക്ക് ശബ്ദം കൊടുത്തിരിക്കുന്നത് ശിവാംഗി കൃഷ്ണകുമാറാണ്. ‘ടമാർ പഠാർ’ എന്ന ചിത്രത്തിന് ശേഷം ദിലീഷ് കരുണാകരൻ തിരക്കഥയൊരുക്കി സംവിധാനം ചെയ്യുന്നതാണ് ചിത്രം. സോൾട്ട് ആൻഡ് പെപ്പർ, ടാ തടിയാ, ഇടുക്കി ഗോൾഡ്, മായാനന്ദി തുടങ്ങിയ സിനിമകളിൽ ശ്യാം പുഷ്കരനൊപ്പം തിരക്കഥാ രചനയിൽ പങ്കാളിയായിരുന്നു ദിലീഷ്. സെമി ഫാൻറസി ജോണറിലെത്തുന്ന…
Read More »