പത്തനംതിട്ട: ഭര്‍തൃഗൃഹത്തില്‍ യുവതിയെ തൂങ്ങിമരിച്ചനിലയില്‍ കാണപ്പെട്ട സംഭവത്തില്‍ ഭര്‍ത്താവിനെ അറസ്റ്റ് ചെയ്തു. പുല്ലാട് കുറവന്‍കുഴി വേങ്ങനില്‍ക്കുന്നകാലായില്‍ സൂര്യയുടെ (25) ഭര്‍ത്താവ് പേക്കാവുങ്കല്‍ വീട്ടില്‍ വിഷ്ണു (29) വാണ് കോയിപ്രം പൊലീസിന്റെ പിടിയിലായത്. ഇയാള്‍ക്കെതിരെ സ്ത്രീധനപീഡനക്കുറ്റം ചുമത്തി. കഴിഞ്ഞ ഞായാറാഴ്ച പകല്‍ മൂന്ന് മണിയോടെയാണ് വിഷ്ണുവിന്റെ വീട്ടിലെ കിടപ്പുമുറിയില്‍ തൂങ്ങിമരിച്ച നിലയില്‍ സൂര്യയെ കണ്ടത്. കുമ്ബനാട്ടെ സ്വകാര്യ ആശുപത്രിയില്‍ എത്തിച്ചെങ്കിലും മരണപ്പെട്ടിരുന്നു.
