ബംഗളുരു: ഇരുപത്തൊന്നുകാരനായ മലയാളി യുവാവിനെ ബംഗളുരുവില്‍ മരിച്ച നിലയില്‍ കണ്ടെത്തി. തലശ്ശേരി ചൊക്ലി മേക്കുന്ന് ചേറ്റുകുഴിയില്‍ ചന്ദ്രന്റെയും ആനന്ദവല്ലിയുടെയും മകന്‍ അശ്വന്ത് ആണ് മരിച്ചത്.
ബംഗളുരുവിലെ എച്ച്.എസ്.ആര്‍. ലേഔട്ടിലെ താമസസ്ഥലത്താണ് അശ്വന്തിനെ മരിച്ച നിലയില്‍ കണ്ടെത്തിയത്. എട്ട് മാസത്തോളമായി ബൊമ്മനഹള്ളിയിലെ സ്വകാര്യ ഇലക്ട്രോണിക്സ് കമ്പനിയില്‍ ജീവനക്കാരനായിരുന്നു.
ആത്മഹത്യയാണെന്നാണ് നിഗമനം. മൃതദേഹം സെയ്ന്റ് ജോണ്‍സ് ആശുപത്രി മോര്‍ച്ചറിയില്‍. ശനിയാഴ്ച പോസ്റ്റ്മോര്‍ട്ടം നടത്തി മൃതദേഹം നാട്ടിലേക്കു കൊണ്ടുപോകും. സഹോദരി: പരേതയായ ആതിര.
