ഫേസ്ബുക്കിലൂടെ പരിചയപ്പെട്ട 17 കാരിയായ കാമുകിയെ കൂട്ടിക്കൊണ്ടുപോകാന്‍ വന്ന നാലംഗ സംഘത്തെ നാട്ടുകാര്‍ നന്നായി കൈകാര്യം ചെയ്തു വിട്ടു.
ഇന്ന് രാവിലെ കാഞ്ഞങ്ങാട് പുതിയവളപ്പ് കടപ്പുറത്താണ് സംഭവം അരങ്ങേറിയത്. തിരുവനന്തപുരം ജില്ലയിലെ ചിറയിന്‍കീഴ് നിന്നുള്ള സംഘമാണ് പെണ്‍കുട്ടിയെ കൂടെ കൊണ്ടുപോകാന്‍ വന്നത്.
ഈ നാലംഗ സംഘത്തിലെ 20 കാരനുമായി പെണ്‍കുട്ടി പ്രണയത്തിലായിരുന്നുവെന്ന് പറയുന്നു.
ഇന്നലെ സന്ധ്യയോടെ പുതിയവളപ്പ് കടപ്പുറത്ത് എത്തിയ ഇവർ പെണ്‍കുട്ടിയുടെ വീടും പരിസരവും ഏതാണെന്ന് ചോദിച്ചു മനസ്സിലാക്കി. രാത്രി കാറില്‍ തന്നെ കിടന്നുറങ്ങി ഇവർ. ഇന്നലെ മുതല്‍ പുതിയവളപ്പ് കടപ്പുറത്ത് ഈ കാര്‍ സംശയ സാഹചര്യത്തില്‍ നാട്ടുകാര്‍ കണ്ടതോടെ ഇന്ന് രാവിലെ പലരും കാറിന് ചുറ്റും കൂടി. കാര്യം തിരക്കിയപ്പോഴാണ് ഈ നാട്ടുകാരിയായ പെണ്‍കുട്ടിയുമായി സ്‌നേഹത്തിലാണെന്നും പെണ്‍കുട്ടി പറഞ്ഞതനുസരിച്ച് കൂട്ടിക്കൊണ്ടു പോകാന്‍ വന്നതാണെന്നും അവർ പറഞ്ഞത്.
അതേസമയം പെണ്‍കുട്ടിയെ വീട്ടുകാര്‍ തടഞ്ഞുവെച്ചിരിക്കുകയാണെന്നും അവര്‍ നാട്ടുകാരോട് പറഞ്ഞു. ഇതിനിടെയാണ് പെണ്‍കുട്ടിയെ തട്ടിക്കൊണ്ടുപോകാന്‍ വന്നവരാണെന്ന് പറഞ്ഞ് ചിലര്‍ അടി തുടങ്ങിയത്. അടി രൂക്ഷമായതോടെ ഈ നാൽവർ സംഘം ജീവനും കൊണ്ട് ഓടി രക്ഷപെട്ടു. പിന്നീട് ഇവർ പൊലീസ് സ്റ്റേഷനില്‍ എത്തിയെങ്കിലും പരാതിയൊന്നും നല്‍കിയില്ല.
