മുംബൈ-നവിമുംബൈ വാട്ടർ ടാക്‌സി സർവീസിന് ജനുവരിയിൽ തുടക്കമാകും

നെരൂൾ ടെർമിനലിൽനിന്ന് മുംബൈയിലേക്ക് വാട്ടർടാക്സി സർവീസ് ആരംഭിക്കുന്നതോടെ മുംബൈ-നവിമുംബൈ യാത്രാസമയം ഗണ്യമായി കുറയുമെന്നും റോഡുകളിലെ വാഹനത്തിരക്കും ലോക്കൽ ട്രെയിനുകളിലെ തിരക്കും കുറയുമെന്നും സിഡ്‌കോ എം.ഡി. സഞ്ജയ് മുഖർജി പറഞ്ഞു. നെരൂൾ മാതൃകയിൽ മുംബൈയിലെ ബാഹുച്ച ധക്ക, അലിബാഗിലെ മാംണ്ട്‌വ എന്നിവിടങ്ങളിലും വാട്ടർ പാസഞ്ചർ ടെർമിനലുകൾ നിർമിച്ചുവരികയാണ്.കേന്ദ്ര-സംസ്ഥാന ഏജൻസികൾ മുംബൈ പോർട്ട് ട്രസ്റ്റ്, സിഡ്‌കോ, മഹാരാഷ്ട്ര മാരിടൈം ബോർഡ് എന്നിവയുടെ സഹകരണത്തോടെയാണിത്. പദ്ധതി പൂർത്തിയാകുന്നതോടെ പതിനൊന്ന് നോട്ടിക്കൽ മൈൽ ദൂരംവരുന്ന നെരൂൾ ബാഹുച്ച ധക്ക യാത്ര മുക്കാൽ മണിക്കൂർകൊണ്ട് എത്തിച്ചേരാനാകുമെന്നതാണ് പ്രധാന നേട്ടം