കരാറില്ലാത്ത കല: ട്രംപുമായി സമാധാന ഉടമ്പടി ഒപ്പിടാന് ഇറാന്റെ നേതൃത്വത്തിന് കഴിയാത്തതിന്റെ 5 കാരണങ്ങള്; രാഷ്ട്രീയ- സൈനിക നേതൃത്വങ്ങള് രണ്ടു തട്ടില്; പരമോന്നത നേതാവിനെ തത്സമയം ബന്ധപ്പെടാനും കഴിയുന്നില്ല
ടെഹ്റാന്: ഇറാന് ചര്ച്ചാ മേശയിലേക്ക് എത്തിയത് തകര്ന്നടിഞ്ഞും രക്തം വാര്ന്നൊലിച്ചും കടുത്ത സമ്മര്ദത്തിലുമാണ്. പക്ഷേ, പരാജയപ്പെട്ട നിലയിലല്ല. ടെഹ്റാന്റെ സൈനിക ശൃംഖല തകര്ക്കപ്പെട്ടു. മുതിര്ന്ന നേതാക്കള് കൊല്ലപ്പെട്ടു. നഗരങ്ങള് വിറച്ചു. സമ്പദ്വ്യവസ്ഥ മുമ്പെങ്ങുമില്ലാത്തവിധം ഞെരുക്കത്തിലായി. മേഖലയിലുടനീളം സായുധ ശൃംഖലകളെ നിയന്ത്രിക്കുന്ന ടെഹ്റാന്റെ സ്വാധീനം ഇപ്പോഴുമുണ്ട്. അവര് നിയന്ത്രിക്കുന്നു. ചര്ച്ചകള് പരാജയപ്പെട്ടാല് അസ്ഥിരത നീട്ടിക്കൊണ്ടുപോകാനുള്ള ശക്തിയും അവര്ക്കുണ്ട്.
ഏതൊരു സമാധാന കരാറിനും യഥാര്ത്ഥ ഭീഷണി അമേരിക്കന് സമ്മര്ദ്ദമോ യുദ്ധക്കളത്തിലെ നഷ്ടങ്ങളോ ആകണമെന്നില്ല. അത് ഇറാന്റെ സ്വന്തം നേതൃത്വത്തിനുള്ളിലെ സംഘര്ഷങ്ങളുമാകാം. തകര്ന്ന ആശയവിനിമയവും, ബലഹീനരായി കാണപ്പെടുമെന്ന ഭയവും തീരുമാനങ്ങള് എടുക്കുന്നതില്നിന്ന് ഇറാനെ ഓരോ ദിവസവും തടയുന്നു.
ട്രംപുമായി ഒരു സമാധാന കരാറില് ഒപ്പിടാന് ഇറാന് കഴിയാത്തതിന്റെ അഞ്ച് കാരണങ്ങള് ഇതാ:
1. എന്തുകൊണ്ടാണ് ഇറാന്റെ പരമോന്നത നേതാവിനെ കാണാനില്ലാത്തത്?
ഇറാന്റെ രാഷ്ട്രീയ വ്യവസ്ഥയുടെ നെറുകയില് ചുരുക്കം ചിലര്ക്ക് മാത്രം ബന്ധപ്പെടാന് കഴിയുന്ന ഒരു നേതാവാണുള്ളത്. പിതാവിന്റെ വധത്തിന് ശേഷം അധികാരമേറ്റ മൊജ്തബ ഖമേനി ആറ് ആഴ്ചയിലേറെയായി ഒരു പൊതുവേദിയിലും പ്രത്യക്ഷപ്പെട്ടിട്ടില്ല. ചര്ച്ചാ പ്രതിനിധികള്ക്കും മുതിര്ന്ന കമാന്ഡര്മാര്ക്കും പോലും അദ്ദേഹത്തിലേക്ക് നേരിട്ട് പ്രവേശനമില്ലെന്ന് റിപ്പോര്ട്ടുകള് സൂചിപ്പിക്കുന്നു. ഇറാനില്, പരമോന്നത നേതാവിന്റെ അനുഗ്രഹമില്ലാതെ വലിയ ഒത്തുതീര്പ്പുകളൊന്നും നടക്കില്ല. ആ അധികാരം ഇല്ലാതിരിക്കുകയോ, വൈകുകയോ, അല്ലെങ്കില് അനിശ്ചിതത്വത്തിന്റെ പാളികള്ക്ക് പിന്നില് മറഞ്ഞിരിക്കുകയോ ചെയ്താല്, നാട്ടില് തീരുമാനമെടുക്കാന് അധികാരമില്ലാതെയാകാം ചര്ച്ചാ പ്രതിനിധികള് വിദേശത്ത് സംസാരിക്കുന്നത്.
2. ആണവ വിഷയത്തില് ഇറാന്റെ ജനറല്മാര് വഴങ്ങാന് വിസമ്മതിക്കുന്നത് എന്തുകൊണ്ട്?
ഇറാന്റെ സൈനിക സ്ഥാപനങ്ങള് ആണവ പരിപാടിയെ വെറുമൊരു നയമായല്ല, മറിച്ച് ദേശീയതയുടെ ഭാഗമായാണു കാണുന്നത്. ഉപരോധങ്ങളില് നിന്നും വിലക്കുകളില് നിന്നും ഇളവ് നല്കുന്നതിന് പകരമായി യുറേനിയം സമ്പുഷ്ടീകരണത്തിനുള്ള കടുത്ത നിയന്ത്രണങ്ങളും ഇറാന്റെ ശേഖരം മാറ്റുന്നതും അമേരിക്ക ആഗ്രഹിക്കുന്നു. വിപ്ലവ ഗാര്ഡിലെ കമാന്ഡര്മാര് ഈ ആവശ്യങ്ങള് ഇറാന്റെ പരിധിയിലേക്കുള്ള കടന്നുകയറ്റമായിട്ടാണു കാണുന്നത്.
ആഴ്ചകള് നീണ്ട യുദ്ധത്തിനു ശേഷം, തന്ത്രപരമായ ആയുധങ്ങള് ഇപ്പോള് ഉപേക്ഷിക്കുന്നത് കീഴടങ്ങലായി കാണപ്പെടുമെന്ന് വരേണ്യവിഭാഗത്തിലെ പലരും വിശ്വസിക്കുന്നു. യുദ്ധക്കളത്തിലെ പരാജയം ഉള്ക്കൊള്ളാന് കഴിയും. എന്നാല് ചര്ച്ചകളിലെ അപമാനം വിറ്റഴിക്കാന് പ്രയാസമാണ്. അമേരിക്ക ഏറ്റവും കൂടുതല് ആഗ്രഹിക്കുന്നത് കരാറിലെത്താനാണ്. കീഴങ്ങിക്കൊണ്ടുള്ള നയതന്ത്രം തോല്വിയെക്കാള് ഭയാനകമാണ്.
3. ഇറാന്റെ നയതന്ത്രജ്ഞരും സൈനിക നേതാക്കളും വ്യത്യസ്ത സന്ദേശങ്ങള് അയക്കുന്നത് എന്തുകൊണ്ട്?
ആഭ്യന്തര സമ്മര്ദ്ദത്തിന്റെ ഏറ്റവും വ്യക്തമായ സൂചനകളില് ഒന്ന് ആശയക്കുഴപ്പമാണ്. ഇറാന്റെ വിദേശകാര്യ മന്ത്രാലയവും സൈനിക നേതൃത്വവും തമ്മില് പരസ്പര ബന്ധമില്ലാത്ത അവസ്ഥയിലാണ്. ഉദ്യോഗസ്ഥര് പരസ്പരം വിരുദ്ധമായി സംസാരിക്കുകയും നിലപാടുകള് മാറ്റുകയും മുമ്പത്തെ സൂചനകള് പിന്വലിക്കുകയും ചെയ്യുന്നു. ചര്ച്ചകളില് നയതന്ത്രജ്ഞര് ഒരു കാര്യം പറഞ്ഞേക്കാം, എന്നാല് പിന്നീട് തീവ്രവാദികളോ കമാന്ഡര്മാരോ അത് അട്ടിമറിക്കും. ആരുടെ വാക്കിനാണ് വിലയെന്ന് ആര്ക്കും അറിയാത്തപ്പോള് സമാധാന ചര്ച്ചകള് കൂടുതല് കഠിനമാകും.
4. വ്യവസ്ഥയെ ഒരുമിച്ച് നിര്ത്താന് ശക്തനായ ഒരു ഇടനിലക്കാരന് ഇല്ലാത്തത് എന്തുകൊണ്ട്?
എതിരാളികളായ വിഭാഗങ്ങളെ ഒന്നിപ്പിക്കാനും തര്ക്കങ്ങള് പരിഹരിക്കാനും സമവായമുണ്ടാക്കാനും കഴിയുന്ന തിരശീലയ്ക്ക് പിന്നിലെ വ്യക്തികളെയാണ് ഇറാന്റെ രാഷ്ട്രീയ വ്യവസ്ഥ കാലങ്ങളായി ആശ്രയിച്ചിരുന്നത്. എന്നാല് നിലവില് ആ റോള് ഇല്ലാതെ പോയിരിക്കുന്നു. സുരക്ഷയും നയതന്ത്രവും ഏകോപിപ്പിക്കേണ്ട സുപ്രീം നാഷണല് സെക്യൂരിറ്റി കൗണ്സില് മുന് വര്ഷങ്ങളെ അപേക്ഷിച്ച് ദുര്ബലമായി. ജനറല്മാരെയും പുരോഹിതന്മാരെയും രാഷ്ട്രീയക്കാരെയും ഒരേസമയം കൈകാര്യം ചെയ്യാന് കഴിവുള്ള ആദരണീയനായ ഒരു ഓപ്പറേറ്റര് ഇല്ലാതെ തര്ക്കങ്ങള് പരിഹരിക്കപ്പെടുന്നതിന് പകരം നീണ്ടുനില്ക്കുകയാണ്.
5. വാഷിംഗ്ടണിനേക്കാള് ഇറാന് സ്വന്തം ജനതയെ ഭയപ്പെടുന്നുണ്ടോ?
നേതാക്കള് ആഭ്യന്തരമായി യോജിച്ചാല് പോലും, അവര്ക്ക് ഏതൊരു ഒത്തുതീര്പ്പും ജനങ്ങള്ക്ക് മുന്നില് ന്യായീകരിക്കേണ്ടതുണ്ട്. പല ഇറാനികളും യുദ്ധം, ഉപരോധം, ഒറ്റപ്പെടല് എന്നിവയാല് തളര്ന്നിരിക്കുകയാണ്. മറ്റുള്ളവര്, പ്രത്യേകിച്ച് ഭരണകൂടത്തിന്റെ വിശ്വസ്തരായവര് അടിത്തറയും കരുത്തും പ്രതിരോധവുമാണ് പ്രതീക്ഷിക്കുന്നത്. വാഷിംഗ്ടണിന് നല്കുന്ന ഏതൊരു വിട്ടുവീഴ്ചയും ത്യാഗത്തിന് ശേഷമുള്ള കീഴടങ്ങലായി എതിരാളികള് ചിത്രീകരിക്കാന് സാധ്യതയുണ്ട്.
#IranNews, #TehranUpdates, #MiddleEastCrisis, #TrumpIran, #Geopolitics, #IranNuclearDeal, #WorldNewsMalayalam, #InternationalRelations, #PeaceTalks, #Khamenei, #GlobalPolitics, #DailyhuntNews, #BreakingNews, #IranUSA, #RegionalConflict
