‘അഞ്ച് വര്ഷമെങ്കിലും വിശ്വാസിയായിരിക്കണം എന്നില്ല’; വഖഫ് ഭേദഗതി നിയമത്തിന് ഭാഗിക സ്റ്റേ
ന്യൂഡല്ഹി: വഖഫ് ഭേദഗതി നിയമത്തിന് ഭാഗിക സ്റ്റേ നല്കി സുപ്രീംകോടതിയുടെ ഇടക്കാല ഉത്തരവ്. നിയമം പൂര്ണമായും സ്റ്റേ ചെയ്യാനാകില്ലെന്ന് കോടതി വ്യക്തമാക്കി. അഞ്ച് വര്ഷമെങ്കിലും വിശ്വാസിയായിരിക്കണം എന്ന ഭേദഗതി സ്റ്റേ ചെയ്തു. ജില്ലാ കളക്ടറുടെ അധികാരവും സ്റ്റേ ചെയ്തിട്ടുണ്ട്. മുസ്ലിം ഇതര വിശ്വാസിയെയും വഖഫ് ബോര്ഡ് സിഇഒ ആക്കാം. കേന്ദ്ര വഖഫ് ബോര്ഡുകളില് മുസ്ലിം ഇതര അംഗങ്ങളുടെ എണ്ണം നാലില് കൂടരുത്. സംസ്ഥാന ബോര്ഡില് മുസ്ലിം ഇതര അംഗങ്ങളുടെ എണ്ണം മൂന്നില് കൂടരുതെന്നും കോടതി വ്യക്തമാക്കി.
വഖഫ് നിയമ ഭേദഗതിക്കെതിരായ ഹര്ജിയിലാണ് സുപ്രീം കോടതിയുടെ നിര്ണായക ഉത്തരവ്. ചീഫ് ജസ്റ്റിസ് ബി ആര് ഗവായ്, ജസ്റ്റിസ് അഗസ്റ്റിന് ജോര്ജ് മസീഹ് എന്നിവരടങ്ങിയ ബെഞ്ചാണ് ഉത്തരവിറക്കിയത്. കഴിഞ്ഞ മെയ് 22 നാണ് നിയമത്തിന്റെ ഭരണഘടനാ സാധ്യത ചോദ്യം ചെയ്തുള്ള ഹര്ജികളില് സുപ്രീംകോടതി വിധി പറയാന് മാറ്റിയത്.
