Breaking NewsKerala
മകന് വിദേശത്തുനിന്ന് എത്തുന്നതിന് മണിക്കൂറുകള് മാത്രം ; കിടപ്പ് മുറിയില് ദമ്പതികള് പൊള്ളലേറ്റ് മരിച്ച നിലയില്; മരിച്ചത് മന്ത്രി എ കെ ശശീന്ദ്രന്റെ സഹോദരി പുത്രി, മൃതദേഹം കത്തിക്കരിഞ്ഞ നിലയില്
കണ്ണൂര്: മന്ത്രി എ കെ ശശീന്ദ്രന്റെ സഹോദരി പുത്രിയും ഭര്ത്താവും പൊള്ളലേറ്റ് മരിച്ച നിലയില് കണ്ടെത്തി. കണ്ണൂര് അലവിലില് വീട്ടില് പൊള്ളലേറ്റ് മരിച്ച നിലയില് കണ്ടെത്തിയത് കല്ലാളത്തില് പ്രേമരാജന്, എ കെ ശ്രീലേഖ ദമ്പതികളെയാണ്.
മകന് വിദേശത്തുനിന്ന് എത്തുന്നതിന് മണിക്കൂറുകള്ക്ക് മുമ്പാണ് ഇതുവരെയുടെയും മൃതദേഹം കണ്ടെത്തിയത്. പൊലീസ് അന്വേഷണം ആരംഭിച്ചിട്ടുണ്ട്. വീട്ടിലെ കിടപ്പ് മുറിയിലാണ് മരിച്ച നിലയില് കണ്ടെത്തിയത്. മന്ത്രി എ കെ ശശീന്ദ്രന്റെ സഹോദരിയുടെ മകളാണ് മരിച്ച എ കെ ശ്രീലേഖ. ഇന്ന് വൈകുന്നേരം 5 മണിയോടെയാണ് സംഭവം പുറത്തറിഞ്ഞത്.
ഡ്രൈവര് എത്തി വിളിച്ചിട്ടും വാതില് തുറക്കാത്തതിനെ തുടര്ന്ന് നോക്കിയപ്പോഴാണ് കത്തിക്കരിഞ്ഞ നിലയില് മൃതദേഹം കണ്ടെത്തിയത്. വളപട്ടണം പൊലീസ് സംഭവ സ്ഥലത്തെത്തി ഇന്ക്വസ്റ്റ് നടപടികള് പൂര്ത്തീകരിക്കുകയാണ്.
