എട്ടു തവണ ടച്ചിങ്സ് ചോദിച്ചു, പിന്നാലെ വാക്കുതര്ക്കം; തൃശൂരില് ബാര് ജീവനക്കാരനെ കുത്തിക്കൊന്നു
തൃശൂര്: പുതുക്കാട് ബാറില് ജീവനക്കാരനെ കുത്തിക്കൊലപ്പെടുത്തി. പുതുക്കാട് മേ ഫെയര് ബാറിലാണ് ടച്ചിങ്സ് നല്ക്കാത്തതിനെ തുടര്ന്നുണ്ടായ തര്ക്കത്തില് ജീവനക്കാരനായ എരുമപ്പെട്ടി നെല്ലുവായ് സ്വദേശി ഹേമചന്ദ്രനെ (61) കുത്തിക്കൊലപ്പെടുത്തിയത്. ഞായറാഴ്ച രാത്രിയുണ്ടായ സംഭവത്തില് അളകപ്പ നഗര് സ്വദേശി സിജോ ജോണിനെ പൊലീസ് പിടികൂടി.
11 മണിവരെ ബാര് ഉണ്ടായിരുന്നു. അതിനുശേഷം ജീവനക്കാരന് പുറത്തിറങ്ങിയ സമയം പ്രതി പിറകില് നിന്ന് കുത്തുകയായിരുന്നു. ഞായറാഴ്ച ഉച്ചയ്ക്ക് ബാറില് വച്ച് ടച്ചിങ്സ് കൊടുത്തതുമായി ബന്ധപ്പെട്ട് മറ്റു ജീവനക്കാരുമായി പ്രതി തര്ക്കമുണ്ടായിരുന്നു. ഏതാണ്ട് എട്ടു തവണ ടച്ചിങ്സ് ചോദിച്ചു. പിന്നാലെ വാക്കു തര്ക്കമുണ്ടായി. ജീവനക്കാര് പുറത്തിറങ്ങിയാല് കൊല്ലുമെന്ന് ഭീഷണി മുഴക്കിയ ശേഷം സിജോ ബാര് വിട്ട് പുറത്തേക്കുപോയി.
പിന്നീട് രാത്രി ബാര് പൂട്ടി പുറത്തേക്കിറങ്ങിയ ഹേമചന്ദ്രനെ പുറത്തുകാത്തുനിന്ന സിജോ കത്തികൊണ്ടു കഴുത്തില് കുത്തുകയായിരുന്നു. കൊലപാതാകത്തിന് ശേഷം സിജോ ഓടിരക്ഷപ്പെട്ടു. പൊലീസ് സിസിടിവി ദൃശ്യങ്ങളും മോഴികളുടെയും അടിസ്ഥാനത്തില് നടത്തിയ അന്വേഷണത്തിലാണ് പിടിയിലായത്
