ബെംഗളൂരു: കര്ണാടകയില് യുവതിക്ക് നേരെ നടന്ന ആള്ക്കൂട്ട ആക്രമണത്തില് ആറ് പേര് അറസ്റ്റില്. ബെംഗുളൂരുവിന് സമീപം തവരക്കെരെയിലെ മുസ്ലിം പള്ളിയുടെ മുറ്റത്ത് വെച്ചായിരുന്നു യുവതിയെ ആള്കൂട്ടം വിചാരണ ചെയ്ത് മര്ദിച്ചത്. യുവതിക്കെതിരെ ഭര്ത്താവ് സദാചാര പ്രശ്നം ആരോപിച്ചു പള്ളി കമ്മിറ്റിക്ക് പരാതി നല്കിയിരുന്നു.
യുവതിയെ പൈപ്പും വടിയും ഉപയോഗിച്ച് ആള്ക്കൂട്ടം മര്ദ്ദിക്കുന്ന രംഗങ്ങള് സമൂഹ മാധ്യമങ്ങളില് പ്രചരിച്ചിരുന്നു. ഇതിന് പിന്നാലെ യുവതി നല്കിയ പരാതിയുടെ അടിസ്ഥാനത്തിലായിരുന്നു ആറ് പേരെ അറസ്റ്റ് ചെയ്തത്. മുഹമ്മദ് നിയാസ് (32), മുഹമ്മദ് ഗൗസ്പീര് (45), ചാന്ദ് ബാഷ (35), ദസ്തഗീര് (24), റസൂല് ടി ആര് (42), ഇനായത്തുള്ള (51) എന്നിവരാണ് അറസ്റ്റിലായത്.
