തിരുവനന്തപുരം: വര്ക്കലയില് ഗൂഗിള് മാപ് നോക്കി സഞ്ചരിച്ച ടാക്സി കാര് പടിക്കെട്ടിലേക്കിറങ്ങി. കിളിത്തട്ട്മുക്ക് -വര്ക്കല ക്ഷേത്രം റോഡില് അഴകത്ത് വളവിന് മുന്പായി ഇന്നലെ വൈകീട്ട് 3.30ഓടെയായിരുന്നു സംഭവം. എറണാകുളത്ത് നിന്നെത്തിയ കാറാണ് അപകടത്തില്പ്പെട്ടത്. ഡ്രൈവര് മാത്രമാണ് കാറില് ഉണ്ടായിരുന്നത്.
കാറിന്റെ ഡ്രൈവര് ഗൂഗിള് മാപ് നിര്ദ്ദേശമനുസരിച്ച് റോഡിന്റെ വലതുഭാഗത്തേയ്ക്ക് തിരിക്കുകയും പടിക്കെട്ടിലേക്ക് ഇറങ്ങുകയുമായിരുന്നു. കാര് വേഗതയിലായതിനാല് നിയന്ത്രിക്കാനും കഴിഞ്ഞില്ല.റോഡില് നിന്നും വഴിമാറി മൂന്നു പടികളിറങ്ങിയാണ് കാര് നിന്നത്. സംഭവമറിഞ്ഞ് നാട്ടുകാരും പോലീസും സ്ഥലത്തെത്തി. റിക്കവറി വാന് ഉപയോഗിച്ച് കാര് മാറ്റി.
