തൃശൂര്‍: സ്റ്റുഡന്റ് പൊലീസ് കേഡറ്റിനെ പീഡിപ്പിച്ച കേസില്‍ ഗ്രേഡ് എസ്‌ഐ ചന്ദ്രശേഖരന്‍ പൊലീസ് കസ്റ്റഡിയില്‍. പ്ലസ് വണ്‍ വിദ്യാര്‍ഥിനിയാണ് തൃശൂര്‍ റൂറല്‍ വനിതാ പൊലീസില്‍ പരാതി നല്‍കിയത്. വിദ്യാര്‍ഥിനി ഒന്‍പതാം ക്ലാസില്‍ പഠിക്കുമ്പോഴാണ് സംഭവം. ചാപ്പാറ വിനോദസഞ്ചാരകേന്ദ്രത്തിനു സമീപം കാറില്‍വച്ച് പീഡിപ്പിച്ചെന്നാണ് പരാതി.
തനിക്കുണ്ടാകുന്ന മാനസിക പ്രയാസങ്ങളെ കുറിച്ച് സ്റ്റുഡന്റ് കൗണ്‍സിലറോട് സംസാരിക്കവേയാണ് പെണ്‍കുട്ടി ഇക്കാര്യം വെളിപ്പെടുത്തിയത്. കൂടതല്‍ വിവരങ്ങള്‍ ചോദിച്ചറിഞ്ഞപ്പോള്‍ പ്രതിയെ കുറിച്ചുള്ള വിവരം ലഭിക്കുകയും തുടര്‍ന്ന് റൂറല്‍ വനിതാ പൊലീസില്‍ പരാതിപ്പെടുകയുമായിരുന്നു.
ചന്ദ്രശേഖരനെതിരെ എഫ്‌ഐആര്‍ റജിസ്റ്റര്‍ ചെയ്ച പൊലീസ് കഴിഞ്ഞ ദിവസം തന്നെ ഇയാളെ കസ്റ്റഡിയിലെടുത്തു.
