കോട്ടയം: രാമപുരത്ത് സ്കൂട്ടർ ഓട്ടോറിക്ഷയിൽ തട്ടിയതിനെ തുടർന്ന് സ്കൂട്ടർ ഓടിച്ചിരുന്ന വീട്ടമ്മയെ കൈയ്യേറ്റം ചെയ്ത ഓട്ടോറിക്ഷ ഡ്രൈവറെ പോലീസ് അറസ്റ്റ് ചെയ്തു.
വെള്ളിലാപ്പിള്ളി സ്വദേശി അതുല്‍ ആണ് അറസ്റ്റിലായത്.കഴിഞ്ഞ ദിവസം വൈകുന്നേരം രാമപുരം ടൗണിൽ വച്ച്‌ രാമപുരം സ്വദേശിനിയായ വീട്ടമ്മയെ ചീത്ത വിളിക്കുകയും ആക്രമിക്കുകയുമായിരുന്നു.
വീട്ടമ്മ ഓടിച്ചിരുന്ന സ്കൂട്ടറും, അതുല്‍ ഓടിച്ചിരുന്ന ഓട്ടോറിക്ഷയും തമ്മില്‍ തട്ടിയിരുന്നു. ഇതിലുള്ള വിരോധം മൂലം ഇയാള്‍ വീട്ടമ്മയെ ചീത്തവിളിക്കുകയും, മർദ്ദിക്കുകയുമായിരുന്നു എന്ന് പൊലീസ് പറഞ്ഞു. അറസ്റ്റിലായ അതുലിനെ റിമാൻ്റ് ചെയ്തു.
