സൻഅ: യമനില്‍ അമേരിക്കയുടെയും ബ്രിട്ടന്റെയും സംയുക്ത ആക്രമണം. സൻആ,ഹുദൈദ തുടങ്ങി പത്തിടങ്ങളില്‍ ബോംബിട്ടു .
ഹൂതി ആക്രമണത്തെ കഴിഞ്ഞ ദിവസം യുഎൻ രക്ഷാസമിതി അപലപിച്ചതിന് പിന്നാലെയാണ് സൈനിക നടപടി.. ഇന്നലെ അര്‍ധരാത്രി ചേര്‍ന്ന ബ്രിട്ടീഷ് മന്ത്രിസഭാ യോഗത്തില്‍ ഹൂതികള്‍ക്കെതിരായ ആക്രമണ സാധ്യത സംബന്ധിച്ച്‌ പ്രധാനമന്ത്രി ഋഷി സുനക് വിശദീകരിച്ചതായി ബി.ബി.സി റിപ്പോര്‍ട്ട് ചെയ്തു.
ഹൂതികളുടെ പ്രധാന സൈനിക കേന്ദ്രങ്ങൾക്ക് നേരെയായിരുന്നു ആക്രമണം.. ആക്രമണത്തിൽ കനത്ത ആൾനാശമുണ്ടായതായാണ് റിപ്പോർട്ട്.അതേസമയം സംഭവം പശ്ചിമേഷ്യയെ യുദ്ധത്തിലേക്ക് നയിക്കുമെന്ന് ഇറാൻ പറഞ്ഞു.
