കോട്ടയം: കറുകച്ചാല്‍ തൊണ്ണശേരിയില്‍ ടോറസും ബൈക്കും കൂട്ടിയിടിച്ച്‌ യുവാവ് മരിച്ചു. പത്തനംതിട്ട മല്ലപ്പള്ളി പടുതോട് മേച്ചേരില്‍ വീട്ടില്‍ സജിയുടെ മകൻ അതുല്‍ (23) ആണ് മരിച്ചത്.
ചൊവ്വാഴ്ച രാവിലെ 7.45 ഓടുകൂടിയായിരുന്നു അപകടം.
അതുല്‍ സഞ്ചരിച്ച ബൈക്കില്‍ എതിര്‍ ദിശയില്‍ നിന്നും എത്തിയ ടോറസ് ലോറി ഇടിക്കുകയായിരുന്നു. ഇടിയുടെ ആഘാതത്തില്‍ ലോറിക്ക് അടിയിലേക്ക് ആണ് അതുല്‍ വീണത്.ലോറി ശരീരത്തിലൂടെ കയറിയിറങ്ങി. തല്‍ക്ഷണം മരണം സംഭവിക്കുകയായിരുന്നു.
സംഭവത്തില്‍ കറുകച്ചാല്‍ പോലീസ് കേസെടുത്തു.
