പാൽ നമ്മുടെ ഭക്ഷണത്തിന്റെ ഒരു പ്രധാന ഘടകമാണ്. ശരീരത്തിന്റെ ശരിയായ വളർച്ചയ്ക്ക് പാൽ കുടിക്കുന്നത് വളരെ പ്രധാനമാണെന്ന് മുതിർന്നവരിൽ നിന്നു തന്നെ നാം കേട്ടിട്ടുണ്ടാകും. കാൽസ്യം കൂടാതെ, ആരോഗ്യത്തിന് ഗുണം ചെയ്യുന്ന മറ്റ് പല പോഷകങ്ങളും ഇതിൽ ഉൾപ്പെട്ടിട്ടുണ്ട്. എന്നാൽ, പാൽ കുടിക്കുന്നതുമായി ബന്ധപ്പെട്ട് പല തരത്തിലുള്ള തെറ്റായ വിവരങ്ങളും സമൂഹത്തിൽ പ്രചരിക്കുന്നു. തിളപ്പിച്ച പാലിൽ പോഷകങ്ങളുടെ അളവ് കുറയുമെന്ന് പലരും വിശ്വസിക്കുന്നു.
പാൽ കുടിക്കുന്നത് ശരീരഭാരം വർധിപ്പിക്കുമോ…?
പാൽ കുടിക്കുന്നത് ശരീരഭാരം വർദ്ധിപ്പിക്കുമെന്ന് പലരും വിശ്വസിക്കുന്നു, എന്നാൽ ഇത് തെറ്റാണ്. ഇതിലടങ്ങിയിരിക്കുന്ന പോഷകങ്ങൾ ആരോഗ്യത്തിന് അത്യന്താപേക്ഷിതമാണ്. ശരീരഭാരം കുറയ്ക്കാൻ ആഗ്രഹിക്കുന്നെങ്കിൽ, ക്രീം നീക്കം ചെയ്ത് പാൽ കുടിക്കൂ. പാലിൽ നിന്ന് ഫ്രോസൺ ക്രീം നീക്കം ചെതാൽ അതിൽ കലോറി കുറയുന്നു. അത് കുടിക്കുന്നത് ശരീരഭാരം കുറയ്ക്കാൻ സഹായിക്കുന്നു. കൂടാതെ എല്ലുകളെ ശക്തിപ്പെടുത്തുകയും ചെയ്യും.
തിളപ്പിച്ച പാലിൽ പോഷകങ്ങൾ കുറവോ …?
പാൽ തിളപ്പിച്ചാൽ പോഷകങ്ങൾ കുറയും എന്നത് ഒരു മിഥ്യാധാരണയാണ്. ഇത് തികച്ചും തെറ്റാണ്, കാരണം പാൽ പോഷകപ്രദമാക്കാൻ അത് തിളപ്പിക്കേണ്ടത് ആവശ്യമാണ്. ഇതിൽ അടങ്ങിയിരിക്കുന്ന ബാക്ടീരിയകൾ കുറയുകയും ആരോഗ്യത്തിന് കൂടുതൽ ഗുണം ചെയ്യുകയും ചെയ്യുന്നു.
പാൽ കുടിക്കുന്നത് കഫം വർദ്ധിപ്പിക്കുമോ…?
പാലുമായി ബന്ധപ്പെട്ട ഏറ്റവും വലിയ തെറ്റിദ്ധാരണ പാൽ കുടിക്കുന്നത് കഫത്തിന് കാരണമാകുന്നു എന്നതാണ്, എന്നിരുന്നാലും പാൽപൊടി കഫം വർദ്ധിപ്പിച്ചേക്കാം, പക്ഷേ പാൽ കുടിക്കുന്നതുമായി ബന്ധപ്പെട്ട ഈ ധാരണ പൂർണമായും ശരിയല്ല.
പാൽ കുടിക്കുന്നത് മുഖക്കുരുവിന് കാരണമാകുമോ…?
പാൽ കുടിക്കുന്നത് മുഖക്കുരുവിന് കാരണമാകുമെന്ന് നിങ്ങൾ കരുതുന്നുവെങ്കിൽ, അതും തെറ്റായ ധാരണയാണ്. ജനിതകശാസ്ത്രം, ഹോർമോണുകൾ, അനാരോഗ്യകരമായ ഭക്ഷണക്രമം എന്നിവ മൂലമാണ് ചർമ്മ സംബന്ധമായ പ്രശ്നങ്ങൾ ഉണ്ടാകുന്നത്.
പാൽ ഒരു സമ്പൂർണ ഭക്ഷണമോ …?
പാൽ കുടിക്കുന്നതിലൂടെ ശരീരത്തിന് എല്ലാ പോഷകങ്ങളും ലഭിക്കും എന്ന് പലരും വിശ്വസിക്കുന്നു, പക്ഷേ ഇത് ശരിയല്ല. ശരീരത്തിന്റെ ആരോഗ്യം നിലനിർത്താൻ പാലിന് പുറമെ ധാന്യങ്ങളും പച്ചക്കറികളും കഴിക്കുന്നതും ആരോഗ്യ സംരക്ഷണത്തിന് പ്രധാനമാണ്.
