ഈ ലോകകപ്പിലെ മികച്ച താരത്തിനുള്ള പുരസ്കാരം ആര്‍ക്ക് ലഭിക്കും എന്ന് നാളെ അറിയാം. ഐ സി സി പ്രഖ്യാപിച്ച അവസാന ഒമ്ബത് പേരുടെ ഷോര്‍ട്ട്ലിസ്റ്റില്‍ നാല് ഇന്ത്യൻ താരങ്ങള്‍ ഇടം നേടി.
ഇന്ത്യൻ ക്യാപ്റ്റൻ രോഹിത് ശര്‍മ്മ, വിരാട് കോഹ്ലി, മുഹമ്മദ് ഷമി, ജസ്പ്രീത് ബുംറ എന്നിവരടക്കം ഒമ്ബത് പേരാണ് ലിസ്റ്റിലുള്ളത്.
വിരാട് കോഹ്ലി ഇതുവരെ 711 റണ്‍സ് ഈ ലോകകപ്പില്‍ നേടിയിട്ടുണ്ട്. ഒരു ലോകകപ്പില്‍ 700ല്‍ അധികം റണ്‍സ് നേടുന്ന ആദ്യ താരമായി കോഹ്ലി മാറിയിരുന്നു. രോഹിത് ശര്‍മ്മ 550 റണ്‍സും ഇതുവരെ നേടി. ബൗളിംഗില്‍ മുഹമ്മദ് ഷമി 6 മത്സരവളില്‍ നിന്ന് 23 വിക്കറ്റ് നേടിയപ്പോള്‍ ബുമ്ര ഇതുവരെ 18 വിക്കറ്റും നേടി.
ഓസ്ട്രേലിയൻ സ്പിന്നാര്‍ ആഡം സാംബ, മാക്സ്‌വെല്‍, ന്യൂസിലൻഡ് താരങ്ങളായ മിച്ചല്‍, രചിൻ രവീന്ദ്ര, ദക്ഷിണാഫ്രിക്കയുടെ ഡി കോക്ക് എന്നിവരാണ് ലിസ്റ്റില്‍ ഉള്ള മറ്റു താരങ്ങള്‍.
