ഹൈദരാബാദ്:ഹൈദരാബാദില്‍ ഇസ്രായേലിനെതിരെ പ്രതിഷേധം സംഘടിപ്പിച്ച വിദ്യാര്‍ഥികളെ പോലീസ് കസ്റ്റഡിയിലെടുത്തു.ഹൈദരാബാദ് സെൻട്രല്‍ യൂണിവേഴ്സിറ്റി വിദ്യാര്‍ഥികളെയാണ് പൊലീസ് കസ്റ്റഡിയിലെടുത്തത്.
ഫലസ്തീൻ ജനതയ്ക്ക് ഐക്യദാര്‍ഢ്യം പ്രഖ്യാപിച്ച്‌ അംബേദ്കര്‍ പ്രതിമയ്ക്ക് സമീപമായിരുന്നു പരിപാടി. വിദ്യാര്‍ഥികള്‍ ഫലസ്തീൻ നീണാള്‍ വാഴട്ടെ എന്നെഴുതിയ പ്ലക്കാര്‍ഡ് ഉയര്‍ത്തിപ്പിടിക്കുകയും ഇസ്രായേലിനെ അപലപിക്കുന്ന മുദ്രാവാക്യങ്ങള്‍ മുഴക്കുകയും ചെയ്തു.
പെണ്‍കുട്ടികളായിരുന്നു പ്രതിഷേധക്കാരില്‍ കൂടുതല്‍.എന്നാല്‍ പ്രതിഷേധത്തിന് അനുമതി വാങ്ങിയിരുന്നില്ലെന്ന് പോലീസ് ഉദ്യോഗസ്ഥർ അറിയിച്ചു.തുടർന്നായിരുന്നു അറസ്റ്റ്.
