അടിമാലി: വിവാഹ വാഗ്ദാനം നൽകി യുവതിയെ പീഡിപ്പിക്കുകയും പണം തട്ടുകയും ചെയ്ത യുവാവ് അറസ്റ്റിൽ. അടിമാലി ആനവിരട്ടി പ്ലാമൂട്ടിൽ ബേസിൽ(35) ആണ് അറസ്റ്റിലായത്.
അടിമാലി പോലീസാണ് ഇയാളെ അറസ്റ്റ് ചെയ്തത്.എറണാകുളം സ്വദേശിനിയായ 26 കാരിയുടെ പരാതിയിലാണ് അറസ്റ്റ്. എറണാകുളം സ്വദേശിനിയായ യുവതിയുമായി പ്രണയത്തിലായ ബേസിൽ ചാറ്റുപാറയിലെ ബന്ധുവിന്റെ വീട്ടിൽ വെച്ചും എറണാകുളത്തെ ഫ്ലാറ്റിൽ വെച്ചും പീഡിപ്പിച്ചതായാണ് പരാതിയിൽ പറയുന്നത്.
പിന്നീട് യുവതിയുടെയും ബന്ധുക്കളുടെയും പേരിൽ 35 ലക്ഷം രൂപ വായ്പ എടുത്ത് യുകെയിൽ പോയി.തുടർന്നു ഇയാൾ നാട്ടിലെത്തിയ ശേഷം മറ്റൊരു യുവതിയെ രജിസ്റ്റർ വിവാഹം കഴിച്ചു .വരുന്ന തിങ്കളാഴ്ച പള്ളിയിൽ വച്ച് വിവാഹം നടത്താൻ തീരുമാനിച്ചിരിക്കെയാണ് ബേസിലിനെ അടിമാലി പോലീസ് അറസ്റ്റ് ചെയ്തത്. അറസ്റ്റ് ചെയ്ത യുവാവിനെ കോടതിയിൽ ഹാജരാക്കി റിമാൻഡ് ചെയ്തു.
