ഈ പ്രത്യയശാസ്ത്രത്തെയാണ് സനാതന ധർമ്മത്തിന്റെ പുതപ്പിട്ട് നമ്മളിൽ ചിലർ സ്നേഹിക്കുന്നത്. !!

നമ്മുടെ സ്ത്രീകൾക്ക് മാറ് മറയ്ക്കാൻ അവകാശം നിഷേധിച്ചത്.

മേൽമുണ്ട് ധരിക്കാൻ പാടില്ല എന്ന് നിഷ്കർഷിച്ചത്..?

പൊതു കുളങ്ങളും, പൊതു ഇടങ്ങളും കിണറുകളും നിഷേധിച്ചത് ?

നമ്മളിൽ നിന്ന് മീശക്കരവും മുലക്കരവും ഈടാക്കിയത് ?

പന്നിയ്ക്കും പട്ടിയ്ക്കും നടക്കാവുന്ന പെരുവഴി നമുക്ക് വിലക്കി സഞ്ചാരസ്വാതന്ത്ര്യം നിഷേധിച്ചത് ?

നമ്മുടെ പെൺമക്കൾ ഋതുമതിയായാൽ ദൈവത്തിന്റെ പ്രതിപുരുഷനെന്ന് വേദം കൽപ്പിച്ചവർക്ക് കാഴ്ച വെയ്ക്കണമെന്നും അല്ലെങ്കിൽ ചാപ്പിള്ള പിറക്കുമെന്നും

കുലം മുടിയുമെന്നും ഭീഷണിപ്പെടുത്തി അവരുടെ കന്യകാത്വം കവർന്നെടുത്തത്?

ദൈവപ്രീതിക്ക് എന്ന്പറഞ്ഞ് പിഞ്ചു ബാലികമാരെ നായക്കല്ല്യാണം കഴിപ്പിച്ചത് ?

താന്ത്രികവിദ്യ പഠിച്ച ഈഴവന് പൂജാരിയാകാൻ കോടതിയിൽ പോകേണ്ടി വന്നത് ?

പെരുമഴയത്ത് അമ്പലച്ചെരുവിൽ കയറി നിന്നതിന് ദളിതനെ ജീവനോടെ കത്തിച്ച് കരിച്ച് കളഞ്ഞത് ?

മേൽജാതി അമേദ്യം, പിന്നോക്കക്കാരന് നിവേദ്യമാക്കിയത് ?

പിന്നോക്കക്കാരന് അശുദ്ധിയും പശുവിൻ ചാണകത്തിനും, മൂത്രത്തിനും വിശുദ്ധിയും കൽപ്പിച്ചത് ?

ജനങ്ങളെ നീച ജാതിയാക്കി നല്ല പേരുകൾ  നിഷേധിച്ചത്?

തോട്ടിപ്പണിയും കള്ള് ചെത്തലും  കുലത്തൊഴിൽ ആക്കിയത് ?

നിലമുഴുതുമറിക്കാൻ മൃഗങ്ങൾക്ക് പകരം നമ്മുടെ പിതാക്കളെ നുകപ്പൂട്ടിട്ട് നടുവൊടിച്ചത് ?

വിളനഷ്ടത്തിന്റെ പേരിൽ ദളിതനായ

പച്ചമനുഷ്യനെ ജീവനോടെ ചെളിയിൽ ചവിട്ടി താഴ്ത്തി നരബലി നടത്തിയത്.,?

ശ്മശാനത്തിൽ പോലും അസ്പൃശ്യത കൽപ്പിച്ച് ആട്ടിയകറ്റിയത് ?

ജാതി വിഭജനവും തൊഴിൽ വിഭജനവും നടത്തിയത് ?

തെറിപ്പാട്ട് ദൈവഹിതമെന്ന് വിശ്വസിപ്പിച്ചത് ?

കോഴിച്ചോരയും കള്ളും തവിടും കഴിയ്ക്കുന്ന നഗ്ന ദൈവങ്ങളെ നമുക്കായി സംവരണം ചെയ്തത് ?

പശുവിനും ബ്രാഹ്മണനും സുഖം ഭവിച്ചാലെ ലോകത്തിന് സുഖം ലഭിയ്ക്കൂവെന്ന് നമ്മെ വിശ്വസിപ്പിച്ചത് ?

ഭൂതകാലത്തിലെ അടിമച്ചങ്ങലകൾ രക്ഷാബന്ധൻ എന്നു പറഞ്ഞ് കൈയിൽ കെട്ടി അടിമത്വം ആഘോഷിപ്പിച്ചത് ?

നീച ജാതിയിൽ പിറന്നവരെന്ന് ആക്ഷേപിച്ച് നമ്മുടെ ജന്മത്തെ ഇന്നും രഹസ്യമായും പരസ്യമായും ശപിയ്ക്കുന്നത് ?

മുജ്ജന്മ പാപമാണീ ജീവിതമെന്ന് വിശ്വസിപ്പിച്ച് ജാതിമേധാവിത്വം അംഗീകരിപ്പിച്ചതും ഇതെല്ലാം ദൈവഹിതമാണെന്നും ഇതിനെതിരെ പ്രതികരിച്ചാല്‍ ദൈവകോപമുണ്ടാകുമെന്നും വിശ്വസിപ്പിച്ച് സമൂഹത്തിന്റെ പുറന്പോക്കുകളില്‍ പുഴുക്കളെപോലെ നമ്മെ ചവിട്ടിയരച്ചത് ആരാണ്..?

ആരാണ് നമ്മുടെ ശത്രുക്കള്‍ മുസല്‍മാനൊ കൃസ്ത്യനിയൊ അതോ ദലിതരോ..?

എഴുവയസുള്ള ഒരു ഒരു കുഞ്ഞിനെ ക്‌ളാസ് മുറിയില്‍ എഴുന്നേല്പിച്ഛ് നിര്‍ത്തുക.എന്നിട്ട് ഓരോരുത്തരായി വന്ന് ശക്തമായി അവന്റെ കുഞ്ഞുമുഖത്ത് അടിക്കാൻ പറയുക. കൂട്ടുകാരനെ അടിക്കുമ്ബോള്‍ മനസുനൊന്ത പാവം കുഞ്ഞുങ്ങളെ ശകാരിച്ചു ഭയപ്പെടുത്തുക.

സകല അന്തസും തകര്‍ന്ന്, ജീവിതം തന്നെ തീര്‍ന്നുപോയ ശൂന്യതയില്‍ അവൻ നീറിനില്‍ക്കുന്നത് കണ്ട് ആനന്ദിക്കുക..

അവനൊരു കുറ്റവും ചെയ്തിരുന്നില്ല. പക്ഷെ മുസ്‌ലിമായിരുന്നു.

ഞാനെല്ലാ മുസ്‌ലിം കുട്ടികളെയും ശിക്ഷിക്കാറുണ്ട് എന്ന് അഭിമാനത്തോടെ പറയുന്ന ഉത്തര്‍പ്രദേശിലെ ആ അധ്യാപിക.

കുഞ്ഞുങ്ങളെ പോലും വെറുക്കാനും തീര്‍ക്കാനും പഠിപ്പിക്കുന്ന ഈ പ്രത്യയശാസ്ത്രത്തെയാണ് സനാതന ധർമ്മത്തിന്റെ പുതപ്പിട്ട് നമ്മളിൽ ചിലർ സ്നേഹിക്കുന്നത്. !!