കൃഷ്ണപുരം കാപ്പില്‍ ഈസ്റ്റ് തൈപ്പറമ്ബില്‍ ജോണ്‍ വര്‍ഗീസിന്റെ മകന്‍ ജോയല്‍ വി ജോണ്‍(20) ആണ് മരിച്ചത്. ബിടെക് വിദ്യാര്‍ത്ഥിയാണ് ജോയല്‍.ഒപ്പമുണ്ടായിരുന്ന കരീലകുളങ്ങര പുത്തന്‍വീട്ടില്‍ വിജയ്ക്ക് പരിക്കേറ്റു. ഇയാളെ വണ്ടാനം മെഡിക്കല്‍ കോളേജിലേക്ക് മാറ്റി.
കഴിഞ്ഞ ദിവസം രാത്രി 8.30 ഓടെയാണ് അപകടം ഉണ്ടായത്. കായംകുളത്തു നിന്നും കരീലകുളങ്ങര ഭാഗത്തേക്ക് പോവുകയായിരുന്ന ജോയല്‍ സഞ്ചരിച്ചിരുന്ന ബൈക്കില്‍ മറ്റൊരു ബൈക്ക് വന്ന് ഇടിച്ചാണ് അപകടം ഉണ്ടായത്. ഇടിച്ച ബൈക്ക് നിര്‍ത്താതെ പോയി. കായംകുളം പൊലീസ് സ്ഥലത്തെത്തി തുടര്‍ നടപടികള്‍ സ്വീകരിച്ചു.
