ബാക്ടീരിയ, ഫംഗസ്, വൈറസ് എന്നിവയെല്ലാം ലിംഗത്തില്‍ അണുബാധയുണ്ടാക്കും. ലിംഗത്തിലെ അണുബാധകള്‍ സൗമ്യവും എളുപ്പത്തില്‍ ചികിത്സിക്കാവുന്നതുമായ അവസ്ഥകള്‍ മുതല്‍ കഠിനമോ വിട്ടുമാറാത്തതോ ആയ രോഗങ്ങള്‍ വരെയാകാം.
ബാലനൈറ്റിസ്, പോസ്‌തിറ്റിസ്, ബാലനോപോസ്റ്റിറ്റിസ് എന്നിവയാണ് ലിംഗത്തെ ബാധിക്കുന്ന മൂന്ന് പ്രധാന അണുബാധകള്‍. ഗ്ലാൻസ് എന്നറിയപ്പെടുന്ന ലിംഗത്തിന്റെ തലയിലെ വീക്കം ആണ് ബാലനിറ്റിസ്. അഗ്രചര്‍മ്മത്തിന്റെ അല്ലെങ്കില്‍ പ്രീപ്യൂസിന്റെ വീക്കമാണ് പോസ്‌തിറ്റിസ്. ബാലനിറ്റിസും പോസ്‌റ്റിറ്റിസും ഒരുമിച്ച്‌ ഉണ്ടാകുന്നതാണ് ബാലനോപോസ്റ്റിറ്റിസ്.
അടുത്തിടെ നടത്തിയ ഒരു പഠനമനുസരിച്ച്‌, 3-11 ശതമാനം പുരുഷന്മാരെ ബാധിക്കുന്ന ഒരു സാധാരണ അവസ്ഥയാണ് ബാലനിറ്റിസ്. ലിംഗത്തില്‍ നിന്നുള്ള വെള്ളയോ പച്ചയോ സ്രവങ്ങള്‍ ലൈംഗികമായി പകരുന്ന അണുബാധയുടെ ലക്ഷണമാകാം. ഇത് ചിലപ്പോള്‍ യൂറിത്രൈറ്റിസ് എന്ന രോഗം മൂലമാകാം. മൂത്രമൊഴിക്കുമ്ബോള്‍ നീറ്റലും വേദനയും അനുഭവപ്പെടുകയാണെങ്കില്‍, ഇത് ശരീരത്തിലെ ജലാംശം കുറയുന്നതിന്റെയോ മൂത്രാശയ അണുബാധയുടെയോ ലക്ഷണമാകാമെന്ന് വിദഗ്ധര്‍ പറയുന്നു.
ലിംഗത്തില്‍ ചൊറിച്ചിലും വ്രണവുമുണ്ടെങ്കില്‍ അത് ബാക്ടീരിയയുടെ ലക്ഷണമാകാം. ശുചിത്വമില്ലായ്മയാണ് ഇതിന് പ്രധാന കാരണം. ഇത്തരം അസ്വസ്ഥതകള്‍ ലിംഗത്തിലേക്ക് പടരുകയാണെങ്കില്‍, അതും ബാക്ടീരിയ മൂലമുള്ള അണുബാധയാകാം.
സ്വകാര്യഭാഗങ്ങള്‍ വൃത്തിയായി സൂക്ഷിക്കുന്നുവെന്ന് ഉറപ്പാക്കുക. ശരീരം നന്നായി കഴുകിയിട്ടുണ്ടെന്ന് ഉറപ്പാക്കുന്നത് ആരോഗ്യം നിലനിര്‍ത്തുന്നതിനുള്ള ഏറ്റവും പ്രധാനപ്പെട്ട വശങ്ങളിലൊന്നാണ്. സ്വകാര്യഭാഗങ്ങളിലാണ് ഏറ്റവും കൂടുതല്‍ അണുബാധ ഉണ്ടാകുന്നത്. ലിംഗം നന്നായി വൃത്തിയാക്കുന്നത് വീക്കം, അണുബാധ എന്നിവയുടെ സാധ്യത കുറയ്ക്കുമെന്ന് വിദഗ്ധര്‍ പറയുന്നു.
ലിംഗത്തിലെ ഈര്‍പ്പം അണുബാധയ്ക്കുള്ള സാധ്യത വര്‍ദ്ധിപ്പിക്കുന്നു. അടിവസ്ത്രങ്ങള്‍ ഇടയ്ക്കിടെ ഉപയോഗിക്കാതിരിക്കുന്നതും മാറ്റുന്നതും ഫംഗസ് സാധ്യത വര്‍ദ്ധിപ്പിക്കുന്നു. ലിംഗം വൃത്തിയാക്കാൻ കോട്ടണ്‍ തുണി ഉപയോഗിക്കുന്നതാണ് നല്ലത്.
