കൊച്ചി:യുവതിയെ പീഡിപ്പിക്കുകയും ദൃശ്യങ്ങള്‍ അശ്ലീല വെബ്സൈറ്റുകളില്‍ പ്രചരിപ്പിക്കുകയും ചെയ്ത യുവാവ് അറസ്റ്റിൽ.
തൃപ്പൂണിത്തുറ കരിങ്ങാച്ചിറയിലെ സ്റ്റാര്‍ ഹോംസ് അനക്സില്‍ വാടകക്ക് താമസിക്കുന്ന കോഴിക്കോട് തിരുവണ്ണൂര്‍ സ്വദേശി ഗീത നിവാസില്‍ വിനു കെ. സനിലാണ് (30) തൃക്കാക്കര പൊലീസിന്റെ പിടിയിലായത്.
ദൃശ്യങ്ങള്‍ ചിത്രീകരിച്ച കാമറയും അശ്ലീല സൈറ്റുകളില്‍ അപ്‌ലോഡ് ചെയ്യാൻ ഉപയോഗിച്ച ലാപ്ടോപ്പും കണ്ടെടുത്തതായി പൊലീസ് വ്യക്തമാക്കി. തൃക്കാക്കര പൊലീസ് സ്റ്റേഷനിലെ എസ്.ഐ പി.പി. ജസ്റ്റിൻ, സീനിയര്‍ സിവില്‍ പൊലീസ് ഓഫിസര്‍മാരായ സിനാജ്, സാബു എന്നിവര്‍ ചേര്‍ന്നായിരുന്നു ഇയാളെ പിടികൂടിയത്.
