കോട്ടയം: അക്രമകാരിയായ കാട്ടുപോത്തിനെ വെടിവെക്കാന്‍ ഉത്തരവ്. മന്ത്രി വിഎന്‍ വാസവന്റെ നിര്‍ദ്ദേശത്തെ തുടര്‍ന്ന്‌ കോട്ടയം കളക്ടറാണ് കാട്ടുപോത്തിനെ കൊല്ലാന്‍ ഉത്തരവിട്ടത്.
എരുമേലി കണമലയിൽ കാട്ടുപോത്തിന്റെ ആക്രമണത്തിൽ രണ്ടു പേർ ഇന്ന് രാവിലെ മരിച്ചിരുന്നു.വനത്തിന് പുറത്ത് വെച്ച്‌ മാത്രമേ പോത്തിനെ വെടിവെക്കാന്‍ സാധിക്കുകയുള്ളു.
കൊല്ലം അഞ്ചല്‍ ഇടമുളക്കലിലും എരുമേലിയിലും കാട്ടുപോത്തിന്റെ ആക്രമണത്തില്‍ മൊത്തം മൂന്ന് പേരാണ് ഇന്ന് കൊല്ലപ്പെട്ടത്.കോട്ടയം എരുമേലിയില്‍ കണമല പുറത്തേല്‍ ചാക്കോച്ചന്‍ (70), പ്ലാവനാക്കുഴിയില്‍ തോമസ് (60) എന്നിവരാണ് മരിച്ചത്.കൊല്ലം അഞ്ചലില്‍ ഇടമുളയ്ക്കല്‍ സ്വദേശി സാമുവല്‍ വര്‍ഗീസും (65) ആണ് മരിച്ചത്. ഇന്ന് രാവിലെയായിരുന്നു ഇരു സംഭവങ്ങളും.
കാട്ടുപോത്ത് ആക്രമണത്തില്‍ പ്രതിഷേധിച്ച്‌ കണമലയില്‍ പ്രദേശവാസികള്‍ റോഡ് ഉപരോധിച്ചിരുന്നു. കാട്ടുപോത്തിനെ കണ്ടാലുടന്‍ വെടിവയ്ക്കണമെന്നാവശ്യപ്പെട്ടാ
