ന്യൂഡല്‍ഹി: ഡല്‍ഹി സാകേത് കോടതി വളപ്പില്‍ വെടിവയ്പ്. ആക്രമണത്തില്‍ പരിക്കേറ്റ ഒരു സ്ത്രീയെ ആശുപത്രിയിലേക്ക് കൊണ്ടുപോയി. പോലീസ് സ്ഥലത്തെത്തി പരിശോധന തുടങ്ങി.
ഇന്ന് രാവിലെയാണ് സംഭവം. അഭിഭാഷക വേഷത്തിലെത്തിയ അജ്ഞാതനാണ് വെടിയുതിര്‍ത്തത്. നാലു റൗണ്ട് വെടിയുതിര്‍ത്തു എന്നാണ് റിപ്പോര്‍ട്ടുകള്‍.
സാമ്പത്തിക തർക്കവുമായി ബന്ധപ്പെട്ട കേസിൽ വാദം കേൾക്കാൻ കോടതിയിലെത്തിയ സ്ത്രീക്കാണ് വെടിയേറ്റതെന്ന് പൊലീസ് പറയുന്നു.
വെടിയേറ്റ് ഗുരുതരമായി പരിക്കേറ്റ സ്ത്രീയെ എയിംസ് ആശുപത്രിയിലേക്കാണ് കൊണ്ടുപോയത്.
