കുവൈറ്റ് സിറ്റി: ഫോറം ഓഫ് കാഡ് യൂസേഴ്‌സ് (ഫോക്കസ്) കുവൈറ്റ് യൂണിറ്റ് എട്ടിന്റെ വാര്‍ഷിക സമ്മേളനം കേന്ദ്ര എക്‌സിക്യൂട്ടീവ് അംഗം സാജന്‍ ഫിലിപ്പിന്റെ അദ്ധ്യക്ഷതയില്‍ കൂടി. രാജീവ് സ്വാഗതവും, സജിമോന്‍ അനുശോചന സന്ദേശം നല്‍കി. നിബു വാര്‍ഷിക റിപ്പോര്‍ട്ട് അവതരിപ്പിച്ചു. വൈസ് പ്രസിഡന്റ് റെജികുമാര്‍, ജനറല്‍ സെക്രടറി ഡാനിയേല്‍ തോമസ്, എക്‌സ് ഒഫിഷ്യ പ്രശോബ് ഫിലിപ്പ്, ഓഡിറ്റര്‍ രാജീവ് സി.ആര്‍, ദേവസ്യ ആന്റെണി, റോബി മാത്യൂ എന്നിവര്‍ സംസാരിച്ചു. പുതിയ ഭാരവാഹികളായി സാജന്‍ ഫിലിപ്പ് (കേന്ദ്ര എക്‌സിക്യൂട്ടീവ്), ഗിരീഷ് (കണ്‍വീനര്‍), തോമസ് പി. മാത്യൂ(ജോ: കണ്‍വീനര്‍) എന്നിവരെ തെരഞ്ഞെടുത്തു. പുതിയ കണ്‍വീനര്‍ നന്ദി പറഞ്ഞു.
