തലശ്ശേരി: പൊന്ന്യം ഏഴരക്കണ്ടത്ത് നടക്കുന്ന പൊന്ന്യത്ത് അങ്കത്തിൽ അതിഥിയായി എത്തിയ നടൻ ടൊവിനോ തോമസിൻറെ വീഡിയോ വൈറലാകുന്നു. താരം തന്നെയാണ് തൻറെ ഇൻസ്റ്റഗ്രാം പേജിൽ വീഡിയോ പങ്കുവച്ചത്. തലശ്ശേരി ഹെറിറ്റേജ് ടൂറിസത്തിൻറെ ഭാഗമായാണ് ഫെബ്രുവരി 21 മുതൽ 27വരെ പൊന്ന്യത്ത് അങ്കം സംഘടിപ്പിച്ചത്. സംസ്കാരിക മന്ത്രി സജി ചെറിയാൻ ഉദ്ഘാടനം ചെയ്ത പരിപാടിയിൽ മുഖ്യാതിഥിയായാണ് മലയാളത്തിൻറെ യുവ നടൻ പുതിയ ലുക്കിൽ എത്തിയത്. കറുത്ത ഷർട്ടും കറുപ്പ് കര മുണ്ടും ഉടുത്ത് എത്തിയ ടൊവിനോ. കളരിപ്പയറ്റ് ആസ്വദിക്കുകയും വാളും പരിചയയുമായി അങ്കതട്ടിൽ ഇറങ്ങുകയും ചെയ്യുന്നത് വീഡിയോയിലുണ്ട്.
View this post on Instagram
ടോവിനോ തോമസ് ആദ്യമായി ട്രിപ്പിൾ റോളിൽ എത്തുന്നു. ‘അജയൻറെ രണ്ടാം മോഷണം’ എന്ന ചിത്രത്തിലാണ് ടൊവിനോ ഇപ്പോൾ അഭിനയിക്കുന്നത്. ‘എന്ന്, നിൻറെ മൊയ്‌തീൻ’, ‘കുഞ്ഞിരാമായണം’, ‘ഗോദ’, ‘കൽക്കി’ എന്നീ ചിത്രങ്ങളുടെ മുഖ്യ സഹ സംവിധായകനായിരുന്ന ജിതിൻ ലാൽ ആണ് “അജയൻറെ രണ്ടാം മോഷണം” ത്തിൻറെ സംവിധായകൻ. മൂന്ന് കാലഘട്ടങ്ങളിലൂടെ സഞ്ചരിക്കുന്ന ഒരു പിരിയോഡിക്കൽ എൻറർടെയ്നറായ ചിത്രത്തിൻറെ കഥ തിരക്കഥ സംഭാഷണം സുജിത് നമ്പ്യാർ എഴുതുന്നു. യു ജി എം പ്രൊഡക്ഷൻസ്, മാജിക് ഫ്രയിംസ് എന്നീ ബാനറുകളിൽ ഡോ.സക്കറിയ തോമസ്, ലിസ്റ്റിൻ സ്റ്റീഫൻ എന്നിവർ ചേർന്നാണ് ചിത്രം നിർമ്മിക്കുന്നത്.
നേരത്തെ ടൊവിനോ തോമസിനെ നായകനാക്കി ഡോ. ബിജു സംവിധാനം ചെയ്യുന്ന അദൃശ്യ ജാലകങ്ങളിലെ ടൊവിനോയുടെ ഫസ്റ്റ് ലുക്ക് പുറത്തെത്തി. ഇതുവരെ കാണാത്ത തരത്തിലുള്ള ഗെറ്റപ്പിലാണ് ടൊവിനോ ചിത്രത്തിൽ എത്തുന്നത്. ഒരു സാങ്കൽപിക സ്ഥലത്ത് നടക്കുന്ന കഥയ്ക്ക് സർറിയലിസ്റ്റിക് പരിചരണമാണ് സംവിധായകൻ നൽകിയിരിക്കുന്നത്. മനുഷ്യ യാഥാർഥ്യത്തിന് അപ്പുറത്തുള്ള അതീന്ദ്രീയമായ ഒരു ലോകത്തേക്ക് കേന്ദ്ര കഥാപാത്രത്തിനു മുന്നിൽ ഒരു വാതിൽ തുറക്കപ്പെടുകയാണ്. പിന്നീട് നടക്കുന്ന സംഭവങ്ങളാണ് ചിത്രം പറയുന്നത്. ടൊവിനോയുടെ നായക കഥാപാത്രത്തിന് പേരില്ല.
