ആലപ്പുഴ: വിദ്യാര്‍ഥിനിയോട് മോശമായി പെരുമാറുകയും അതിക്രമം നടത്തുകയും ചെയ്തുവെന്ന പരാതിയില്‍ ട്യൂഷന്‍ അധ്യാപകന്‍ അറസ്റ്റില്‍.
പുന്നപ്ര തെക്ക് ഗ്രാമപ്പഞ്ചായത്ത് രണ്ടാം വാര്‍ഡില്‍ കരിമ്പിന്‍കാലായില്‍ ഫ്രെഡി ആന്റണി ടോമി(28)യെയാണ് പുന്നപ്ര പോലീസ് അറസ്റ്റുചെയ്തത്.
സ്വകാര്യസ്‌കൂളില്‍ അധ്യാപകനായ ഇയാള്‍ വീടിനോടുചേര്‍ന്ന് ട്യൂഷന്‍ സെന്റര്‍ നടത്തുകയാണ്. വൈകീട്ട് ക്ലാസുകഴിഞ്ഞ സമയത്ത് കുട്ടികളെ സിനിമ കാണിക്കുന്നതിനിടെ ഇയാള്‍ പെണ്‍കുട്ടിയോട് മോശമായി പെരുമാറിയെന്നാണു കേസ്. കോടതിയില്‍ ഹാജരാക്കിയ പ്രതിയെ റിമാന്‍ഡു ചെയ്തു.
