മലപ്പുറം: ഭര്‍ത്താവിന്റെ ആസിഡ് ആക്രണത്തില്‍ യുവതിക്ക് ഗുരുതരമായി പൊള്ളലേറ്റു. പാണ്ടിക്കാട് ചെമ്പ്രശ്ശേരി അമ്പലക്കള്ളിയില്‍ ശനിയാഴ്ച പുലര്‍ച്ചെ മൂന്നിനാണ് സംഭവം.
മമ്പാടന്‍ അഹിന്‍ഷ ഷെറിന്‍ (27)ആണ് ആസിഡ് ആക്രമണത്തിനിരയായത്. ഭര്‍ത്താവ് ഷാനവാസിനും പൊള്ളലേറ്റു. ഇരുവരും ഇപ്പോള്‍ കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലാണ്.
അഹിന്‍ഷയും ഭര്‍ത്താവ് ചോക്കാട് സ്വദേശി ഷാനവാസും ഏതാനും മാസങ്ങളായി പിരിഞ്ഞുകഴിയുകയാണ്. ശനിയാഴ്ച പുലര്‍ച്ചെ മൂന്നോടെ അഹിന്‍ഷ താമസിക്കുന്ന ചെമ്പ്രശ്ശേരി അമ്പലക്കള്ളിയിലെ വീടിന്റെ ഓട് പൊളിച്ച് അകത്തുകയറിയ ഷാനവാസ് ഭാര്യയുടെ തലയിലൂടെ ആസിഡ് ഒഴിക്കുകയായിരുന്നു.
അഹിന്‍ഷ തട്ടിമാറ്റാന്‍ ശ്രമിച്ചപ്പോള്‍ ഷാനവാസിനും പൊള്ളലേറ്റു. പാണ്ടിക്കാട് പോലീസ് കേസെടുത്തു.
