Month: March 2026
-
Breaking News
ഇതാണു റിയല് കേരള സ്റ്റോറി! സുരക്ഷാ വലയം ഒരുക്കി കേരളം; മോണാലിസയും ഫര്മാനും ശ്രീനാരായണ ഗുരു സ്ഥാപിച്ച ക്ഷേത്രത്തില് വിവാഹിതരായി; മാതാപിതാക്കളെ പോലീസ് അനുനയിപ്പിച്ചതോടെ മാംഗല്യം
തിരുവനന്തപുരം: കേരളത്തില് അഭയം തേടിയെത്തിയ വൈറല് താരം മൊണാലിസയ്ക്ക് മാംഗല്യം. മഹാരാഷ്ട്രാ സ്വദേശി ഫര്മാനുമൊത്തുള്ള മൊണാലിസയുടെ പ്രണയസാഫല്യമാണ് കേരളാ പൊലീസിന്റെ ഇടപെടലിലൂടെ നടന്നത്. പൂവാറിനടുത്ത് അരുമാനൂര് നൈനാര് ക്ഷേത്രത്തില്വച്ചായിരുന്നു വിവാഹം. പ്രണയത്തെ വീട്ടുകാര് എതിര്ത്തതോടെയാണ് മൊണാലിസ അഭയം തേടി കേരളത്തില് എത്തിയത്. വീട്ടുകാരെ പൊലീസ് കാര്യങ്ങള് ധരിപ്പിച്ച് അനുനയിപ്പിച്ചതോടെയാണ് താരത്തിന്റെ വിവാഹത്തിലേയ്ക്ക് വഴിതെളിഞ്ഞത്. അച്ഛനില് നിന്ന് രക്ഷിക്കണമെന്ന പരാതിയുമായാണ് മൊണാലിസ തിരുവനന്തപുരത്ത് തമ്പാനൂര് പൊലീസ് സ്റ്റേഷനില് എത്തിയത്. ഒന്നര വര്ഷം മുമ്പാണ് മധ്യപ്രദേശ് ഇന്ഡോര് സ്വദേശിയായ മൊണാലിസയും മഹാരാഷ്ട്ര സ്വദേശി ഫര്മാനും ഫേസ്ബുക്ക് വഴി പരിചയപ്പെടുന്നതും പ്രണയത്തിലാകുന്നതും. ഇതറിഞ്ഞതോടെ തന്റെ വീട്ടുകാര് തനിക്ക് മറ്റൊരു വിവാഹം നടത്താന് ആലോചിക്കുന്നുണ്ടെന്നും, എന്നാല് ഇതരമതസ്ഥനായ ഫര്മാനൊപ്പം ജീവിക്കാനാണ് ആഗ്രഹിക്കുന്നതെന്നും മൊണാലിസ വെളിപ്പെടുത്തി. ഇതോടെ പോലീസ് ഇടപെട്ട് വീട്ടുകാരെ അനുനയിപ്പിക്കുകയായിരുന്നു. രാജ്യത്തെ പലയിടങ്ങളിലും തങ്ങളുടെ ബന്ധത്തിന് വലിയ എതിര്പ്പുകള് നേരിടേണ്ടി വരുമെന്ന് ഉറപ്പുള്ളതിനാലാണ് സുരക്ഷിതമായ ഇടമെന്ന നിലയില് കേരളത്തില് എത്തിയത് എന്നാണ് ഇരുവരും പറഞ്ഞത്. വിവാഹചടങ്ങില്…
Read More » -
Breaking News
അതിസാധാരണം; പക്ഷേ മാരകം! സ്ലോവര് ബോള് കൊണ്ട് ലോകകപ്പ് അടക്കി വാണ ജസ്പ്രീത് ബുംറ; വലിയ വഞ്ചനയ്ക്കുള്ളിലെ സങ്കീര്ണമായ മറ്റൊരു വഞ്ചന! വാതിലിന്റെ പിടി തിരിക്കുന്നതു പോലെ ഒരു ഓഫ് കട്ടര്! ഇത് സീം ബോളര്മാര് ഏറ്റവും കൂടുതല് സ്ലോ ബോള് എറിഞ്ഞ ലോകകപ്പ്
ബംഗളുരു: ക്രിക്കറ്റ് ലോകം സ്ലോ ബോളുകളെക്കുറിച്ചു ധാരാളം എഴുതിയിട്ടുണ്ട്. അതിലേറെ സംസാരിച്ചിട്ടുണ്ടാകും. വര്ഷങ്ങള്ക്കുമുമ്പ് ‘ബോള് ഓഫ് ദി സെഞ്ചുറി’ പട്ടികയില് രണ്ടു സ്ലോ ബോളുകളും ഉള്പ്പെടുത്തിയിരുന്നു. നൂറ്റാണ്ടിന്റെ തുടക്കത്തിലെ മികച്ച സ്ലോവര് ബോള് ബൗളര്മാരില് ഒരാളായ ഇയാന് ഹാര്വി മുതല് മാര്ക്കോ ജാന്സന് പുതിയൊരു രീതി വികസിപ്പിച്ചതും ഈ കാലഘട്ടത്തിലെ മികച്ച പ്രായോഗിക ബൗളര്മാരില് ഒരാളായ ലുങ്കി എന്ഗിഡിയെ ‘റൈറ്റ് ആം സ്ലോ-ഫാസ്റ്റ്’ ബൗളര് എന്ന് പുനര്നാമകരണം ചെയ്തതും സാം കറന് ‘ഇപ്പോള് അടിക്കാം, ഇപ്പോള് അടിക്കാന് കഴിയില്ല’ എന്ന മട്ടില് മൂണ്ബോള് എറിഞ്ഞതും ക്രിക്കറ്റ് ചര്ച്ച ചെയ്തു. എന്നാല്, കഴിഞ്ഞ നാലു ലോകകപ്പുകളെ അപേക്ഷിച്ച് സീം ബോളര്മാര് ഏറ്റവും കൂടുതല് പേസ് കുറവുള്ള ബോളുകള് എറിഞ്ഞത് ഇക്കുറിയാണ്. ആറിലൊന്ന് പന്തുകളും സ്ലോവര് ബോളുകളായിരുന്നു. ആധുനിക ക്രിക്കറ്റില് സ്ലോവര് ബോളുകളുടെ പ്രായോഗികതയാണ് ഇതു ചൂണ്ടിക്കാട്ടുന്നത്. ബാറ്റിംഗിലെ ആധുനിക തന്ത്രങ്ങള്ക്കെതിരായ തെറ്റാലി പ്രയോഗം! കൂടുതല് നഷ്ടമില്ലാതെ ഓവര് എങ്ങനെയെങ്കിലും ഓവര് തീര്ക്കാനുള്ള തന്ത്രത്തിന്റെ…
Read More » -
Breaking News
രാഹുൽ മാങ്കൂട്ടത്തിൽ രണ്ടു ഫോണുകളുടേയും പാസ്വേഡ് കൈമാറണ്ട!! മൂന്നാം ബലാത്സംഗ കേസിൽ പുതിയ നടപടി, തിരുവല്ല രജിസ്ട്രേറ്റ് കോടതി ഉത്തരവിന് ഹൈക്കോടതിയിൽ സ്റ്റേ
പാലക്കാട്: പാലക്കാട് എംഎൽഎ രാഹുൽ മാങ്കൂട്ടത്തിലിനെതിരായ മൂന്നാം ബലാത്സംഗ കേസിൽ പുതിയ നടപടി. പോലീസ് കസ്റ്റഡിയിലെടുത്ത രാഹുലിന്റെ ഫോണുകളുടെ പാസ്സ്വേർഡ് കൈമാറാനുള്ള തിരുവല്ല രജിസ്ട്രേറ്റ് കോടതി ഉത്തരവ് ഹൈക്കോടതി സ്റ്റേ ചെയ്തു. രണ്ട് ഫോണുകളുടെയും പാസ്വേഡ് കൈമാറണം എന്നായിരുന്നു പ്രോസിക്യൂഷൻ ആവശ്യം. അതേസമയം, ലൈംഗിക പീഡന കേസിൽ അറസ്റ്റിലായതിനു ശേഷവും പാലക്കാട് എത്തിയ രാഹുൽ മാങ്കൂട്ടത്തിന് പിന്തുണയുമായി കോൺഗ്രസ് നേതാക്കൾ രംഗത്തെത്തിയിരുന്നു. ബ്ലോക്ക് കോൺഗ്രസ് അധ്യക്ഷൻ ഉൾപ്പെടെ രാഹുലിനൊപ്പം വിവിധ പരിപാടികളിൽ പങ്കെടുത്തു. ഇതിനിടെ തെരഞ്ഞെടുപ്പിൽ സ്വതന്ത്ര സ്ഥാനാർത്ഥി ആവുമോ എന്ന ചോദ്യത്തിന് പാർട്ടിയാണ് തീരുമാനിക്കേണ്ടത് എന്നും പാർട്ടി പറഞ്ഞാൽ മത്സരിക്കും ഇല്ലെങ്കിൽ മത്സരിക്കില്ല എന്നുമായിരുന്നു രാഹുലിന്റെ മറുപടി. പാർട്ടിക്കാർ സ്വതന്ത്രനായി മത്സരിക്കണമെന്ന് ആവശ്യപ്പെടുന്നതിൽ സന്തോഷമുണ്ടെന്നും രാഹുൽ പ്രതികരിച്ചു.
Read More » -
Breaking News
മണ്ഡലകാലത്ത് മാളികപ്പുറം മേൽശാന്തിയുടെ മാത്രം നിക്ഷേപം 46. 51 ലക്ഷം, തൂപ്പുകാർ മുതൽ സ്ഥിരം ജോലിക്കാർക്കുവരെ ലക്ഷങ്ങളുടെ നിക്ഷേപം!! 1,667 ഇടപാടുകളിലൂടെ എസ്ബിഐ സന്നിധാനം ബ്രാഞ്ചിലെ നിക്ഷേപം എട്ട് കോടിയിലേറെ രൂപ, ധനലക്ഷ്മി ബാങ്കിൽ 942 ഇടപാടുകളിലൂടെ11.5 കോടിയോളം രൂപയുടെ നിക്ഷേപം
കൊച്ചി: ശബരിമല സന്നിധാനത്തെ ബാങ്കുകളിലേക്ക് കഴിഞ്ഞ മണ്ഡലകാലത്ത് അസാധാരണമായ രീതിയിൽ പണം നിക്ഷേപിക്കപ്പെട്ടതായി വിജിലൻസ് നടത്തിയ പരിശോധനയിൽ കണ്ടെത്തൽ. ഇതുമായി ബന്ധപ്പെട്ട് സ്പെഷ്യൽ കമ്മീഷണർ ഹൈക്കോടതിയിൽ സമർപ്പിച്ച റിപ്പോർട്ട് പ്രകാരം, സന്നിധാനത്തെ എസ്ബിഐ ശാഖയിൽ എട്ട് കോടിയിലധികം രൂപയുടെയും ധനലക്ഷ്മി ബാങ്കിൽ 11 കോടിയിലധികം രൂപയുടെയും നിക്ഷേപം നടന്നിട്ടുണ്ട്. ഇതിൽ മാളികപ്പുറം മേൽശാന്തി മാത്രം കഴിഞ്ഞ മണ്ഡലകാലത്ത് 46.51 ലക്ഷം രൂപ ബാങ്ക് അക്കൗണ്ടിൽ നിക്ഷേപിച്ചതായാണ് പുറത്തുവരുന്ന പ്രധാന വിവരം. ശബരിമലയിലെ ദിവസ വേതനക്കാർ മുതൽ സ്ഥിര ജീവനക്കാർ വരെ നടത്തിയ സാമ്പത്തിക തിരിമറിയുടെ വിവരങ്ങളാണ് പുറത്ത് വരുന്നത്. ജീവനക്കാർ വൻതുക ബാങ്കുകളിൽ നിക്ഷേപിച്ചതായി സ്പെഷൽ കമ്മീഷണർ ഹൈക്കോടതിയിൽ സമർപ്പിച്ച റിപ്പോർട്ടിൽ പറയുന്നു. പ്രാഥമിക അന്വേഷണത്തിൽ 487 സാമ്പത്തിക ഇടപാടുകളാണ് കണ്ടെത്തിയിരിക്കുന്നത്. മണ്ഡലം മകരവിളക്ക് സീസൺ സമയത്താണ് ബാങ്കുകളിൽ വലിയ തോതിൽ നിക്ഷേപം നടന്നത്. നവംബർ 17 മുതൽ ഡിസംബർ 31 വരെയുള്ള സന്നിധാനത്തെ വിവിധ ധനകാര്യ സ്ഥാപനങ്ങളിൽ വൻ തുക…
Read More » -
Breaking News
ഇറാനും അമേരിക്കയും തൊടുക്കുന്ന റോക്കെറ്റൊക്കെ എന്ത്? അതിലും വേഗത്തിലാ വിമാന ടിക്കറ്റ് നിരക്കിന്റെ കുതിപ്പ്!! യുഎഇയിൽ നിന്ന് കേരളത്തിലെത്താൻ എയർഇന്ത്യയ്ക്ക് 45,000, ഇൻഡിഗോയ്ക്കായാൽ അരലക്ഷത്തിനടുത്ത്, കൊച്ചി, കോഴിക്കോട് എന്നിവിടങ്ങളിലേക്ക് റാസൽഖൈമയിൽ നിന്ന് കുറഞ്ഞ ടിക്കറ്റ് നിരക്ക് 50,000 ത്തിന് മുകളിൽ മാത്രം
ദുബായ്: യുദ്ധകാലത്തെ പ്രത്യേക സർവീസ് വിമാനക്കമ്പനികൾക്ക് ചാകരക്കാലം. യുദ്ധം തുടങ്ങിയതോടെ ഈടാക്കുന്നത് സാധാരണയേക്കാൾ മൂന്നിരട്ടി തുക. അവധിക്കാലത്ത് പ്രവാസികളുടെ നാട്ടിലേക്കുള്ള യാത്രയ്ക്ക് സാധാരണയായി വിമാനക്കമ്പനികൾ ഈടാക്കുന്നത് താങ്ങാൻ കഴിയാത്ത നിരക്കാണെങ്കിലും അതുക്കും മേലെയാണ് പശ്ചിമേഷ്യയിൽ യുദ്ധകാലത്ത് വിമാനക്കമ്പനികൾ ടിക്കറ്റ് നിരക്ക് കൂട്ടിയത്. എല്ലാ കാലത്തും വിമാനടിക്കറ്റ് നിരക്ക് സങ്കീർണമായൊരു പ്രശ്നം തന്നെയാണ്. നിലവിൽ പതിവ് സർവീസുകളില്ല. ഇത്തിഹാദ്, ഇൻഡിഗോ, എമിറേറ്റ്സ്, ഫ്ലൈ ദുബായ്, എയർ അറേബ്യ, എയർഇന്ത്യ എക്സ്പ്രസ് എന്നീ വിമാനങ്ങൾ കേരളത്തിലേക്കും തിരിച്ചും പ്രത്യേക സർവീസ് നടത്തുന്നുണ്ട്. പ്രത്യേക സർവ്വീസിൽ ഇപ്പോൾ യുഎഇയിൽ നിന്ന് കേരളത്തിലെത്താൻ 40,000 രൂപയാണ് ശരാശരി നിരക്ക്. എന്നാൽ എമിറേറ്റ്സിൽ 2500 ദിർഹം, എയർഇന്ത്യ എക്സ്പ്രസിൽ 1800 ദിർഹം, ഇൻഡിഗോ 1900 എന്നിങ്ങനെയാണ് ശരാശരി നിരക്ക് വരുന്നത്. ജനുവരിയിലെ തണുപ്പ് കഴിഞ്ഞാൽ പൊതുവെ ടിക്കറ്റ് നിരക്ക് കുറഞ്ഞുവരികയാണ് പതിവ്. ആ കണക്കുകൂട്ടലിൽ ഓഫ് സീസണിൽ അവധി തെരഞ്ഞെടുത്ത് നാട്ടിൽ പോകുന്ന സാധാരണക്കാർക്ക് കിട്ടിയ അപ്രതീക്ഷിത തിരിച്ചടിയാണ്…
Read More » -
Breaking News
യുഎസ്- ഇസ്രായേൽ സഖ്യത്തിന് സഹായഹസ്തവുമായി യുക്രെയ്ൻ; ഇറാനെ പ്രതിരോധിക്കാനുള്ള തന്ത്രവുമായി ഗൾഫ് രാജ്യങ്ങളിലേയ്ക്ക് ഡ്രോൺ വിദഗ്ധരെ അയച്ച് സെലെൻസ്കി
കീവ്: ഇറാനിൽ നിന്ന് വിക്ഷേപിക്കപ്പെടുന്ന ഡ്രോണുകളെ പ്രതിരോധിക്കാൻ ഖത്തർ, യുണൈറ്റഡ് അറബ് എമിറേറ്റ്സ്, സൗദി അറേബ്യ എന്നിവിടങ്ങളിലേക്ക് സ്വന്തം സൈനിക വിദഗ്ധസംഘത്തെ അയച്ച് യുക്രെയ്ൻ പ്രസിഡന്റ് വോളോഡിമർ സെലെൻസ്കി. ഉക്രേനിയൻ പ്രസിഡന്റ് വോളോഡിമർ സെലെൻസ്കി പറയുന്നതനുസരിച്ച്, ജോർദാനിലെ യുഎസിന്റെ സൈനിക സാന്നിധ്യം സംരക്ഷിക്കാൻ ഞങ്ങൾ രംഗത്തിറങ്ങുകയാണ്. ആക്രമണ ഡ്രോണുകളെ നേരിടുന്നതിൽ ലോകത്തിലെ ഏറ്റവും വലിയ അനുഭവം യുക്രെയ്നിനുണ്ടെന്നും ഒരു വീഡിയോ പ്രസംഗത്തിൽ സെലെൻസ്കി പറഞ്ഞു – അയൽക്കാരന് നേരെ റഷ്യ നടത്തിയ നാല് വർഷത്തിലേറെയായുള്ള ആക്രമണങ്ങളിൽ നേടിയെടുത്ത വൈദഗ്ധ്യത്തെക്കുറിച്ചുള്ള പരാമർശമാണിത്. കനത്ത നാശനഷ്ടങ്ങൾക്ക് ഡ്രോണുകളുടെ ഭീഷണി നേരിടാൻ യുഎസും മിഡിൽ ഈസ്റ്റിലെയും യൂറോപ്പിലെയും 10 രാജ്യങ്ങളും സഹായം ആവശ്യപ്പെട്ടിട്ടുണ്ടെന്ന് യുക്രെയ്ൻ പറയുന്നു. യുക്രെയ്നിലെ ഉന്നത ഉദ്യോഗസ്ഥരിൽ ഒരാളും ദേശീയ സുരക്ഷാ, പ്രതിരോധ കൗൺസിലിന്റെ സെക്രട്ടറിയുമായ റസ്റ്റം ഉമെറോവ്, സൈനിക, രഹസ്യാന്വേഷണ, പ്രതിരോധ ഉദ്യോഗസ്ഥരോടൊപ്പം ‘കോൺക്രീറ്റ് കരാറുകൾ‘ തയ്യാറാക്കുന്നതിനായി ഗൾഫിലേക്ക് പോകുകയാണെന്ന് സെലെൻസ്കി തന്റെ പ്രസംഗത്തിൽ പറഞ്ഞു. ‘ആക്രമണ ഡ്രോണുകളെ നേരിടുന്നതിൽ ലോകത്തിലെ…
Read More » -
Breaking News
ഖമനേയി കൊല്ലപ്പെട്ടതോടെ പുതിയ സുപ്രിം ലീഡർ മൊജ്തബ ഖമനേയിക്ക് ചുറ്റും സുരക്ഷാ വലയം, എലിറ്റ് ഭീകരവിരുദ്ധ സേനയെ വിന്യസിച്ചതായി റിപ്പോർട്ട്
ടെഹ്റാൻ: ഇറാന്റെ പുതിയ സുപ്രിം ലീഡറായി പ്രഖ്യാപിക്കപ്പെട്ട മൊജ്തബ ഖമനേയിയുടെ സുരക്ഷയ്ക്കായി എലിറ്റ് ഭീകരവിരുദ്ധ സേനയെ വിന്യസിച്ചിട്ടുണ്ടെന്ന് റിപ്പോർട്ടുകൾ. പിതാവും മുൻ സുപ്രീം ലീഡറുമായ അയത്തൊല്ല അലി ഖമനേയി അമേരിക്ക–ഇസ്രായേൽ സംയുക്താക്രമണത്തിൽ കൊല്ലപ്പെട്ടതിനെ തുടർന്നാണ് സുരക്ഷ ശക്തമാക്കിയതായാണ് വിവരം. ‘ഓപ്പറേഷൻ എപിക് ഫ്യൂറി’ എന്ന സൈനിക നടപടിക്കിടെയാണ് ഫെബ്രുവരി 28ന് നടന്ന ആക്രമണത്തിൽ അലി ഖമെനെയിയും ഭാര്യയും മറ്റ് കുടുംബാംഗങ്ങളും കൊല്ലപ്പെട്ടത്. അതേ ആക്രമണത്തിൽ മൊജ്തബ ഖമനേയിക്കും പരുക്കേറ്റതായി ചില മാധ്യമങ്ങൾ റിപ്പോർട്ട് ചെയ്തിരുന്നു. എന്നാൽ ഇത് ഇറാനിലെ മുതിർന്ന നേതാക്കൾ നിഷേധിക്കുകയും അദ്ദേഹം “സുരക്ഷിതനും ആരോഗ്യവാനുമാണ്” എന്ന് വ്യക്തമാക്കുകയും ചെയ്തു. അതേസമയം പുതിയ സുപ്രീം ലീഡറായി പ്രഖ്യാപിക്കപ്പെട്ട ശേഷം മൊജ്തബ ഇതുവരെ പൊതുജനങ്ങൾക്ക് മുമ്പിൽ പ്രത്യക്ഷപ്പെട്ടിട്ടില്ല. രാജ്യത്തെ അഭിസംബോധന ചെയ്തിട്ടില്ലെന്നും ഔദ്യോഗിക പ്രസ്താവനയും പുറത്തിറക്കിയിട്ടില്ലെന്നും റിപ്പോർട്ടുകൾ പറയുന്നു. മാർച്ച് 8ന് ഇറാനിലെ അസംബ്ലി ഓഫ് എക്സ്പർട്സ് അദ്ദേഹത്തെ രാജ്യത്തിന്റെ മൂന്നാമത്തെ സുപ്രീം ലീഡറായി തെരഞ്ഞെടുക്കുകയായിരുന്നു. അമേരിക്കൻ മാധ്യമ റിപ്പോർട്ടുകൾ പ്രകാരം…
Read More » -
Breaking News
‘കേരളത്തെ ഒന്നാകെ തകർക്കാൻ എൽഡിഎഫ് അല്ലാതെ മറ്റാരുണ്ട് ‘: എല്ഡിഎഫ് പ്രചാരണ ടാഗ്ലൈനെ ട്രോളി ടി. സിദ്ദിഖ്
കോഴിക്കോട്: ഇടതുപക്ഷത്തിന്റെ ‘മറ്റാരുണ്ട്, എല്ഡിഎഫ് അല്ലാതെ’ എന്ന തെരഞ്ഞെടുപ്പ് ടാഗ്ലൈനെ പരിഹസിച്ച് ടി. സിദ്ദിഖ് എംഎല്എ. സര്ക്കാറിനെതിരായ നിരവധി ആരോപണങ്ങള് ഉള്പ്പെടുത്തി സിദ്ദിഖ് ഫേസ്ബുക്കിൽ പോസ്റ്റിട്ടിരിക്കുകയാണ് ‘കേരളത്തെ ഒന്നാകെ തകര്ക്കാന് മറ്റാരുണ്ട് എല്ഡിഎഫ് അല്ലാതെ’ എന്നാണ് സിദ്ദിഖിന്റെ ട്രോൾ. പാര്ട്ടിക്കാരായ കൊലക്കേസ് പ്രതികള്ക്ക് പരോള് കൊടുക്കാന് മറ്റാരുണ്ട് എല്ഡിഎഫ് അല്ലാതെ, 5000 പരസ്ത്രീകളുമായി ബന്ധമുള്ളവനെ മന്ത്രിസ്ഥാനത്ത് തുടരാന് സമ്മതിക്കാന് മറ്റാരുണ്ട് എല്ഡിഎഫ് അല്ലാതെ, മുഖ്യമന്ത്രിയുടെ ദുരിതാശ്വാസ നിധിയില് തട്ടിപ്പ് നടത്തുവാന് മറ്റാരുണ്ട് എല്ഡിഎഫ് അല്ലാതെ, പാവങ്ങള്ക്ക് വീട് പണിയുന്ന ലൈഫ് മിഷനില് കോഴ വാങ്ങുവാന് മറ്റാരുണ്ട് എല്ഡിഎഫ് അല്ലാതെ, സഹകരണ ബാങ്കുകള് കൊള്ളയടിക്കാന് മറ്റാരുണ്ട് എല്ഡിഎഫ് അല്ലാതെ, വയറ്റില് കത്രിക വെക്കാന് മറ്റാരുണ്ട് എല്ഡിഎഫ് അല്ലാതെ, ശബരിമല അയ്യപ്പന്റെ സ്വര്ണം കട്ട് ജയിലില് പോയ മറ്റാരുണ്ട് എല്ഡിഎഫ് അല്ലാതെ എന്നിങ്ങനെ നിരവധി ചോദ്യങ്ങളാണ് സിദ്ദിഖിന്റെ പോസ്റ്റിലുള്ളത്. 500 രൂപയുടെ പിപിഇ കിറ്റ് 1500 രൂപക്ക് വാങ്ങി അഴിമതി നടത്തിയെന്നും, ആശ വര്ക്കര്മാര്ക്ക്…
Read More » -
Breaking News
ഹോർമൂസ് കടലിടുക്കിന് സമീപം ആക്രമണം, കപ്പലിന് തീപിടിച്ചു!! ആക്രമിക്കപ്പെട്ടത് ഇന്ത്യയിലേക്ക് യാത്രതിരിച്ച തായ് ചരക്കുകപ്പൽ, 20 നാവികരെ ഒമാൻ നേവി രക്ഷപ്പെടുത്തി, മൂന്നുപേർക്കായി തെരച്ചിൽ… ആക്രമിക്കപ്പെട്ടത് കണ്ട്ല തുറമുഖത്തേക്ക് യാത്രതിരിച്ച ബൾക്ക് കാരിയർ കപ്പൽ
മസ്കത്ത്: ഹോർമൂസ് കടലിടുക്കിന് സമീപം ഇന്ത്യയിലേക്കുള്ള യാത്രയ്ക്കിടെ തായ്ലാൻഡ് പതാകയിലുള്ള ചരക്കുകപ്പലിന് നേരെ ആക്രമണം നടന്നതായി റിപ്പോർട്ട്. ആക്രമണത്തെ തുടർന്ന് കപ്പലിൽ തീപിടിത്തമുണ്ടായതോടൊപ്പം കനത്ത കറുത്ത പുക ഉയർന്നതായി തായ്ലൻഡിൻ്റെ റോയൽ നേവി അറിയിച്ചു. ‘മയൂരി നാരി’ എന്ന ബൾക്ക് കയറിയ കപ്പലാണ് ആക്രമിക്കപ്പെട്ടതെന്ന് എൻഡിടിവി റിപ്പോർട്ട് ചെയ്തു. തായ് കമ്പനിയായ പ്രെഷ്യസ് ഫിപ്പിങ് പിസിഎൽ ഉടമസ്ഥതയിലുള്ള കപ്പലിലെ ഖലീഫ തുറമുഖത്ത് നിന്ന് പുറപ്പെട്ട് ഇന്ത്യയിലെ കണ്ട്ല തുറമുഖത്തേക്ക് യാത്ര ചെയ്യുന്നതിനിടെയാണ് ആക്രമണമുണ്ടായത്. തായ് നേവി പുറത്തുവിട്ട ചിത്രങ്ങളിൽ കപ്പലിൻ്റെ ഹാൾ ഭാഗത്തുനിന്നും മേൽഭാഗത്തുനിന്ന് കനത്ത കറുത്ത പുക ഉയരുന്നതും കടലിൽ ഒഴുകുന്ന ലൈഫ് റാഫ്റ്റുകൾ വ്യക്തമാണ്. ആക്രമണത്തെ തുടർന്ന് കപ്പലിലുണ്ടായിരുന്ന നാവികർ അടിയന്തരമായി ലൈഫ് റാഫ്റ്റുകളിലേക്ക് മാറിയെന്നാണ് റിപ്പോർട്ട്. സംഭവത്തിന് പിന്നാലെ ഒമാൻ നേവി രക്ഷാപ്രവർത്തനം നടത്തി. ഇതുവരെ 20 നാവികരെ സുരക്ഷിതമായി രക്ഷപ്പെടുത്തി. കാണാതായി മൂന്നുനാവികർക്കായി തെരച്ചിൽ തുടരുകയാണെന്ന് തായ് നേവി വ്യക്തമാക്കി. അതേസമയം ആക്രമണത്തിൻ്റെ കൃത്യമായ കാരണം…
Read More » -
Breaking News
നടി ശ്വേത മേനോനെതിരെയുള്ള ക്രിമിനൽ കേസ് ഹൈക്കോടതി റദ്ദാക്കി; വ്യക്തി പരാതി ദുരുദ്ദേശപരമെന്ന് നിരീക്ഷണം
കൊച്ചി: താരസംഘടന അമ്മയുടെ പ്രസിഡന്റും നടിയുമായ ശ്വേത മേനോനെതിരെയുള്ള ക്രിമിനൽ കേസ് റദ്ദാക്കി ഹൈക്കോടതി. അശ്ലീല സിനിമകളിൽ അഭിനയിച്ചു എന്നും ദൃശ്യങ്ങൾ പ്രചരിപ്പിച്ചു എന്നുമുള്ള പരാതിയിൽ ആയിരുന്നു സെൻട്രൽ പോലീസ് കേസ് എടുത്തത്. എഫ്ഐആറിൽ പറഞ്ഞ വകുപ്പുകൾ നില നിൽക്കില്ല എന്നും പരാതിക്കാരൻ ഗൂഢലക്ഷ്യത്തോടെയും വ്യക്തി വൈരാഗ്യത്തിന്റെയും പേരിൽ ആണ് കേസ് നൽകിയത് എന്നും കോടതി കണ്ടെത്തി. അമ്മ സംഘടനയുടെ തെരഞ്ഞെടുപ്പിന് തൊട്ടു മുൻപ് കൊടുത്ത പരാതി ദുരുദ്ദേശപരമാണെന്ന് വ്യക്തമാണെന്നും കോടതി നിരീക്ഷിച്ചു. തുടർന്നാണ് കോടതി കേസ് റദ്ദാക്കിയത്. ഹർജിക്കാരിക്കു വേണ്ടി അഡ്വ. ഉണ്ണി സെബാസ്റ്റ്യൻ കാപ്പൻ, എം രവികൃഷ്ണൻ എന്നിവർ ഹാജരായി.
Read More »