രാഹുല് മാങ്കൂട്ടത്തിലിന് എതിരേ പരാതി നല്കിയ യുവതിയുടെ ഭര്ത്താവിന് എതിരേ നടപടിയുമായി യുവമോര്ച്ച; ഭാരവാഹിത്വത്തില് നിന്ന ഒഴിവാക്കി
പാലക്കാട്: രാഹുല് മാങ്കൂട്ടത്തിലിനെതിരേ പരാതി നല്കിയ യുവതിയുടെ ഭര്ത്താവിനെ യുവമോര്ച്ച നേതൃസ്ഥാനത്തുനിന്ന് നീക്കി. അദ്ദേഹത്തെ ഭാരവാഹിത്വത്തില്നിന്നു നീക്കിയെന്നു പാലക്കാട് വെസ്റ്റ് ജില്ലാ പ്രസിഡന്റ് വേണുഗോപാല് പറഞ്ഞു. തദ്ദേശ തെരഞ്ഞെടുപ്പുമായി ബന്ധപ്പെട്ട് ഉയര്ന്ന പരാതിയുടെ അടിസ്ഥാനത്തിലാണു നടപടിയെന്നും മറ്റു കാരണങ്ങളില്ലെന്നും വേണുഗോപാല് പറഞ്ഞു.
മുന് യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തില് എംഎല്എയ്ക്കെതിരെ പ്രതികരണവുമായി ലൈംഗികാതിക്രമ കേസിലെ അതിജീവിതയുടെ ഭര്ത്താവ്. രാഹുല് കുടുംബജീവിതം തകര്ത്തെന്ന് അതിജീവിതയുടെ ഭര്ത്താവ് പറഞ്ഞു. മാനസിക സംഘര്ഷത്തില് ആയിരുന്നുവെന്നും തന്റെ പരാതിയില് പ്രത്യേക അന്വേഷണ സംഘം വിവരങ്ങള് ശേഖരിച്ചെന്നും അതിജീവിതയുടെ ഭര്ത്താവ് പറഞ്ഞു.
‘എനിക്ക് വലിയ മാനനഷ്ടം ഉണ്ടായി. രാഹുല് കുറ്റം ചെയ്തിട്ടുണ്ട്. ഒരു എംഎല്എ കുടുംബ പ്രശ്നത്തില് ഇടപെടുമ്പോള് രണ്ട് കക്ഷിയെയും വിളിക്കണം. എന്നെ ഇതുവരെ രാഹുല് വിളിച്ചിട്ടില്ല. കേരളത്തിലെ ഒരു എംഎല്എ കുടുംബം തകര്ക്കുകയാണ് ചെയ്തത്’, ഭര്ത്താവ് കൂട്ടിച്ചേര്ത്തു. യുവതിയെ ഗര്ഭിണിയാക്കിയതും ഗര്ഭചിദ്രം നടത്തിയതും തന്റെ തലയില് കെട്ടി വെക്കാന് ശ്രമം നടന്നെന്നും അദ്ദേഹം പറഞ്ഞു. യുവതിയുടെ ഐഡന്റിറ്റി വെളിപ്പെടുത്തിയതോടെ തന്റെ ഐഡന്റിറ്റി കൂടി വെളിപ്പെട്ടെന്നും പരാതിയുമായി മുന്നോട്ട് തന്നെയെന്നും ഭര്ത്താവ് കൂട്ടിച്ചേര്ത്തു.
രാഹുലിനെതിരെ യുവതിയുടെ ഭര്ത്താവ് മുഖ്യമന്ത്രിക്കും സംസ്ഥാന പൊലീസ് മേധാവിക്കും പരാതി നല്കിയിട്ടുണ്ട്. രാഹുല് മാങ്കൂട്ടത്തില് തന്റെ കുടുംബജീവിതം തകര്ത്തെന്നും യഥാര്ത്ഥ ഇര താനാണെന്നുമാണ് പരാതിക്കാരന്റെ ആരോപണം. യുവതി വിവാഹിതയാണെന്ന് അറിഞ്ഞിട്ടും പ്രതിയുടെ ലൈംഗിക താല്പര്യം കൊണ്ടും ലൈംഗിക വൈകൃതവും കൊണ്ടാണ് ഇത്തരത്തിലൊരു തെറ്റ് നടന്നത്. മനഃപ്പൂര്വ്വം തന്റെ കുടുംബ ജീവിതം തകര്ക്കാനാണ് അയാള് ശ്രമിച്ചത്.
അച്ഛനും അമ്മയുടെയും ഏക മകനായതിനാല് അവരുടെ കാര്യങ്ങള് നോക്കാനായി പാലക്കാട്ടേക്ക് വരികയും താമസിക്കുകയും ചെയ്യേണ്ടിവന്നിരുന്നു. തങ്ങള്ക്കിടയിലുണ്ടായ ചെറിയ സൗന്ദര്യപിണക്കങ്ങളെ പ്രതി മുതലെടുക്കുകയായിരുന്നു. രാഹുലിന്റെ വാദങ്ങളെല്ലാം തെറ്റാണെന്നും പരാതിക്കാരന് പറയുന്നു.
അതേസമയം, ബലാല്സംഗക്കേസിലെ രാഹുല് മാങ്കൂട്ടത്തിലിന്റെ അറസ്റ്റ് ഈ മാസം 21 വരെ തടഞ്ഞു. രാഹുല് സമര്പ്പിച്ച മുന്കൂര് ജാമ്യാപേക്ഷയിലാണ് നടപടി. മുന്കൂര് ജാമ്യാപേക്ഷയെ എതിര്ത്ത അതിജീവിതയെ ഹൈക്കോടതി കകക്ഷി ചേര്ത്തു. രാഹുലിന് മുന്കൂര് ജാമ്യം നല്കരുതെന്ന് ആവശ്യപ്പെട്ട് അതിജീവിത മറുപടി സത്യവാങ്മൂലം നല്കും. മറുപടി സത്യവാങ്മൂലം നല്കാന് ഹൈക്കോടതി രണ്ടാഴ്ചത്തെ സമയം അനുവദിച്ചു.
രാഹുലിനെതിരായ ആദ്യ കേസിലെ മുന്കൂര് ജാമ്യാപേക്ഷ നേരത്തെ തിരുവനന്തപുരം പ്രിന്സിപ്പല് സെഷന്സ് കോടതി തള്ളിയിരുന്നു. തുടര്ന്നാണ് മുന്കൂര് ജാമ്യം തേടി രാഹുല് ഹൈക്കോടതിയെ സമീപിച്ചത്. തന്നെ രാഹുല് ബലാത്സംഗം ചെയ്യുകയും നിര്ബന്ധിച്ചു ഗര്ഭഛിദ്രം നടത്തുകയും ചെയ്തെന്നാണ് യുവതിയുടെ പരാതി.
yuva-morcha-leader-removed
