‘ചിലകുടുംബങ്ങള് തലമുറകളായി വോട്ട് കള്ളന്മാര്’ അവര് തന്നെ വോട്ടുമോഷണത്തെക്കുറിച്ച് പറയുന്നു ; കോണ്ഗ്രസ് വിജയിക്കുമ്പോള് വോട്ടര്പട്ടികയ്ക്ക് കുഴപ്പമില്ല ; ഇത് ഇരട്ടത്താപ്പെന്ന് രാഹുലിന് മറുപടി നല്കി അമിത്ഷാ
ന്യൂഡല്ഹി : ചില കുടുംബങ്ങള് ‘തലമുറകളായി വോട്ട് കള്ളന്മാര്’ ആയിരിക്കുമ്പോള് പ്രതിപക്ഷ നേതാവ് ‘വോട്ട് മോഷണത്തെ’ ക്കുറിച്ച് സംസാരിക്കുന്നെന്ന്് എന്ന് അമിത്ഷാ. രാഹുല്ഗാന്ധിയുടെ വോട്ടുചോരി ആരോപണത്തിന് നെഹ്രുകുടുംബത്തെ വ്യംഗ്യമായി സൂചിപ്പിച്ചുകൊണ്ട് അമിത്ഷായുടെ മറുപടി. പാര്ലമെന്റില് അമിത്ഷായും രാഹുല്ഗാന്ധിയും തമ്മിലുള്ള ചൂടേറിയ വാക്കേറ്റത്തിലായിരുന്നു ഈ പരാമര്ശങ്ങള് വന്നത്. വോട്ട് ലിസ്റ്റുകളിലെ ക്രമക്കേടുകള് സംബന്ധിച്ച് നടത്തിയ വാര്ത്താ സമ്മേളനത്തില് ഒരു ചര്ച്ചയ്ക്ക് തയ്യാറുണ്ടോ എന്ന് രാഹുല് ഗാന്ധി കേന്ദ്ര ആഭ്യന്തര മന്ത്രിയെ വെല്ലുവിളിച്ചു.
എന്നാല് കോണ്ഗ്രസ് വിജയിക്കുമ്പോള് വോട്ടര് പട്ടികകള് തികച്ചും മികച്ചതാണ്, നിങ്ങള് പുതിയ വസ്ത്രങ്ങള് ധരിച്ച് സത്യപ്രതിജ്ഞ ചെയ്യുന്നു. എന്നാല് ബീഹാറിലെന്നപോലെ നിങ്ങള് തകരുമ്പോള്, വോട്ടര് പട്ടികയില് പ്രശ്നമുണ്ടെന്ന് പറയുന്നു… ഈ ഇരട്ടത്താപ്പ് വിലപ്പോവില്ലെന്നും അമിത്ഷാ പറഞ്ഞു. നിലവിലുള്ള വോട്ടര് പട്ടികയിലെ ക്രമക്കേടുകള് അവര് ചൂണ്ടിക്കാണിക്കുന്നു, എന്നിട്ട് തന്നെ, പട്ടികകള് പുതുക്കാനും യോഗ്യരായ വോട്ടര്മാര് മാത്രമേ അതില് ഉള്പ്പെടുന്നുള്ളൂ എന്ന് ഉറപ്പാക്കാനും ലക്ഷ്യമിട്ടുള്ള സ്പെഷ്യല് ഇന്റന്സീവ് റിവിഷനെ എതിര്ക്കുകയും ചെയ്യുന്നു എന്നും പരിഹസിച്ചു.
തെരഞ്ഞെടുപ്പ് പരിഷ്കരണങ്ങളെക്കുറിച്ചുള്ള ചര്ച്ചയ്ക്കിടെ ലോക്സഭയില് കേന്ദ്ര ആഭ്യന്തര മന്ത്രി അമിത് ഷായുടെ പ്രസംഗം അദ്ദേഹവും പ്രതിപക്ഷ നേതാവ് രാഹുല് ഗാന്ധിയും തമ്മിലുള്ള തീപ്പൊരി പോരാട്ടത്തിന് സാക്ഷ്യം വഹിച്ചു. വോട്ടര് പട്ടികയിലെ ക്രമക്കേടുകള് സംബന്ധിച്ച് താന് നടത്തിയ പത്രസമ്മേളനത്തില് ഒരു ചര്ച്ചയ്ക്ക് തയ്യാറുണ്ടോ എന്ന് കോണ്ഗ്രസ് എംപി മന്ത്രിയെ വെല്ലുവിളിച്ചപ്പോള്, താന് പറയുന്ന കാര്യങ്ങളുടെ ക്രമം ആരും നിര്ണ്ണയിക്കേണ്ടെന്ന് പറഞ്ഞ് ബിജെപി നേതാവ് തിരിച്ചടിച്ചു.
