‘അമ്മ ബ്ലൗസിടാത്തത് എന്താണെന്ന് ഫോട്ടോ കണ്ട് മോന് ചോദിച്ചു, എന്റെ ബോള്ഡ്നസ് മാത്രം ആരും കണ്ടില്ല’
സോഷ്യല് മീഡിയയില് കഴിഞ്ഞ കുറച്ച് നാളുകളായി നിറഞ്ഞുനില്ക്കുന്ന വ്യക്തിയാണ് രേണു സുധി. പല തരത്തിലുള്ള വിമര്ശനങ്ങള് ഏറ്റുവാങ്ങിയിട്ടും അവര് വീണ്ടും പുതിയ ഫോട്ടോഷൂട്ടുകളും ഷോര്ട്ട് ഫിലിമുകളും ചെയ്യുന്നുണ്ട്. ഇപ്പോഴിതാ ബിഗ് ബോസിന്റെ ഏഴാം സീസണിലും മത്സരാര്ത്ഥിയാണ് രേണു. ഷോയില് പങ്കെടുക്കാന് പോകുന്നതിന് മുമ്പ് രേണു ഒരു യൂട്യൂബ് ചാനലിന് നല്കിയ അഭിമുഖമാണ് ഇപ്പോള് ശ്രദ്ധേയമാകുന്നത്.
‘ബിഗ് ബോസില് അവസരം കിട്ടിയാല് ടോപ്പ് ഫൈവില് ഞാനെത്തും. കപ്പ് അടിക്കുകയും ചെയ്യും. ബിഗ് ബോസ് സ്ഥിരം കാണുന്ന ഒരാളല്ല ഞാന്. സ്ക്രോള് ചെയ്യുമ്പോള് വരുന്ന കുറച്ച് ക്ലിപ്പുകള് കണ്ടിട്ടുണ്ട്. എനിക്ക് പേടിയില്ല. വിളിച്ചാല് ധൈര്യത്തോടെ ഞാന് പോകും. പുതുതായി കിട്ടിയ ധൈര്യം ഒന്നുമല്ല. പണ്ട് എന്റെ ബോള്ഡ്നസ് ആരും കണ്ടില്ലെന്നുമാത്രം. ഞാന് അഹങ്കാരിയൊന്നും അല്ല. എന്നെപ്പറ്റി നെഗറ്റീവ് പറയുന്നവരോട് എനിക്കൊരു ദേഷ്യവുമില്ല. ആരോടും പ്രതികരിക്കാനുമില്ല.
എനിക്ക് കിട്ടുന്ന സോഷ്യല് മീഡിയ ഹേറ്റ് കണ്ടൊന്നും റിതുല് മോന് എന്നെ വെറുക്കുകയില്ല. ഇപ്പോഴവന് ചോദ്യങ്ങളൊക്കെ ചോദിക്കാന് തുടങ്ങി. ബ്രാലസ് സാരിയുടുത്ത് അടുത്തിടെ ഞാനൊരു ഫോട്ടോഷൂട്ട് ചെയ്തിരുന്നു. അതവന് കണ്ടു. അമ്മ എന്താ ബ്ലൗസ് ഇടാത്തതെന്ന് അവന് എന്നോട് ചോദിച്ചു. മോനേ അതില് ബ്ലൗസുണ്ടെടാ എന്ന് പറഞ്ഞ് ഞാനാ സംഭാഷണം അവസാനിപ്പിച്ചു. വീട്ടിലെ സംസാരം കേട്ടിട്ട് ചോദിച്ചതാണോ എന്നറിയില്ല.
ഞാന് വയറ് കാണുക്കുന്നതിന് പെണ്ണുങ്ങളാണ് ഏറ്റവും കൂടുതല് കുറ്റം പറയുന്നത്. അവര്ക്ക് ഇതൊന്നും പറ്റുന്നില്ല. അസൂയയാണ്. പ്രസവിച്ച വയറാണെന്ന് കണ്ടാല് പറയില്ലല്ലോ. പലരും ജിമ്മില് പോയി വര്ക്കൗട്ട് ചെയ്താണ് ഇതുപോലുള്ള വയര് ഉണ്ടാക്കുന്നത്. ഞാന് പിന്നെ ഭക്ഷണം കഴിക്കാത്തതുകൊണ്ട് വയറ് ചാടുന്ന പ്രശ്നമില്ല. എന്നെ കുറ്റം പറയുന്ന സ്ത്രീകള്ക്ക് സോഷ്യല് മീഡിയയില് വന്ന് ഇങ്ങനെ കാണിക്കാനും ഓരോന്ന് ചെയ്യാനും ആഗ്രഹം കാണും’ – രേണു പറഞ്ഞു.
