‘ഞാന് എന്റെ ബെസ്റ്റ് ഫ്രണ്ടിനെ വിവാഹം കഴിച്ചു’; ചിത്രങ്ങള് പങ്കുവച്ച് നടി, ആശംസയുമായി സോഷ്യല് മീഡിയ
നടിയും മോഡലുമായ ആന്സിയ പങ്കുവച്ച ചിത്രങ്ങളാണ് ഇപ്പോള് സോഷ്യല് മീഡിയയില് ചര്ച്ചയാകുന്നത്. ‘കൂടെവിടെ’ എന്ന സീരിയലിലൂടെ പ്രേക്ഷകരുടെ പ്രിയപ്പെട്ട താരമായ പ്രാര്ത്ഥനയുടെ കഴുത്തില് പൂമാല ചാര്ത്തുന്ന ചിത്രങ്ങള്ക്ക് താഴെയാണ് ചര്ച്ച. ‘with ma pondattii’ എന്ന കുറിപ്പോടെയാണ് ചിത്രങ്ങളും വീഡിയോകളും ഇന്സ്റ്റഗ്രാമില് പങ്കുവച്ചത്.
പോസ്റ്റ് വൈറലായതോടെ പലര്ക്കും എന്താണ് സംഭവിച്ചതെന്ന് മനസിലായില്ല. അമ്പല നടയില് വച്ച് ഇരുവരും താലിചാര്ത്തുകയും പൂമാലയിടുകയും ചെയ്യുന്നതാണ് വീഡിയോയിലുള്ളത്. ഞാന് എന്റെ ബെസ്റ്റ് ഫ്രണ്ടിനെ വിവാഹം കഴിച്ചെന്നും ടോക്സിക് ബന്ധത്തേക്കാള് നൂറിരട്ടി മികച്ച ബന്ധമാണെന്നും പ്രാര്ത്ഥന വീഡിയോയില് കുറിച്ചു.
നിരവധി പേരാണ് ഇവര്ക്ക് ആശംസ അറിയിച്ച് രംഗത്തെത്തുന്നത്. ചിലര് വിവാഹ ആശംസകളും പോസ്റ്റിന് താഴെ അറിയിക്കുന്നുണ്ട്. എന്നാല് ഇത് ഷൂട്ടിംഗിന്റെ ഭാഗമാണോ അതോ പ്രാങ്ക് വീഡിയോ ആണോ എന്നുള്ള കാര്യവും വ്യക്തമല്ല.
