‘അടിച്ച് പിപ്പിരിയായിരുന്നു, അരുണിമയും കൂട്ടുകാരിയും കാറില്‍ കയറിയശേഷം മദ്യത്തിന്റെ വല്ലാത്ത മണമായിരുന്നു’…
കഴിഞ്ഞ ദിവസങ്ങളില്‍ ഏറ്റവും കൂടുതല്‍ വൈറലായത് ബാക്ക് പാക്കര്‍ അരുണിമ എന്ന ട്രാവല്‍ വ്‌ലോഗര്‍ പങ്കിട്ട വീഡിയോയായിരുന്നു. യുഎസില്‍ വെച്ച് നേരിടേണ്ടി വന്ന ദുരനുഭവമാണ് അരുണിമ വീഡിയോയിലൂടെ പങ്കുവെച്ചത്. താന്‍ താമസിച്ചിരുന്ന വീട്ടില്‍ നിന്ന് അര്‍ധരാത്രി തന്നെ ഇറക്കിവിട്ടെന്നും സുഹൃത്തിന്റെ വീട്ടിലാണ് താമസിച്ചിരുന്നതെന്നും അയാളുടെ കൊച്ചുമകളാണ് ഇറക്കിവിട്ടതെന്നുമാണ് അരുണിമ പറഞ്ഞത്.
ഇപ്പോഴിതാ വീഡിയോ വൈറലായതോടെ അരുണിമയുടെ വൈറല്‍ വ്‌ലോഗിനെ കുറിച്ച് തനിക്ക് തോന്നിയ ചില കാര്യങ്ങളും അരുണിമയെ പരിചയപ്പെട്ടപ്പോള്‍ തനിക്കുണ്ടായ അനുഭവവും പങ്കുവെച്ചിരിക്കുകയാണ് യുട്യൂബറും ബിഗ് ബോസ് താരവുമായ സീക്രട്ട് ഏജന്റെന്ന സായ് കൃഷ്ണ. ഒരു വ്യക്തിയുടെ സ്വകാര്യ ജീവിതം സോഷ്യല്‍മീഡിയയില്‍ എക്‌സ്‌പോസ് ചെയ്ത അരുണിമയോട് തനിക്ക് യോജിക്കാനാവില്ലെന്ന് പറഞ്ഞാണ് സായ് കൃഷ്ണ സംസാരിച്ച് തുടങ്ങിയത്.
യുഎസ്സില്‍ അരുണിമ താമസിച്ച വീട്ടിലുള്ളവര്‍ തിങ്കളാഴ്ച പോകാനാണ് അരുണിമയോട് പറഞ്ഞത്. അരുണിമയ്ക്ക് ഈഗോ തോന്നിക്കാണും. അതുപോലെ വീട്ടുകാര്‍ക്കും ഈഗോ തോന്നിക്കാണും. ഉടനെ വീട്ടില്‍ നിന്ന് ഇറങ്ങണമെന്ന് അരുണിമയോട് വീട്ടുകാര്‍ പറഞ്ഞിട്ടില്ല. മുന്‍കൂട്ടി പറയുക മാത്രമാണ് ചെയ്തത്. അതിനുള്ള കാരണവും അവര്‍ അരുണിമയോട് പറയുന്നുണ്ട്.
നിങ്ങളെപ്പോലെ ലോകം കാണാത്തയാളല്ല താനെന്നും അരുണിമ പറയുന്നത് വീഡിയോയില്‍ കേള്‍ക്കാം. മാത്രമല്ല സംഭവം നടന്ന അന്നല്ല അരുണിമ വീഡിയോ പോസ്റ്റ് ചെയ്തത്. രണ്ട് ദിവസം കഴിഞ്ഞിട്ടാണ് ചെയ്തത്. അതുപോലെ അരുണിമ, ജോര്‍ജ് എന്ന വ്യക്തിയോട് ചെയ്തത് മോശം പ്രവൃത്തിയാണ്. അത്രയും ദിവസം അരുണിമയെ നല്ല രീതിയിലാണ് ജോര്‍ജ് എന്നയാള്‍ ട്രീറ്റ് ചെയ്തത്. സ്ഥലങ്ങള്‍ കാണാന്‍ അടക്കം അയാള്‍ ഒപ്പം പോയി.
പക്ഷെ ഇപ്പോള്‍ വീഡിയോ പോസ്റ്റ് ചെയ്തതിലൂടെ അരുണിമ അയാളെ നാട്ടുകാര്‍ക്ക് കടിച്ച് കീറാന്‍ ഇട്ട് കൊടുത്തത് പോലെയായി. അയാളുടെ പേഴ്‌സണല്‍ ലൈഫ് മൊത്തം എക്‌സ്‌പോസ് ചെയ്തു. അരുണിമ ചെയ്ത പരിപാടിയോട് ഒട്ടും യോജിക്കാനാവില്ല. പട്ടിക്കൂട്ടില്‍ പട്ടികിടക്കുന്ന അവസ്ഥയിലാണ് ജോര്‍ജ് എന്ന രീതിയിലാണ് അരുണിമ സംസാരിച്ചത്. ആ മനുഷ്യന് ഇനി ആ വീട്ടില്‍ ജീവിക്കേണ്ടതല്ലേ?.
അരുണിമ വീഡിയോയില്‍ അയാളുടെ ഫേസ് കാണിക്കുകയും ചെയ്തു. നാട്ടിലേക്ക് അയാള്‍ ഇനി വരേണ്ട ആളല്ലേ..? മാന്യമായി അരുണിമയ്ക്ക് കാര്യങ്ങള്‍ പറയാമായിരുന്നു എന്നാണ് സായ് കൃഷ്ണ പറഞ്ഞത്. അരുണിമയെ ആദ്യമായി കണ്ട് പരിചയപ്പെട്ട അനുഭവവും സായ് കൃഷ്ണ പങ്കുവെച്ചു. എന്റെ ഒരു പേഴ്‌സണല്‍ എക്‌സ്പീരിയന്‍സും ഞാന്‍ പറയാം. അരുണിമയെ ഞാന്‍ മലപ്പുറത്ത് വെച്ച് ഒരിക്കല്‍ കണ്ട് സംസാരിച്ചിട്ടുണ്ട്.
അന്ന് ഞാന്‍ അറിയപ്പെടുന്ന യുട്യൂബര്‍ ആയിരുന്നില്ല. വലിയ ഫോളോവേഴ്‌സും എനിക്കില്ലായിരുന്നു. പൂക്കോട്ടൂര്‍ വെച്ചാണ് കണ്ടത്. അന്ന് അരുണിമയ്‌ക്കൊപ്പം വേറൊരു ലേഡി കൂടി ഉണ്ടായിരുന്നു. വീഡിയോ കണ്ടിട്ടുള്ളതുകൊണ്ട് അരുണിമയെ പോയി പരിചയപ്പെട്ടു. സഹായം വേണോയെന്ന് ചോദിച്ചു. ഞങ്ങളുടെ നാട്ടില്‍ കൂടി പോകുന്നത് കൊണ്ടാണ് ഹെല്‍പ്പ് വേണോയെന്ന് ചോദിച്ചത്. അപ്പോള്‍ പറഞ്ഞു… പെരിന്തല്‍മണ്ണ ഭാഗത്തേക്ക് പോകാന്‍ ബസ് കിട്ടുന്ന സ്ഥലത്തേക്ക് ഒരു ലിഫ്റ്റ് തരാമോയെന്ന്.
അങ്ങനെ ഞാന്‍ അവരെ വണ്ടിയില്‍ കയറ്റി. അവര്‍ മദ്യപിക്കുന്നതും മദ്യപിക്കാതിരിക്കുന്നതുമെല്ലാം അവരുടെ ഇഷ്ടം. പക്ഷെ അവര്‍ കയറിയശേഷം കാറിനുള്ളില്‍ മദ്യത്തിന്റെ ഭയങ്കര മണമായിരുന്നു. അതുകൊണ്ട് തന്നെ അവരെ ഒരു ബസ് കിട്ടുന്ന ഒരു ഏരിയയില്‍ ഞാന്‍ വൈകാതെ ഇറക്കി വിട്ടു. അവര്‍ രണ്ടുപേരില്‍ ആരാണ് മദ്യപിച്ചതെന്ന് അറിയില്ല.
ചിലപ്പോള്‍ ഒരാളാകും അല്ലെങ്കില്‍ രണ്ടുപേരുമാകും. എന്തായാലും ഭയങ്കര സ്‌മെല്ലായിരുന്നു. അടിച്ച് പിപ്പിരി ആയിരുന്നു. ഇത്രത്തോളം മദ്യപിച്ച് ട്രാവല്‍ ചെയ്താല്‍ എന്താകും അവസ്ഥ എന്നൊക്കെ ഞാന്‍ അന്ന് സംസാരിക്കവെ സുഹൃത്തുമായി ഡിസ്‌കസ് ചെയ്തിരുന്നു എന്നുമാണ് സായ് കൃഷ്ണ പറഞ്ഞത്.
