കണ്ണൂര്‍: പയ്യന്നൂര്‍ പെരിന്തട്ട സൗത്ത് ഗവ എല്‍പി സ്‌കൂള്‍ ശതാബ്ദിയുടെ നിറവില്‍. ഒരു വര്‍ഷം നീണ്ടു നില്‍ക്കുന്ന ശതാബ്ദി ആഘോഷം രജിസ്‌ട്രേഷന്‍ വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു. ടി.ഐ മധുസൂദനന്‍ എംഎല്‍എ അധ്യക്ഷനായി. പി പ്രകാശന്‍ റിപ്പോര്‍ട്ട് അവതരിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് പിവി വല്‍സല, കെ കമലാക്ഷന്‍, സി ചിന്താമണി, പിവി തമ്പാന്‍, ടിവി ജ്യോതിബസു, കെപി രാമകൃഷ്ണന്‍, കെവി മണികണ്ഠന്‍, പി ഷിജിന എന്നിവര്‍ സംസാരിച്ചു. പ്രധാനധ്യാപകന്‍ കെ വല്‍സരാജന്‍ സ്വാഗതവും വിവി ചന്ദ്രന്‍ നന്ദിയും പറഞ്ഞു. തുടര്‍ന്ന് വിവിധ കലാപരിപാടികള്‍ അരങ്ങേറി. തൗവറ കേന്ദ്രീകരിച്ച് നടന്ന ഘോഷയാത്രയില്‍ സ്ത്രീകളും കുട്ടികളുമടക്കം നൂറ്കണക്കിനാളുകള്‍ പങ്കെടുത്തു.
