ചെന്നൈ: തിരുനെല്‍വേലിയില്‍ സഹപാഠിയെ ആക്രമിക്കാനായി സ്‌കൂള്‍ ബാഗില്‍ വെട്ടുകത്തിയുമായെത്തിയ 10ാം ക്ലാസ് വിദ്യാര്‍ഥിയെ പൊലീസിനു കൈമാറി. സ്‌കൂളിലെ പതിവ് ബാഗ് പരിശോധനയ്ക്കിടെയാണ് കത്തി കണ്ടെത്തിയത്. തുടര്‍ന്ന്, വിദ്യാര്‍ഥിയെ പ്രിന്‍സിപ്പലിന് അടുത്തെത്തിച്ചു. കഴിഞ്ഞ 10നു സഹപാഠി തന്നെ ആക്രമിച്ചെന്നും അതിനു പ്രതികാരം ചെയ്യാനാണു കത്തിയുമായെത്തിയതെന്നും വിദ്യാര്‍ഥി അറിയിച്ചു.
ഇതോടെ, ആക്രമിച്ച കുട്ടിയെയും വിളിച്ചുവരുത്തി വിവരങ്ങള്‍ ചോദിച്ചറിഞ്ഞു. തുടര്‍ന്നു 3 വിദ്യാര്‍ഥികളെയും പൊലീസിനു കൈമാറുകയായിരുന്നു. ഇവരെ ജുവനൈല്‍ ഒബ്‌സര്‍വേഷന്‍ ഹോമിലേക്ക് അയച്ചു. കഴിഞ്ഞ മാസം, 3 സ്‌കൂള്‍ വിദ്യാര്‍ഥികള്‍ അധ്യാപികയെ ആക്രമിക്കാന്‍ സ്‌കൂളിലേക്ക് കത്തി കൊണ്ടുവന്നിരുന്നു.
