ഔറംഗബാദ്: ഇലക്‌ട്രിക് ഓട്ടോറിക്ഷ ചാർജ് ചെയ്യുന്നതിനിടെ വൻ സ്ഫോടനം.മഹാരാഷ്ടയിലെ ഔറംഗബാദ് കൻ്റോണ്‍മെൻ്റിലെ ദനാ ബസാർ പ്രദേശത്താണ് സംഭവം.
സംഭവത്തിൽ ഒരു കുടുംബത്തിലെ 7 പേർ മരിച്ചു.ഹമീദ ബീഗം (49), മക്കളായ വസീം (29), സോഹെല്‍ (27), ഇവരുടെ ഭാര്യമാരായ തൻവീർ (25), രേഷ്മ (23), അഞ്ച് വയസ് പ്രായമുള്ള രണ്ട് കുട്ടികള്‍ എന്നിവരാണ് മരിച്ചത്.
2 പേർ പൊള്ളലേറ്റും ബാക്കിയുള്ള 5 പേർ ശ്വാസംമുട്ടിയുമാണ് മരിച്ചതെന്ന് പ്രാഥമിക അന്വേഷണത്തില്‍ കണ്ടെത്തിയതായി ഔറംഗബാദ് പോലീസ് കമ്മീഷണർ മനോജ് ലോഹ്യ പറഞ്ഞു. ബുധനാഴ്ച പുലർച്ചെ 3 ന് വാഹനം പൊട്ടിത്തെറിച്ചതോടെ വീടിന് തീപിടിക്കുകയായിരുന്നു.
അപകട സമയത്ത് കുടുംബാംഗങ്ങള്‍ ഉറങ്ങുകയായിരുന്നുവെന്ന് പരിസരവാസികള്‍ പറഞ്ഞു.
