കണ്ണൂർ: കനത്ത ചൂടില്‍ തയ്യല്‍കട ഉടമയുടെ ഇരുകാലുകള്‍ക്കും സാരമായി പൊള്ളലേറ്റു. ചെറുപുഴ തിരുമേനിയില്‍ വച്ചായിരുന്നു സംഭവം.
ചെറുപുഴ തിരുമേനിയില്‍ ടൈലറിംഗ് ഷോപ്പ് നടത്തുന്ന രാമചന്ദ്രനാണ് സൂര്യാതപമേറ്റത്. ബസ്സിറങ്ങി നഗ്‌നപാദനായി 100 മീറ്ററോളം നടന്നപ്പോഴാണ് രാമചന്ദ്രന് സൂര്യാതപമേറ്റത്. കാല്‍പാദത്തിലെ കീഴ്ഭാഗത്തെ തൊലി മുഴുവന്‍ അടര്‍ന്നു പോയി ഉടന്‍തന്നെ സമീപത്തെ ആശുപത്രിയില്‍ ചികിത്സ തേടി.
അതേ സമയം ജില്ലയില്‍ ചൂട് ക്രമാതീതമായി ഉയരുന്ന സാഹചര്യത്തില്‍ സൂര്യാഘാതം,സൂര്യാതപം എന്നിവയ്‌ക്ക് സാധ്യതയുള്ളതിനാല്‍ ജനങ്ങള്‍ ജാഗ്രത പാലിക്കണമെന്ന് ജില്ലാ ഭരണകൂടം അറിയിച്ചു.
