കേസ് ക്രൈംബ്രാഞ്ചിന് കൈമാറണം എന്നാണ് എൻ്റെ അഭിപ്രായം. നമ്മുടെ ഓഫീസർമാർ കണ്ടെത്തുമെന്ന് വിശ്വാസമുണ്ട്. കാരണം കേരള പോലീസിലെ ടീം വർക്ക് അത്ര മികച്ചതാണ്. ഓരോ കേസും അന്വേഷിക്കുന്നത് പോലീസ് ഉദ്യോഗസ്ഥർ അത്രയും ശ്രമവും ത്യാഗവും ചെയ്തിട്ടാണ്. ഇത് ആരും അറിയുന്നില്ല- അദ്ദേഹം പറഞ്ഞു.
ചില കാര്യങ്ങളില്‍ ഉത്തരം ലഭിക്കേണ്ടതുണ്ട്. അതിന് വേണ്ടിയാണ് ശ്രമിക്കുന്നത്. അതിന് ചിലപ്പോള്‍ ദൈർഘ്യം എടുത്തേക്കാം. പക്ഷേ ജെസ്നയ്ക്ക് നീതി കിട്ടുക എന്നത് ഉറപ്പായും സംഭവിക്കേണ്ട കാര്യമാണ്. ഒരാള്‍ ഒറ്റയ്ക്കാണ് ഒരു കുറ്റകൃത്യം ചെയ്തതെങ്കില്‍ അത് തെളിയിക്കാൻ പ്രയാസമാണ്. കൂട്ടാളി ഉണ്ടെങ്കില്‍ വേഗത്തില്‍ കണ്ടെത്താനാവും. ഇവിടെ എന്താണ് സംഭവിച്ചത്. ആ കുട്ടി സ്വയം ഇറങ്ങിപ്പോയി. ആരും കാണരുതെന്ന് ആഗ്രഹത്തിലാണ് പോയത്. ആരുടെയും സഹായം ലഭിച്ചിട്ടില്ല എന്ന് ഉറപ്പാണ്. അങ്ങനെയൊരു കേസ് തെളിയിക്കുക ബുദ്ധിമുട്ടാണ്. ചില സംശയങ്ങള്‍ ഇപ്പോഴും ബാക്കിയുണ്ട്- സൈമണ്‍ പറയുന്നു.
ഇതിനിടയിൽ കേസ് സിബിഐക്ക് കൈമാറി.അവർക്കും കേരള പോലീസ് കണ്ടെത്തിയതിന്റെ അപ്പുറത്തേക്ക് കടക്കാനായിട്ടില്ല.കേരള പോലീസ് കേസ് തിരിച്ചെടുക്കണമെന്നും അങ്ങനെ ചെയ്യാൻ നിയമം അനുവദിക്കുന്നുണ്ടെന്നും സൈമണ്‍ പറയുന്നു.
കൂടത്തായി കേസ്,ചങ്ങനാശ്ശേരി മഹാദേവൻ കൊലക്കേസ്, മിഥില മോഹൻ കൊലക്കേസ് അങ്ങനെ പല കേസുകളും തെളിയിച്ചിട്ടുള്ള ഉദ്യോഗസ്ഥനാണ് മുൻ എസ്പിയായ കെ.ജി സൈമണ്‍.
