കൊച്ചി: പത്തുരൂപ ഊണിലൂടെ കേരളമാകെ ശ്രദ്ധയാകർഷിച്ച സമൃദ്ധി @ കൊച്ചി പശ്ചിമ കൊച്ചിയിലേക്കും.
കൊച്ചി കോർപ്പറേഷന് അഭിമാനമായി മാറിയ പദ്ധതി അതേ മാതൃകയില്‍ ഫോർട്ട്കൊച്ചിയിലും പള്ളുരുത്തി കച്ചേരിപ്പടിയിലും ഉടൻ ആരംഭിക്കും.
കോർപ്പറേഷന്റെ സ്വന്തം സ്ഥലത്താവും കേന്ദ്രങ്ങള്‍ ആരംഭിക്കുക. ആദ്യം ഫോർട്ട് കൊച്ചിയിലും പിന്നീട് പള്ളുരുത്തിയിലും പദ്ധതി നടപ്പിലാക്കും.
പദ്ധതിക്ക് ആവശ്യമായ സാമ്പത്തിക സഹായം നൽകുമെന്ന് മന്ത്രി പി. രാജീവ് അറിയിച്ചിരുന്നു.
