ഗുൽമാർഗ്: കാശ്മീരിലെ മഞ്ഞുവീഴ്ച പങ്കുവെച്ച് കേരള ബ്ലാസ്റ്റേഴ്സ് താരം ഡാനിഷ് ഫാറൂഖ്. ഫേസ്ബുക്ക് വഴിയാണ് താരം കനത്ത മഞ്ഞുവീഴ്ചയ്ക്കൊപ്പം നിൽക്കുന്ന ഫോട്ടോ പങ്ക് വച്ചത്.
2022 – 2023 സീസണിലെ ജനുവരി ട്രാന്‍സ്ഫര്‍ വിന്‍ഡോയിലൂടെ ബംഗളൂരു എഫ്സിയിൽ നിന്നും കേരള ബ്ലാസ്റ്റേഴ്സ് എഫ് സി തങ്ങളുടെ കൂടാരത്തിലെത്തിച്ച താരമാണ് ഡാനിഷ് ഫാറൂഖ്.
ശ്രീനഗറിന്റെ അടുത്തുള്ള ഡൗണ്‍ടൗണില്‍ 1996 ല്‍ ആണ് ഡാനിഷ് ഫറൂഖിന്റെ ജനനം.ഐ ലീഗ് ക്ലബ്ബായ റിയല്‍ കാഷ്മീര്‍ എഫ് സിയിലൂടെ ആണ് ഡാനിഷ് ഫറൂഖിന്റെ പ്രഫഷണല്‍ ഫുട്‌ബോളിലേക്കുള്ള അരങ്ങേറ്റം. 2016 ല്‍ റിയല്‍ കാഷ്മീരില്‍ അരങ്ങേറിയ ഡാനിഷ് ഫറൂഖിന് 10 -ാം നമ്പര്‍ ജഴ്‌സി ആയിരുന്നു ക്ലബ് നൽകിയത്. ജഴ്‌സി നമ്പര്‍ സാധൂകരിക്കുന്ന പ്രകടനവുമായി 2017 – 2018 സീസണില്‍ ക്ലബ്ബിന്റെ ടോപ് സ്‌കോററാകാൻ ഡാനിഷ് ഫറൂഖിന് സാധിച്ചിരുന്നു. ആ സീസണില്‍ റിയല്‍ കാഷ്മീര്‍ എഫ് സിക്കു വേണ്ടി ഏറ്റവും കൂടുതല്‍ അസിസ്റ്റ് നടത്തിയതും ഡാനിഷ് ഫറൂഖ് ആയിരുന്നു.
അതോടെ 2017 – 2018 സീസണ്‍ ഐ ലീഗ് കിരീടവും റിയല്‍ കാഷ്മീര്‍ എഫ് സി സ്വന്തമാക്കി.അവിടെ നിന്നും 2021 ജൂലൈയില്‍ ആണ് ബംഗളൂരു എഫ് സി യില്‍ എത്തിയത്. ഒരു വര്‍ഷവും അഞ്ച് മാസവും ബംഗളൂരു എഫ് സിക്കു വേണ്ടി പന്തു തട്ടിയശേഷമായിരുന്നു ഡാനിഷ് ഫറൂഖിന്റെ കേരള ബ്ലാസ്‌റ്റേഴ്‌സിലേക്കുള്ള കൂടുമാറ്റം.
2.5 കോടി രൂപയ്ക്ക് മൂന്നര വർഷത്തെ കരാറാണ് ഡാനിഷിന് ബ്ലാസ്‌റ്റേഴ്‌സുമായുള്ളത്.
