പാചകവാതക ബുക്കിംഗ് നടത്തുന്നവര്‍ക്ക് പുതിയ അറിയിപ്പുമായി ഭാരത് പെട്രോളിയം കോര്‍പ്പറേഷൻ. കമ്ബനിയുടെ പാചകവാതക ബുക്കിംഗിന് പുതിയ നമ്ബറാണ് അധികൃതര്‍ ഏര്‍പ്പെടുത്തിയിരിക്കുന്നത്.
ഏറ്റവും പുതിയ അറിയിപ്പ് പ്രകാരം, ബുക്കിംഗ് നടത്തുന്ന ഗുണഭോക്താക്കള്‍ 7715012345, 7718012345 എന്നീ നമ്ബറുകള്‍ ഉപയോഗിക്കേണ്ടതാണ്.
ഈ രണ്ട് നമ്ബറുകളും ഏതാണ്ട് 5 വര്‍ഷം മുമ്ബാണ് ഭാരത് പെട്രോളിയം കോര്‍പ്പറേഷൻ അവതരിപ്പിച്ചത്. എന്നാല്‍, ബുക്കിംഗ് നടത്തുന്നതിനായി ഇപ്പോഴും പ്രവര്‍ത്തനരഹിതമായ നമ്ബര്‍ ഉപയോഗിക്കുന്നത് ശ്രദ്ധയില്‍പ്പെട്ടതോടെയാണ് വീണ്ടും മുന്നറിയിപ്പ് നല്‍കിയിരിക്കുന്നത്.
9446256789 എന്ന ഐവിആര്‍എസ് നമ്ബര്‍ കാലഹരണപ്പെട്ടതാണെന്നും, ബുക്കിംഗ് നടത്താൻ ഈ നമ്ബര്‍ ഉപയോഗിക്കരുതെന്നും അധികൃതര്‍ വ്യക്തമാക്കി.
